Abakwane̩ 18:27 - O̩TAKADA O̩LA O̩JO̩ 1970

²⁷ Tak Ebraham dohi kakini. Go ta, ibenu naje̩ kʼu ko̩la ñw Ondu-i, omi kʼu chʼebutu kpai elulu.

Abakwane̩ 18:27 ပူးပေါင်းရင်းမြစ်များ

Aizaya 6:5

Tak u kakini, Atogwo chʼe-mi! e-mi ta me̩! todabu kʼomi chʼe̩ne̩ kʼi nʼuko kʼi chechiwa, kʼu laño̩ dodo alumeji amone̩ kʼuko-ma chechiwa: todu eju-mi dʼOnu, owñ che Jihofa ki nʼe̩wñ du!

Luku 5:8

Abu ku Saimo̩n Pita fʼu li, i kwofiane̩ okuku e̩re̩ Jisus, i kakini, Ondu, kwo bʼumi te̩, todabu kʼu chʼe̩ne̩ke̩le̩ adure.

Abakwane̩ 3:19

Ugu atʼe̩ oji tak e̩ jʼuje̩wñ gbogbo tak e̩ dabi tef ane̩, todu efu-wñ oñ ma dʼuwe̩ kwo; ebutu uwe̩ che, e̩ ñʼadabi tef ebutu ge̩.

Luku 18:1

Oñ i fʼita kpa ñwu ma alu kʼi dukpe̩ kʼamone̩ achadua e̩gba du, uhia ki we ehia ma;

Aizaya 64:8

I chaka dʼabe̩le̩, O Jihofa, uwe̩ chʼAta-wa; awa chʼama, uwe̩ chʼabucha ki abo̩ wa; o̩chaka-wa la chʼuko̩lo̩ kʼo̩wo̩-we̩ che.

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Job 30:19

I mʼumi du rikpolo tʼef e̩pio̩, oñ u dabe̩ne̩ kʼebutu kpʼelulu.

Job 4:19

mak e-abo ku ma dodo ef unyi ike̩te̩ tule n? kʼunyane̩-ma chʼef ebutu, ku ma neke fʼuma kpetili mane̩ dab achibebene.

Abakwane̩ 2:7

taku Jihofa O̩jo̩ nʼebutu fʼone̩ bo̩, oñ i ñmiñmi afu e-iñmi nyʼiñmo̩-wñ; oñ one̩ mud onugo one̩ kʼi nʼiñmi.

Eli Eko̩ DʼO̩jo̩ 144:3

O, Jihofa, abʼone̩ de̩ kʼuwe̩ anyʼe e̩ti? Abe̩k o̩ma e-one̩ kʼuwe̩ adʼibe tʼo̩?

Eli Eko̩ DʼO̩jo̩ 8:4

one̩ chʼe̩wñ kʼuwe̩ adʼibe tʼo̩ ta? kpai o̩ma one̩ kʼuwe̩ awa gʼo ta?

E̩zra 9:6

oñ u kakini, O O̩jo̩-mi, anyo̩ fumi mu, anyo̩ je̩ ñwu mi chi eju-mi ago uwe̩ n, O̩jo-mi, todu agboni-wa wobi lʼuwa oji me̩, abi kʼa je̩ gba gbogbo kad efojale.

Abakwane̩ 18:28

Ikani e̩lu chi kwef ame̩no̩kpakpa ooje le̩ fa? E̩ kpʼewo le̩ bie̩ chaka tod e̩lu ki chi le̩? Tak i kakini, Iche̩wñ kʼu fʼone̩ o̩gbo̩ meji nyoke me̩lu li o̩mo̩ nakpʼo̩ bie̩ n.

Akwodufu 32:11

Mose̩s muda gbo̩ko̩bo̩ Jihofa, O̩jo̩-wñ, oñ i kakini, O Jihofa, e̩wñ chi kʼuwe̩do̩-we̩ mutajo bʼamone̩-we̩ e-kʼuwe̩ nʼukpahiu ki nana kpai o̩wo̩ ki gbiti ko ma kwʼane̩ Ijipti wa ma una una-i taa?