Abakwane̩ 24:7 - O̩TAKADA O̩LA O̩JO̩ 1970

⁷ Jihofa O̩jo̩ efojale, kʼi mʼumi du kwef unyi ata-mi, kpai kwoj ane̩ ugbo ku ma bi mi, kʼi ño̩ ko̩la ñwu mi, kʼi laño̩ fʼo̩la-wñ go̩ ñwu mi kakini, Omi adʼane̩ kide̩ ñw ugbe̩-we̩, owñ le̩ akpe̩ onuche̩-wñ tʼo̩gba-we̩, tak uwe̩ anʼo̩ya kwʼo̩mo̩ wa ñw o̩ma-mi.

Abakwane̩ 24:7 ပူးပေါင်းရင်းမြစ်များ

Abo Hibru 1:14

O̩chaka-ma chʼamafu ku ma chabune̩, todu ku ma ki che e̩wñ ñw abo ku ma che ku ma aje̩ ujadu e̩wñ ogu, oñ i kpe̩ ma wa-i n?

Eli Eko̩ DʼO̩jo̩ 34:7

Onuche̩ Jihofa aruru lʼabo ku ma railo-wñ daka, i la agba ma.

Akwodufu 33:2

Omi la akpʼonuche̩ tʼuwe̩ o̩gba, oñ u nane abo Kenan kpai abo Amo̩r kpai abo He̩t kpai abo Pe̩re̩z kpai abo Hifai kpai abo Je̩bius bʼo̩mo̩ te̩.

Abakwane̩ 13:15

todu ane̩ du kʼe̩ li le̩ uwe̩ nadu ñw u, kpai ugbe̩-we̩ ogbegbele̩.

Eli Eko̩ DʼO̩jo̩ 73:24

Uwe̩ anʼohi o̩la-we̩ ña mi ona, anubi-wñ tak uwe̩ agba mi ef oji-ma.

Eli Eko̩ DʼO̩jo̩ 32:8

Nakʼe̩ ibe oñ nakʼuwe̩ o̩na kʼuwe̩ ale oñ nanʼeju-mi ñʼuwe o̩na.

Akwodufu 32:13

E̩ nalibekado Ebraham kpai Aise̩k kpai Israe̩l, amadu-we̩ le̩, e-kʼuwe̩ fʼo̩la-we̩ onugo go̩ ñwu ma, kʼe̩ la ka ñwu ma kakini, Naje̩ ñw ugbe̩-me̩ wewe nyo̩gba dab awo awo ojale, oñ ane̩ kʼomi ko̩la-wñ-i du nadu ñw ugbe̩-me̩, tak i achʼe̩wñ ogu-ma ogbegbele̩.

Abakwane̩ 15:18

O̩jo̩ le̩ Jihofa fʼalo-wñ kpe̩ kpai Ebram, i kakini, Ugbe̩-we̩ oñ omi adu ane̩ kide̩ ñw u, akwo ohimini Ijipti le̩ gbogbo wa ohimini lile, owñ chʼohimini Yufretis,

O̩la E̩bite 11:13

Tak ef auwa kide̩, ane̩ kwomiejo otemeje, ukpe̩ e̩ke̩gwa ewo le̩ la lewane̩, oñ odu one̩ kʼi ku ef ane̩ ki miejo le̩ chʼicham nyʼo̩gwo̩ko̩ mebie, tak ailo fʼabo ki bo̩ mu, oñ ma kwodojima ñw O̩jo̩ e-efojale.

Abo Hibru 11:9

E̩do̩ ekono chʼe̩wñ kʼi chʼilowa ef ane̩ ku ma kʼo̩la-wñ tane̩ le̩, dabe̩ne̩ kʼojane̩ e̩nomune̩, i gugu ef ebu manyʼAise̩k kpai Jeko̩b, ku ma chʼabo kʼama kpʼowñ aje̩ e̩wñ ku ma kʼo̩la-wñ tane̩ le̩ ogu:

E̩wñ kʼAme̩nukpuche̩ Che 7:5

I la dʼukpe̩ du ef uwñ ñw owñ kʼi aje̩ n, dagba i chʼadabe̩re̩ʼka i du ñw u n. I la katane̩ ñw u ka kʼi adʼu ñw u kʼi ne̩ kpai ugbe̩-wñ ki ro̩nʼowñ. I la nʼo̩ma ta n.

