Abakwane̩ 23:2 - O̩TAKADA O̩LA O̩JO̩ 1970

² Taku Sara leku Kiriat-arba (owñ che He̩bro̩n), ane̩ Kenan; tak Ebraham lewa ki nʼeku Sara ade̩ kʼi la rʼaku-wñ.

Abakwane̩ 23:2 ပူးပေါင်းရင်းမြစ်များ

Abakwane̩ 23:19

Tak ubi e-le̩ Ebraham du Sara o̩ya-wñ ji ef owo oko Makpila e-ki dʼo̩gba Mamre̩ le̩ (owñ che He̩bro̩n), oj ane̩ Kenan.

Abakwane̩ 13:18

Tak Ebram mʼunyabo-wñ chi, oñ i lewa gugu me̩ru oli te̩re̩bint e-Mamre, kʼi jo̩ He̩bro̩n le̩; tak o̩mo̩ i fʼubo̩ iche̩bo̩ ne ñwu Jihofa.

1 Iko Iko E̩wñ 6:57

Ma la mʼewo ewo ki chʼoko e̩ko̩ ko ñw amo̩ma Aro̩n, owñ che He̩bro̩n kpai Libna manyʼane̩ ije̩-wñ, kpai Jatir kpai E̩shte̩moa manyʼane̩ ije̩-wñ,

Amakajo̩ 1:10

Taki Juda le tekekobʼabo Kenan ku ma dodo He̩bro̩n (odu He̩bro̩n igbele la ko̩ Kjriat-arba); oñ ma fu Sheshai gulo̩, kpai Ahiman kpai Talmai.

E̩wñ kʼAme̩nukpuche̩ Che 8:2

Oñ aboke̩le̩ ku ma himama O̩jo̩ mu Stifan du ji; ma la dinaku-wñ nana nana.

Jo̩n 11:35

Omi aku Jisus lewane̩.

Jo̩n 11:31

Todule̩ amaJu ku ma jʼugbo-wñ ef unyi, ku ma la abʼo̩ aku, abu ku ma li ka ku Me̩ri kwane̩ piopio ledufu, tʼo̩ ubi, ma do̩ ka kʼi anyʼugbo oji, todu kʼi raku o̩mo̩.

Je̩re̩maya 22:18

Todule̩ abu ki Jihofa aka ugbo Jihoyakim o̩ma Josaya, onu Juda le̩ de̩ kakini, Ama akʼo̩wo̩ fiʼe̩do̩ tod uwñ n, ma akakini, Aya, o̩maye-mi e̩ne̩ke̩le̩! Aya, o̩maye-mi onobule̩ n! Ma akʼo̩wo̩ fiʼe̩do̩ tod uwñ n, ma akakini, Aya, Odu-mi! kpai Aya, Gaba-idu! n.

Je̩re̩maya 22:10

Me̩ ki raku e̩ne̩ ki ku n, e̩ ki la kwaliwo̩-wñ n; me̩ ki muda raku e̩ne̩ ki akwʼemi alo anyanyi, todu i ñʼadabi wa ali ane̩ ugbo ku ma bi owñ ge̩ n.

2 Iko Iko E̩wn 35:25

Oñ Je̩re̩maya dinaku Josaya; oñ amakeli du tʼaboke̩le̩ tʼabobule̩ nʼo̩la Josaya aka ef inaku ku ma da gbogbo tʼo̩jo̩ oluñini; taku ma dʼo̩da-wñ te̩ ñw o̩la-ma Israe̩l. E̩ la go, i che̩ko̩ rʼef o̩la Edinaku le̩.

2 Samiue̩l 5:5

I fʼo̩fe̩ Juda o̩do̩ mebie kpai ochu me̩fa je̩ He̩bro̩n o̩mo̩; tak i fʼo̩fe̩ abo Israe̩l kpai abo Juda chaka je̩ o̩do̩ ogue̩gwa nyoke me̩ta Je̩rusale̩m ge̩.

2 Samiue̩l 5:3

Abe̩le̩ abogijo Israe̩l chaka lewa He̩bro̩n ugbo onu. Taku Defid onu fʼalo che kpai ama He̩bro̩n eju Jihofa; oñ ma fʼekpo ba tu Defid oji kʼi jʼonu Israe̩l.

2 Samiue̩l 2:11

Oñ iko ku Defid jʼonu abo unyi Juda He̩bro̩n chʼo̩do̩ mebie kpai ochu me̩fa.

2 Samiue̩l 1:17

Taku Defid nʼinaku kide̩ ada todu So̩l kpai Jo̩natan o̩ma-wñ

2 Samiue̩l 1:12

taku ma kwodaido̩, oñ ma raku oñ ma nʼalu aji gbogbo nyʼane̩, todu Sol kpai o̩ma-wñ Jo̩natan, kpai todu amone̩ Jihofa, kpʼabunyi abo Israe̩l; todabu kʼalu o̩kwo̩chageli gwo ma da jʼane̩.

1 Samiue̩l 28:3

Samiue̩l leku e̩gba le̩ me̩, abo Israe̩l chaka fʼeku-wñ de̩ me̩, ma la mʼu du ji Rama, owñ chʼef ewo-wñ onugo. So̩l la mʼamachobochi kpai amake̩ma ko bʼane̩ le̩ te̩ e̩gba le̩.

1 Samiue̩l 20:31

Todu gbogbo abu kʼo̩ma Je̩si le̩ deju ile̩-i, uwe̩ anʼe̩re̩ ane̩ n, kpʼo̩fe̩-we̩ n. Todule̩ e̩ ki fʼone̩ kpe̩ amʼu du wa ñwu mi fa-i, todu e̩nuku i che.

