Abakwane̩ 24:35 - O̩TAKADA O̩LA O̩JO̩ 1970

³⁵ Jihofa mʼe̩nyo̩ du ñw odu-mi ololo, i la mud anana; i la mʼame̩wño̩re̩ egini kpai amokuno̩, kpai ajifa kpai o̩jamalia, kpai amadu e̩ne̩ke̩le̩ kpai onobule̩, kpai aminyakulumi, kpai amo̩ke̩ke̩te̩ ko ñw u.

Abakwane̩ 24:35 ပူးပေါင်းရင်းမြစ်များ

Abakwane̩ 24:1

Oñ Ebraham mud ogijo, i chʼanagbo nana; Jihofa la de̩nyo̩ ñw Ebraham ef e̩wñ du.

Abakwane̩ 13:2

Ame̩wñ ukpa kpai ajifa kpai o̩jamalia Ebram la gbe̩gbe̩.

Ita, Ita 10:22

E̩nyo Jihofa aje̩ ñw one̩ chʼanana, i la abʼe̩do̩ e̩kpabie̩ tʼo̩ n.

Eli Eko̩ DʼO̩jo̩ 107:38

1 ade̩nyo̩ ñw ma oñ ma awewe nyo̩gba ololo; i la aje̩ ñw ame̩la abe̩re̩me̩le̩-ma buwane̩ n.

Matiu 6:33

Me̩ ki la feju Ojane̩ e-wñ kpʼo̩kpakpa-wñ ejodudu, taku ma akʼe̩wñ le̩ du manyʼu ñwu me̩.

Eli Eko̩ DʼO̩jo̩ 18:35

Uwe̩ laño̩ mʼugbe̩yo̩ ujadu-we̩ du ñw mi me̩, o̩wo̩-we̩ awo̩to̩ la mʼumi ne̩ dago, oñ e̩hio̩lawane̩-we̩ je̩ ñw mi nana nyo̩gba.

Abakwane̩ 25:11

Oñ i lewatu anubi uku Ebraham, kʼO̩jo̩ de̩nyo̩ ñw o̩ma-wñ Aise̩k. Aise̩k la gugu eti Bir-lehairo̩i.

Abakwane̩ 12:2

Tak u nadʼuwe̩ che abo uche̩ichi elile, oñ nade̩nyo̩ ñw e̩, nache odu-we̩ ki nana, uwe̩ ki la mud e̩nyo̩ ñw amone̩.

1 Timoti 4:8

Todu ache ño̩ che kʼaño̩la ki ya chenʼile ree; ama ekpe̩do̩rʼO̩jo̩ chenʼile alu du, abu kʼi chenʼe̩wñ e-iñmi e-abajo̩-i kpai e-ki ache ki wa ku ma katane̩ ubi-wñ.

Eli Eko̩ DʼO̩jo̩ 112:3

Idu kpai e̩wñ anana jʼef unyi-wñ; o̩kpakpa-wñ ado̩mo̩ gbogbo alo.

Job 1:3

Ame̩wñukpa-wñ ño̩ che ame̩wño̩re̩ egini icham nyʼo̩gwo̩ko̩ ugbo mebie, aminyakulumi-wñ la chʼicham nyʼo̩gwo̩ko̩ ugbo me̩ta, amoku-no̩ ejima ejima ku ma ne̩ lʼuche̩ chʼoli me̩gwa, ole o̩ke̩ke̩te̩ la chʼoli me̩gwa, amikono-wñ ño̩, wewe tabale; tod abe̩le̩ e̩ne̩-i chʼe̩ne̩ lile tʼamo̩ma olodudu le chaka.

Abakwane̩ 49:25

lugbo O̩jo̩ e-ata-we̩ e-kʼi abʼuwe̩ che, lugbo Odobao̩gagu kʼi ade̩nyo̩ ñw e̩ e̩nyo̩ ki chʼe-ojale ate̩, e̩nyo̩ e-o̩lulu ki hie̩do̩ mane̩ o̩gane̩, e̩nyo̩ e-e̩nya, kpai e̩nyo̩ e-abio̩ma.

Abakwane̩ 12:16

Tak i che e̩nyo̩ ñw Ebram todu owñ; oñ Ebram ne̩ ame̩wño̩re̩ egini kpai amokuno̩ kpai amo̩ke̩ke̩te̩ o̩ko̩ kpai amadu e̩ne̩ke̩le̩ kpai amadu onobule̩ kpai amo̩ke̩ke̩te̩ ole kpai aminyakulumi.

Ita, Ita 22:4

Uro̩me̩ o̩la ehiwane̩ kpai ebe̩gahi Jihofa chʼe̩wñ anana kpai ojima kpai iñmi.

Luku 12:45

I muda che̩wñ kʼadu kide̩ ka ef e̩do̩-wñ kakini, Odu-mi akpo̩kpe̩ ewa, tak i chane̩ egwo abimo̩to̩-wñ e̩ne̩ke̩le̩ kpʼonobule̩, kʼi chane̩ eje̩ kpʼeñmo̩ kʼo̩te̩ la fʼu mu,

Abakwane̩ 12:3

U ñʼade̩nyo̩ ñw abo ku ma kadua ñw e̩, oñ e̩ne̩ kʼi anama ñw e̩ na nama ñw u; oñ efu-we̩ ma ade̩nyo̩ ñw akwo̩ra unyi akwo̩ra unyi ane̩-ile̩-i du.

Abakwane̩ 25:5

Ebraham la mʼe̩wñ du kʼi ne̩ ko ñw Aise̩k.

Abakwane̩ 30:43

Abe̩le̩ e̩ne̩ le̩ nana nyo̩gba ololo, i la nʼame̩wño̩re̩ egini wewe, kpai amadu onobule̩, kpai amadu e̩ne̩ke̩le̩, kpai aminyakulumi kpai amo̩ke̩ke̩te̩.