Abakwane̩ 2:3 - O̩TAKADA O̩LA O̩JO̩ 1970

³ Tak O̩jo̩ de̩nyo̩ ñw o̩jo̩ ekebie le̩ i la chʼo kʼi fo̩, todabu ki chʼo̩jo̩ kʼi ñmi uko̩lo̩-wñ du e-kʼO̩jo̩ nyi kpai e-kʼi che.

Abakwane̩ 2:3 ပူးပေါင်းရင်းမြစ်များ

Abo Lifai 23:3

O̩jo̩ me̩fa ma achʼuko̩lo̩: o̩jo̩ e̩kebie-wñ muda chʼugugu yo̩o̩ e-uñmi, udo̩ ujeju kiafo̩ i che; alu du kʼuko̩lo̩ de̩ me̩ ki che n: ugugu yo̩o̩ ñwu Jihofa i che odo-me̩ chaka.

Mark 2:27

Tak i ka ñwu ma, kakini, Ma fʼo̩jo̩ uñmi che todu one̩, i chʼone̩ ma che tod o̩jo̩ uñmi n;

Izikie̩l 20:12

Anubile̩ ge̩ u ño̩ kʼo̩jo̩ uñmi-mi ñwu ma kʼi mud ujiwe agbagba omi kpʼama, kʼama ki ma ka kʼomi che Jihofa ki ache kʼama ki fo̩.

Luku 23:56

Oñ ma mojida wa añwʼe̩wñ ki akpo kpai mur che. Taku ma guguane̩ chii o̩jo̩ uñmi alu ku ma tʼuko̩ ñwu ma.

Akwodufu 34:21

O̩jo̩ me̩fa oñ uwe̩ achʼuko̩lo̩, o̩jo̩ e̩kebie-wñ uwe̩ muda añini; iko e̩be̩ eko̩ kpai iko e̩wñ oko eko wʼunyi, uwe̩ añini.

Nihe̩maya 9:14

e̩ laño̩ je̩ ñwu ma ma o̩jo̩-uñmi-we̩ kiafo̩, e̩ fʼuko̩ uko̩ kpai e̩wñ uhio̩me̩ kpai uko̩-o̩la ñwa ñwu ma lugbo Mose̩s adu-we̩ le̩.

Akwodufu 23:12

O̩jo̩ me̩fa e̩ chʼuko̩lo̩-we̩ kade, o̩jo̩ ekebie-wñ e̩ la ñmi; todu kʼo̩kokuno̩-we̩ kpai o̩ke̩ke̩te̩-we̩ ki li uña uñmi, kʼo̩la o̩ma adu-we̩ onobule̩ kpai ilowa ki ruko.

Ita, Ita 10:22

E̩nyo Jihofa aje̩ ñw one̩ chʼanana, i la abʼe̩do̩ e̩kpabie̩ tʼo̩ n.

Abakwane̩ 2:2

Oñ o̩jo̩ ekebie̩-wñ uko̩lo̩ kʼO̩jo̩ che le̩ takpa, tak o̩jo̩ ekebie le̩ i ñmi uko̩lo̩-wñ du kʼi che.

Abakwane̩ 2:4

Inabali efojale kpai ane̩-ile̩-i e̩gba ku ma nyi ma, o̩jo̩ ki Jihofa O̩jo̩ che ane̩-ile̩ kpai efojale le̩ de̩.

Abakwane̩ 1:31

O̩jo̩ la fʼe̩wñ du kʼi che li, me̩ la go, i nyo̩ tabale. Oñ ane̩ do̩mo̩, odudu la do̩mo̩, o̩jo̩ e̩ke̩fa.