Jo̩shua 20:7

Taku ma fu Kede̩sh Galili oj ane̩ uwo Naftali kpai She̩ke̩m oj ane̩ uwo Ifraim kpai Kiriat-arba (owñ cho He̩bro̩n) oj ane̩ uwo Juda date̩.

Jo̩shua 10:39

i la fʼu du manyʼonu-wñ kpai adogbe-wñ chaka; oñ ma nʼalu ugbada gwo ma da, ma la mʼamonugo one̩ chaka ku ma jʼefu-wñ kojo̩ ñw O̩jo̩; i tʼe̩ne̩ kate no̩ kʼi bo̩ n. Alu kʼi che He̩bro̩n, kpai alu kʼi che Libna, abe̩le̩ i ño̩ che Debir, kpai onu-wñ ge̩.

O̩lo̩da Eduwa Onukeji 34:8

Oñ amo̩ma Israe̩l raku Mose̩s egbili Moab le̩ o̩jo̩ ogue̩gwa; abe̩le̩ o̩jo̩ aku ero̩ eku Mose̩s ku ma de̩ kpoji.

Ekaluka 20:29

Tak e̩gba kʼabo o̩gbadu le̩ chaka li ka kʼAro̩n leku, ma raku-wñ o̩jo̩ ogue̩gwa, owñ chʼabo unyi Israe̩l chaka.

Ekaluka 13:22

Ma le ane̩ o̩pata o̩gane̩ oñ ma lewa He̩bro̩n; Ahiman kpai She-shai kpai Talmai, amo̩ma Anak, la jʼo̩mo̩. (Ma la fu He̩bro̩n ko o̩do̩ mebie taku ma ko̩ Zoan ane̩ Ijipti.)

Abakwane̩ 50:10

Taku ma lewa ugbo ajita Atadi ugbo ku ma gwo̩ka, e-ki dʼudaba Jordan, o̩mo̩ ma dinaku, inaku-wñ chenana ololololo; oñ i deku ata-wñ o̩jo̩ mebie.

Abakwane̩ 27:41

Oñ Iso̩ chulaka Jeko̩b todu adua kʼata-wñ ko ñw u, tak Iso̩ ka ef e̩do̩-wñ kakini, O̩jo̩ kʼu nadeku ata-mi me̩ro̩wo̩; e̩gbale̩ tak u nadʼo̩maye-mi Jeko̩b kpa.

Abakwane̩ 23:1

O̩do̩ udeju Sara la chʼo̩do̩ o̩gbo̩ me̩fa nyoke mebie; o̩do̩ udeju Sara la de̩.

Abakwane̩ 24:67

Oñ Aise̩k mʼonobule̩ le̩ du tef unyabo Sara, iye-wñ, i la mu Ribe̩ka du oñ i mud o̩ya-wñ; i la fe̩do̩-wñ. Abe̩le̩ e̩do̩ Aise̩k nyi ubi kʼiye-wñ ku le̩.

Abakwane̩ 35:27

Taku Jeko̩b lewa Mamre ugbo Aise̩k, ata-wñ ugbo Kirio̩t-arba (owñ che He̩bro̩n) ugbo kʼEbraham kpai Aise̩k ge̩ne̩ le̩.

Abakwane̩ 37:14

Oñ i ka ñw u kakini, Lo fai, kʼe̩ gʼamo̩maye-we̩, kpai ame̩wño̩re̩ egini, ma ra? kʼe̩ dʼohi wa ñwu mi. Abe̩le̩ i kpʼowñ uche̩ kwef o̩go̩ He̩bro̩n le̩ oñ i lewa She̩ke̩m,

Jo̩shua 15:13

Tak i mʼukpe̩ ʼka du ñwu Kele̩b, o̩ma Jefune le̩, ef abo Juda, alu kʼo̩la ki Jihofa ñwa ñwu Jo̩shua de̩, owñ che Kiriat-arba, owñ che He̩bro̩n, (Arba le̩ chʼata Anak).

Jo̩shua 15:54

kpai Humta kpai Kiriat-arba (owñ le̩ che He̩bro̩n) kpai Zior: ewo me̩la manyu ikpo unyi ikpo unyi-ma.

Jo̩shua 21:11

Oñ ma mu Kiriat-arba, oj ane̩ uwo Juda, manyu ane̩ ije̩ ki lʼowñ daka ko ñwu ma. Arba le̩ chʼata Anak le̩, (owñ che He̩bro̩n).

Nihe̩maya 11:25

I la chʼe-ikpo unyi ikpo unyi kpai ojoko ojoko-wñ, amo̩ma Juda iche̩ka dodo Kiriat-arba kpai adogbe-wñ, kpai Dibo̩n kpai adogbe-wñ, kpai Je̩kabzee̩l kpai ikpo unyi-wñ ikpo unyi-wñ ge̩,

Abakwane̩ 50:1

Taku Jose̩f lewa bʼata-wñ eju ma, i kworʼaku-wñ, oñ i dʼalu-wñ kʼo̩ alu.

1 Samiue̩l 25:1

Oñ Samiue̩l leku; tak abo Israe̩l chaka kʼo̩la-ma jeju, ma dʼo̩wo̩ fiʼe̩do̩, oñ ma mʼu du ji ef unyi-wñ Rama. Taku Defid kwane̩, oñ i gwo̩ru nyʼaje̩tachi Paran.