Danie̩l 2:44

Tak iko amonu e-le̩ O̩jo̩ e-efojale adʼojane̩ dago ki ma lañʼakpabie̩ ogbegbele̩ n. Ma la atʼo̩da o̩fe̩-wñ no tane̩ ñw abo omune̩ n; owñ le̩ muda akpʼojane̩-i du fo̩ kʼi fʼu lie̩, owñ onugo la adago ogbegbele̩.

Eli Eko̩ DʼO̩jo̩ 103:20

Me̩ kele Jihofa, ame̩ amonuche̩-wñ, kʼame̩ gbiti ef ukpahiu, ku me̩ la che alu kʼo̩la-wñ ka, ku me̩ la netirʼo̩la kʼi aka!

Jo̩shua 1:6

Fʼeju gbiti kʼe̩ fʼe̩do̩ ne̩; todu uwe̩ aje̩ ñw amone̩-i je̩ ane̩ kʼu go̩ ñw amata-ma ka kʼu nadu ñwu ma-i e̩wñ ogu.

O̩lo̩da Eduwa Onukeji 34:4

Oñ Jihofa ka ñw u kakini, Ane̩ kʼu go̩ ñw Ebraham kpai Aise̩k kpai Jeko̩b, kʼu kakini, Nadu ñw ugbe̩-we̩ le̩ de̩: omi je̩ ñw e̩ li kpai eju-we̩, uwe̩ muda adaba nyʼo̩mo̩ n.

O̩lo̩da Eduwa Onukeji 1:8

Go, u mʼane̩ le̩ kojo̩ o̩gba-me̩ me̩; me̩ nyʼo̩mo̩ ku me̩ mʼane̩ ki Jihofa go̩ ñw amata-me̩ gba, i go̩ ñw Ebraham kpai Aise̩k kpai Jeko̩b ka kʼi adʼu ñwu ma kpai ugbe̩-ma ubi-ma ge̩.

Ekaluka 32:11

Ochochi, eju aboke̩le̩ du ku ma kwʼ Ijipti dufu wa-i, kʼo̩do̩-ma chʼogu nyʼate̩to̩gba-wñ ado ane̩ kʼomi go̩ ñw Ebraham kpai Aise̩k kpai Jeko̩b in, todabu ku ma ma tʼumi ubi ogbolo n;

Ekaluka 14:30

ñʼawʼoj ane̩ e-kʼomi dʼo̩wo̩-mi nyate̩ ka kʼomi aje̩ ñwu me̩ dodo o̩mo̩ n, chai Kele̩b, o̩ma Jefune kpai Jo̩shua o̩ma Nun.

Ekaluka 14:16

Todabu ku Jihofa ma neke kʼamone̩-i nyʼane̩ kʼi go̩ ñwu ma le̩ n, todule̩ i mʼuma ko kpa ef aje̩tachi-i.

Akwodufu 13:5

Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Abakwane̩ 26:24

Oñ Jihofa kwotejugede ñw u odu o̩jo̩ le̩, i kakini, Omi, O̩jo̩ ata-we̩ Ebraham le̩ de̩; e̩ ki chokpo n, todu kʼomi dʼugbo-we̩, u ñʼade̩nyo̩ ñw e̩, nache kʼugbe̩-we̩ ki wewe nyo̩gba todu adu-mi Ebraham.

Abakwane̩ 17:8

Nadʼane̩ ugbo kʼe̩ ge̩ne̩ le̩, owñ chʼane̩ Kenan du, ñw e̩, kpai ugbe̩-we̩ ubi-we̩ kʼi mud e̩wñ-me̩ ogbegbele̩; u ñʼachʼO̩jo̩-ma.

