Abakwane̩ 3:19 - O̩TAKADA O̩LA O̩JO̩ 1970

¹⁹ Ugu atʼe̩ oji tak e̩ jʼuje̩wñ gbogbo tak e̩ dabi tef ane̩, todu efu-wñ oñ ma dʼuwe̩ kwo; ebutu uwe̩ che, e̩ ñʼadabi tef ebutu ge̩.

Abakwane̩ 3:19 ပူးပေါင်းရင်းမြစ်များ

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Job 34:15

mak o̩re̩la du alenyo̩ alukate, oñ one̩ adabi tʼebutu.

Eli Eko̩ DʼO̩jo̩ 104:29

Uwe̩ dʼeju-we̩ maja, ma dejiji; uwe̩ bʼuma gbʼiñmi-ma, ma leku oñ ma mudabi tef ebutu-ma.

Abakwane̩ 2:7

taku Jihofa O̩jo̩ nʼebutu fʼone̩ bo̩, oñ i ñmiñmi afu e-iñmi nyʼiñmo̩-wñ; oñ one̩ mud onugo one̩ kʼi nʼiñmi.

Eli Eko̩ DʼO̩jo̩ 90:3

Uwe̩ arʼone̩ da kʼi dabi mud ebutu, oñ uwe̩ kakini, Mudabiwa, ame̩ amo̩ma amone̩!

Abo E̩fe̩sus 4:28

E̩ne̩ ki joji ki ño̩ joji ge̩ n: chai o̩wo̩ e-wñ onugo i adu chʼakanya uko̩lo̩ ki nyo̩, todu kʼi ne̩ e̩wñ kʼi akpe̩ kpʼe̩ne̩ kʼeku e̩wñ aku.

Ako̩la ñw Ujeju 3:20

O̩chaka-ma anyʼugboʼkate; e̩te̩-ma chaka chʼebutu, oñ o̩chaka-ma ñʼadabi chʼebutu ge̩.

Abakwane̩ 18:27

Tak Ebraham dohi kakini. Go ta, ibenu naje̩ kʼu ko̩la ñw Ondu-i, omi kʼu chʼebutu kpai elulu.

Danie̩l 12:2

Oñ abo wewe ku ma jʼef ebutu ile̩-i alolu ajʼolu, iche̩ka anyʼef iñmi ogbegbele̩, iche̩ka anyʼef anyo̩ kpai o̩lajijili ogbegbele̩.

Ako̩la ñw Ujeju 1:3

Ile e̩wñ one̩ ne̩ ugbo uko̩lo̩ akanya du kʼi ache o̩gane̩ olu-i?

Eli Eko̩ DʼO̩jo̩ 22:15

ukpahiu-mi gbe̩ dab anade; ukpalu-mi la gamʼalu-mi; oñ e̩ mʼumi du dachi ef ebutu uku me̩.

Abakwane̩ 23:4

Ilowa omi che kpai e̩ne̩ ane̩ omune̩ kʼi dʼugbo me̩ ofofo; fʼane̩ ugbo kʼu nakʼabo-mi ji bu ñwu mi ugbo me̩-i, kʼu kʼabo-mi ki ku ji bʼeju-mi te̩.

2 Abo Te̩se̩lonaika 3:10

Todu i chaka chʼe̩gba kʼa jʼugbo me̩ le̩, a fʼe-i ñwa ñwu me̩ kakini, Iche̩wñ ki ma dʼone̩ e̩do̩ ki chuko̩lo̩ n, mak i ki we eje̩ e̩wñ.

Eli Eko̩ DʼO̩jo̩ 103:14

Todu owñ chema e̩wñ ku ma ne̩ bo̩ wa; ibe-wñ chʼekado ka kʼebutu a che.

