Abakwane̩ 25:11 - O̩TAKADA O̩LA O̩JO̩ 1970

¹¹ Oñ i lewatu anubi uku Ebraham, kʼO̩jo̩ de̩nyo̩ ñw o̩ma-wñ Aise̩k. Aise̩k la gugu eti Bir-lehairo̩i.

Abakwane̩ 25:11 ပူးပေါင်းရင်းမြစ်များ

Abakwane̩ 22:17

ka kʼede̩nyo̩ nade̩nyo̩ ñw e̩, ewewe nyo̩gba naje̩ ñw ugbe̩-we̩ ki wewe nyo̩gba alu kʼawo ojale de̩, kpai alu kʼe̩lanyi ki dʼeti ohimini abadi de̩. Ugbe̩-we̩ la agbʼalaku ame̩nebi-ma,

Abakwane̩ 16:14

Todule̩ ma do̩ obuga le̩ ko Bir-lehairo̩i; go, i dʼagbagba Kede̩sh kpai Be̩re̩d.

Abakwane̩ 24:62

Oñ Aise̩k kwʼo̩na Bir-lehairo̩i wa, todu i gugu ane̩ owo o̩pata o̩gane̩ le̩.

Abakwane̩ 17:19

Tak O̩jo̩ kakini, O̩da, chai Sara o̩ya-we̩ abi o̩ma e̩ne̩ke̩le̩ ñw e̩, uwe̩ la adʼodu-wñ ko̩ Aise̩k. Oñ nadʼalo-mi kʼu kpe̩ le̩ dago kpai owñ kʼi chʼalo ogbegbele̩ tod ugbe̩-wñ ubi-wñ ge̩.

Abakwane̩ 12:2

Tak u nadʼuwe̩ che abo uche̩ichi elile, oñ nade̩nyo̩ ñw e̩, nache odu-we̩ ki nana, uwe̩ ki la mud e̩nyo̩ ñw amone̩.

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 12:3

U ñʼade̩nyo̩ ñw abo ku ma kadua ñw e̩, oñ e̩ne̩ kʼi anama ñw e̩ na nama ñw u; oñ efu-we̩ ma ade̩nyo̩ ñw akwo̩ra unyi akwo̩ra unyi ane̩-ile̩-i du.

Abakwane̩ 26:3

Ge̩ne̩ ane̩-i, tak u nadʼugbo-we̩, oñ nade̩nyo̩ ñw e̩; todu nakʼane̩-i du ñw uwe̩ kpai ugbe̩-we̩, alu kʼu go̩ ñw Ebraham ata-we̩ le̩, abe̩le̩ nache.

Abakwane̩ 24:35

Jihofa mʼe̩nyo̩ du ñw odu-mi ololo, i la mud anana; i la mʼame̩wño̩re̩ egini kpai amokuno̩, kpai ajifa kpai o̩jamalia, kpai amadu e̩ne̩ke̩le̩ kpai onobule̩, kpai aminyakulumi, kpai amo̩ke̩ke̩te̩ ko ñw u.

Abakwane̩ 26:12

Tak Aise̩k fʼe̩wñ gbe̩ ane̩ le̩, oñ i nʼawo ñw u ogume̩lu o̩do̩ le̩ gbage̩de̩. Jihofa la de̩nyo̩ ñw u,

Eli Eko̩ DʼO̩jo̩ 112:2

Ugbe̩-wñ achʼagbiti ane̩ ile̩-i; ma ade̩nyo̩ ñw o̩lo̩pu e̩no̩kpakpa le̩.