Jona 1:9

Tak i ka ñwu ma kakini, Abo Hibru u che; omi la arailo Jihofa, O̩jo̩ e-efojale kʼi chʼohimini kpai ane̩ e̩gbe̩.

Aizaya 63:9

O̩pe̩cha du kʼama li owñ li duu, onuche̩ eju-wñ onugo gba ma; ef ufe̩do̩-wñ kpai ef ejumomi-wñ i gba ma tane̩; i la ko ma nʼo̩wo̩ ane̩ ma o̩jo̩ igbegbele le̩ du.

E̩zra 1:2

Abu ki Sairo̩s onu Pe̩rsia ka le̩ de̩, kakini, Jihofa, kʼi chʼO̩jo̩ efojale, mʼojane̩ ojane̩, ile̩-i du ko ñwu mi me̩; i la fʼuko̩ te̩ ñwu mi kʼu fʼunyi ko̩ ñw u Je̩rusale̩m ane̩ Juda.

Amakajo̩ 2:1

Tak onuche̩ Jihofa mute̩gu kwo Gilgal wa Bochim. Oñ i kakini, Omi je̩ ñwu me̩ kwʼIjipti dufu, oñ u mʼume̩ ko wa oj ane̩ e-kʼu go̩ ñw amata-me̩ le̩. Oñ u kakini, U ñʼakpʼalo-mi kpai ame̩ bie̩ ogbegbele̩ n.

Abakwane̩ 16:7

Tak onuche̩ Jihofa fʼowñ li ugbo e̩bi omi ef aje̩tachi, owñ chʼe̩bi omi ki dʼo̩na Shur le̩.

Abakwane̩ 21:17

Oñ O̩jo̩ gbo̩ omu imo̩to̩ le̩; tak onuche̩ O̩jo̩ nomudala kwef ojale ado̩ Hega, I ka ñw u kakini, E̩wñ chʼuwe̩, Hega? E̩ ki chokpo n; todu O̩jo̩ gbo̩ omu imo̩to̩ le̩ ugbo kʼi de̩.

Abakwane̩ 22:11

Tak onuche̩ Jihofa efojale kwadʼo̩, i kakini, Ebraham, Ebraham! Oñ i je̩ kakini, Omi de̩.

Abakwane̩ 24:3

oñ naje̩ ñw e̩ fu Jihofa, kʼi chʼO̩jo̩ efojale kpai ane̩-ile̩, go̩, ka kʼuwe̩ anʼo̩ya ñw o̩ma-mi kwef amo̩ma onobule̩ abo Kenan, e-kʼomi gugu efu-ma-i n,

Abakwane̩ 24:40

Oñ i ka ñwu mi kakini, Jihofa kʼu nalule̩ o̩gba-wñ, owñ akpe̩ onuche̩-wñ lebʼuwe̩ kʼi je̩ ñw ule̩-we̩ ki ra ñw e̩; oñ uwe̩ anʼo̩ya ñw o̩ma-mi ugbo abo-mi kpai ugbo abo unyi ata-mi;

Ekaluka 11:12

Omi ma nyefu amone̩-i chaka ñw u? Omi bi ma? kʼuwe̩ aka ñwu mi kakini, E̩ ki ne̩ ma agbe̩do̩-we̩, alu kʼata anʼo̩ma kʼi añmʼe̩nya, tʼoj ane̩ kʼuwe̩ go̩ ñw amata-ma?

Jo̩shua 24:3

Tak omi mʼata-me̩ Ebraham du kwʼejudaba ohimini le̩, oñ u nʼowñ le ugbo du oj ane̩ Kenan-i, u laño̩ je̩ ñw ugbe̩-wñ wewe; u la du Aise̩k ñw u;

Eli Eko̩ DʼO̩jo̩ 136:26

O me̩ gogbodo̩ O̩jo̩ e-efojale, todu ufe̩de̩nyo̩-wñ chʼogbegbele̩.