Abakwane̩ 20:17 - O̩TAKADA O̩LA O̩JO̩ 1970

¹⁷ Tak Ebraham rodubʼO̩jo̩: oñ O̩jo̩ fʼo̩ga Abime̩le̩k che, kpai e-o̩ya-wñ, kpai e-amadu-wñ onobule̩; taku ma ño̩ chane̩ ebi o̩ma.

Abakwane̩ 20:17 ပူးပေါင်းရင်းမြစ်များ

Jeme̩s 5:16

Todule̩ me̩ nagbalu adure-me̩ ñw omune̩, ku me̩ nachadua tod omune̩, ku ma ki fʼo̩ga-me̩ che. Uko̩lo̩ kʼo̩ko̩ kʼe̩no̩kpakpa agba bʼO̩jo̩ ache chʼegbiti.

Abo Filipai 4:6

Me̩ ki dejiji e̩wñ du n; ama ef e̩wñ du me̩ nanʼadua eche kpʼo̩ko̩ e̩gba bʼo̩ manyʼugwa egwa je̩ ñw O̩jo̩ ma ebi-me̩ ku me̩ bi.

1 Te̩s 5:25

Amo̩maye, me̩ ki chadua todu wa.

Matiu 21:22

Oñ e̩wñ du ki che ku me̩ abi ef adua, ku me̩ la ke̩do̩no, me̩ agba.

Matiu 7:7

Me̩ bi, ma la adu ñwu me̩; me̩ feju, me̩ ali; me̩ dʼo̩wo̩ kʼo̩na, ma la abi ñwu me̩.

Aizaya 45:11

Abu ki Jihofa, E̩ne̩ Kiafo̩ e-Israe̩l le̩, kpai Acho̩na-wñ, ka de̩ kakini: Tʼumi ene o̩la e̩wñ ki awa ejo̩gba; ugbo o̩la amo̩ma-mi, kpai ugbo o̩la uko̩lo̩ kʼo̩wo̩-mi che, me̩ ñwa ñw mi.

Ita, Ita 15:8

E̩wñ kʼame̩ne̩bibi kpa ñw Jihofa chʼe̩wñ ihie̩ne̩ ñw u, adua abo ku ma che e̩wñ teju-wñ muda chʼuyo̩-wñ.

E̩zra 6:10

kʼama ki kpa e̩wñ e̩bie̩ ki akpo e̩rinyo̩ ñw O̩jo̩ e-efojale, kʼame̩ ki chadua tod oji onu, kpai amo̩ma-wñ.

Abakwane̩ 29:31

Oñ abu ku Jihofa li ka ku ma chulaka Lea, i mʼabio̩ma-wñ bi; Reche̩l muda chʼagaji.

Abakwane̩ 20:7

Todule̩ e̩ mʼo̩ya e̩ne̩ le̩ dudabi wa ñw u todu akache̩ i che, tak owñ achadua tod uwe̩, oñ uwe̩ adeju. I la che̩wñ kʼe̩ ma dʼowñ dabi tʼe̩gu-wñ n, e̩ ki ma ka kʼuwe̩ aku chuu, uwe̩ kpai abo du kʼuwe̩ ne̩.

E̩wñ kʼAme̩nukpuche̩ Che 3:24

Ochochi, amakache̩ du akwe̩gba Samiue̩l kpai abo ku ma ro̩nʼo, aluka one̩ ki ko̩la du laño̩ nʼo̩la adiko o̩jo̩ kide̩ aka.

Ita, Ita 15:29

Jihofa chejiji rʼame̩ne̩bibi, i muda agbo̩ adua ame̩no̩kpakpa.

Ekaluka 12:13

Taku Mose̩s raku do̩ Jihofa, kakini, O, O̩jo̩, nabi we̩ ebi kʼe̩ fʼo̩ga-wʼñ che.

Ekaluka 21:7

Tak amone̩ le̩ wʼugbo Mose̩s, oñ ma kakini, A fʼadure ta me̩, todabu kʼa ko̩la nyu Jihofa kpai uwe̩ o̩la; e̩ narodubo̩ Jihofa kʼi mʼamejo le̩ ko bʼuwa te̩. Taku Mose̩s chadua todu amone̩ le̩.

Job 42:8

Todule̩ fa-i, me̩ mʼamo̩kokuno̩ mebie kpʼokolo mebie ko, ku me̩ nyʼugbo adu-mi Job, ku me̩ kʼe-le̩ wa chʼiche̩bo̩ e̩gujo tod o̩la-me̩; tak adu-mi Job achadua todu me̩, todu omi agbʼe-wñ tode̩gba kʼu che me̩ alu kʼidada-me̩ de̩; todu ame̩ kʼo̩la-mi tʼo̩kpakpa, alu kʼadu-mi Job ka n.

Abakwane̩ 12:17

Taku Jihofa je̩ ñw atulubo̩ elile ki lewa bu Fero kpai abunyi-wñ ma todu Se̩rai, o̩ya Ebram.