1 Te̩s 2:9

Todu ame̩ rewa akanya-wa kpʼo̩bata uko̩lo̩-wa, amo̩maye, abu kʼa chʼuko̩lo̩ odu kpʼo̩ro̩ka kʼa we edʼadu nʼe̩ne̩ du ef ume̩ oji, oñ a fʼakoya Uche̩nyo̩ O̩jo̩ ta ñwu me̩.

Ako̩la ñw Ujeju 5:15

Alu kʼi kwʼefu iye-wñ dufu ago ofo abe̩le̩ i alo alu kʼi wa le̩. I la nʼe̩wñ du kwef uko̩lo̩ akanya kʼi che kʼi adu nʼo̩wo̩ alo n.

Ako̩la ñw Ujeju 1:13

U dʼe̩do̩-mi tʼenʼibe atene kpʼetejane̩ e̩wñ du ku ma che o̩gane̩ efojale. Akanya ki awo̩-i oñ O̩jo̩ ko ñw amo̩ma amone̩ ku ma ne̩ fʼo̩la-ma demane̩.

Ita, Ita 21:16

E̩ne̩ ki ale bo̩bo̩bo bʼo̩na oji e̩wñ ema te̩ añmi ef ujeju abo ki ku.

Eli Eko̩ DʼO̩jo̩ 22:29

Ame̩nura ile̩-i du aje̩ e̩wñ mala adojikane̩; abo du ku ma gwo̩ru nyʼef ebutu ate̩kpe̩ o̩gba-wñ, i chaka chʼe̩ne̩ ki ma neke je̩ ñw onugo-wñ deju ni ge̩.

Job 21:26

Ma kwodachi ef ebutu okujo̩, tak ide̩ lewa bʼuma ma.

Job 19:26

oñ e̩gba kʼaño̩ o̩la-mi-i kpabie̩ rinyo̩, mak ubi o̩re̩la-mi ojoji, nali O̩jo̩,

Job 1:21

tak i kakini, Ago ofo oñ u ne̩ kwef iye-mi, ago ofo nadabi nyʼo̩mo̩ ge̩; Jihofa mʼu ko wa, Jihofa laño̩ mʼu ko le ge̩. Odu Jihofa ki nele.

1 Abo Ko̩rint 15:47

One̩ e-ejodudu le̩ kwef ane̩ ile̩-i, ebutu i che: one̩ e-ekeji kwʼefojale.

Abo Hibru 9:27

Oñ alu ku ma ko jo̩ ñw amone̩ ku ma ku onuʼkate, tak ubile̩ chʼajo;

Abakwane̩ 3:18

ikeke kpai edudu egbe oñ i adufu ñw e̩ ge̩; uwe̩ la aje̩ eñmi oko kwe̩ kwe̩ kwe̩.

Job 4:19

mak e-abo ku ma dodo ef unyi ike̩te̩ tule n? kʼunyane̩-ma chʼef ebutu, ku ma neke fʼuma kpetili mane̩ dab achibebene.

Eli Eko̩ DʼO̩jo̩ 104:23

One̩ adufu nyʼokuko̩lo̩-wñ ugbo kʼi achʼakanya-wñ gbogbo tʼolane̩.

Eli Eko̩ DʼO̩jo̩ 127:2

Kʼuwe̩ ki takpa takpa kwane̩, kʼo̩jo̩ ki du gbane̩ gbane̩ tak e̩ dachi, kʼe̩ la jʼuje̩wñ e̩do̩dudu o̩chaka-wñ chʼofofo; todu i adu olu ele̩ ñw ame̩nufe̩do̩-wñ.

Abakwane̩ 5:5

O̩jo̩ kʼAde̩m deju chaka du la chʼo̩do̩ icham nyʼo̩gbo̩ me̩fa nyoke me̩gwa; tak i leku.

Job 10:9

E̩ ki rewa ka kʼe̩ bo̩ mi alu ku ma nʼama bo̩ e̩wñ; e̩ ñʼadʼumi dabi tʼef ebutu ge̩?