Abakwane̩ 15:18 - O̩TAKADA O̩LA O̩JO̩ 1970

¹⁸ O̩jo̩ le̩ Jihofa fʼalo-wñ kpe̩ kpai Ebram, i kakini, Ugbe̩-we̩ oñ omi adu ane̩ kide̩ ñw u, akwo ohimini Ijipti le̩ gbogbo wa ohimini lile, owñ chʼohimini Yufretis,

Abakwane̩ 15:18 ပူးပေါင်းရင်းမြစ်များ

Abakwane̩ 12:7

Taku Jihofa kwotejugede ñw Ebram, oñ i kakini, Ugbe̩-we̩ oñ omi adʼane̩ kide̩ ñw u. Tak o̩mo̩ i fʼubo̩ iche̩bo̩ ne ñwu Jihofa, kʼi kwotejugede ñw u le̩.

Abakwane̩ 24:7

Jihofa O̩jo̩ efojale, kʼi mʼumi du kwef unyi ata-mi, kpai kwoj ane̩ ugbo ku ma bi mi, kʼi ño̩ ko̩la ñwu mi, kʼi laño̩ fʼo̩la-wñ go̩ ñwu mi kakini, Omi adʼane̩ kide̩ ñw ugbe̩-we̩, owñ le̩ akpe̩ onuche̩-wñ tʼo̩gba-we̩, tak uwe̩ anʼo̩ya kwʼo̩mo̩ wa ñw o̩ma-mi.

Abakwane̩ 13:15

todu ane̩ du kʼe̩ li le̩ uwe̩ nadu ñw u, kpai ugbe̩-we̩ ogbegbele̩.

Aizaya 27:12

I la awatu iko le̩ ki Jihofa agwu e̩wñ e̩yo̩ akwo uwobi ohimini Yufretis gbogbo wa aji Ijipti; i are e̩fiye̩-me̩ okoke, ame̩ amo̩ma Israe̩l.

Nihe̩maya 9:8

kʼe̩ li alu kʼe̩do̩-wñ de̩ kpaka o̩gba-we̩. E̩ la fʼalo kpe̩ kpai owñ kʼuwe̩ adʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Je̩bius kpai e-abo Girgash ñw ugbe̩-wñ, e̩ laño̩ che teju o̩la-we̩ kpa; tod uwe̩ chʼe̩no̩kpakpa.

O̩lo̩da Eduwa Onukeji 11:24

Ugbo du ku me̩ adʼadaba e̩re̩-me̩ tʼo̩ amud e-me̩; alu o̩me̩ ane̩-me̩ ate̩ kwʼaje̩tachi gbogbo wa Le̩bano̩n kpai akwo o̩la ohimini, owñ chʼohimini Yufretis, gbogbo wa kado ohimini e-olane̩ le̩.

Ekaluka 34:5

tak alo̩me̩-wñ arida kwo Azmon anyi aji e-Ijipti le̩, oñ i atu dufu o̩la Ohimini.

Abo Hibru 13:20

Oñ O̩jo̩ e-ure̩do̩, e-ki mʼAdidala elile le̩ du dabi wa kwef abo ki ku ef e̩bie̩ alo ogbegbele̩, owñ chʼOndu-wa Jisus.

Je̩re̩maya 32:40

Tak omi akpʼalo ogbegbele̩ kpʼama, kʼomi ma ñʼana bʼuma ubi te̩ ef e̩nyo̩ eche ñwu ma n. Omi la adʼailo-mi tʼef e̩do̩-ma, kʼama ki we ekwo bʼumi te̩.

2 Iko Iko E̩wn 9:26

Oñ i nʼo̩da amonu du ku ma jo̩ akwo o̩lʼohimini Yufretis gbogbo wa ane̩ abo Filistia gbogbo wa alo̩me̩ ane̩ Ijipti.

O̩lo̩da Eduwa Onukeji 34:4

Oñ Jihofa ka ñw u kakini, Ane̩ kʼu go̩ ñw Ebraham kpai Aise̩k kpai Jeko̩b, kʼu kakini, Nadu ñw ugbe̩-we̩ le̩ de̩: omi je̩ ñw e̩ li kpai eju-we̩, uwe̩ muda adaba nyʼo̩mo̩ n.

Akwodufu 23:23

Todu onuche̩-mi atʼuwe̩ o̩gba, kʼi la mʼuwe̩ du nyʼugbo abo Amo̩r kpai abo He̩t kpai abo Pe̩re̩z kpai abo Kenan kpai abo Hifai kpai abo Je̩bius, oñ nakʼuma da rinyo̩.

Abakwane̩ 26:4

Naño̩ je̩ ñw ugbe̩-we̩ ki wewe nyo̩gba dab awo ojale, oñ nakʼane̩-i du ñw ugbe̩-we̩; omi la ade̩nyo̩ ñw abo uche̩ichi du ane̩-ile̩-i lef ugbe̩-we̩:

1 Amonu 4:21

Oñ So̩lo̩mo̩n nʼo̩da ojane̩ ojane̩ du akwo o̩lohimini le̩ gbogbo wʼane̩ abo Filistia, gbogbo wa alo̩me̩ Ijipti; abo le̩ kʼe̩wñ ele wa, oñ ma re̩ So̩lo̩mo̩n gbogbo mʼo̩jo̩ uku-wñ.

Eli Eko̩ DʼO̩jo̩ 105:11

kakini, Uwe̩ nadʼane̩ Kenan ñw u kʼi chʼe̩wñ ogu ku me̩ aje̩.

Jo̩shua 15:4

oñ i alale o̩mo̩ anyi Azmo̩n, tak i akpoji aji Ijipti le̩; eledufu alo̩me̩-wñ la dʼohimini abadi: e-le̩ la chʼalo̩me̩-me̩ o̩wo̩ o̩pata o̩gane̩.

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 35:12

Ane̩ kʼomi du ñw Ebraham kpai Aise̩k, uwe̩ nadʼu ñw u, naño̩ dʼane̩ kide̩ ñw ugbe̩-we̩ ubi-we̩ ge̩.

Abakwane̩ 28:4

I ki ño̩ mʼe̩nyo̩ Ebraham du ñw e̩, kpai ugbe̩-we̩ manyʼuwe̩ ge̩, todu kʼuwe̩ ki nʼane̩ ugbo kʼe̩ ge̩ne̩-i, e-ki Jihofa du ñw Ebraham!

Akwodufu 34:11

E̩ nafejutʼe̩wñ kʼu nañwa ñw e̩ eñini-i. Go, nanʼabo Amo̩r kpai abo Kenan kpai abo He̩t kpai abo Pe̩re̩z kpai abo Hifai kpai abo Je̩bius rinyo̩ bʼuwe̩ o̩gba te̩.

Akwodufu 6:4

U laño̩ fʼalo-mi kpe̩ kpai ama, todu kʼu dʼane̩ Kenan ñwu ma, owñ chʼane̩ ugbo ku ma ge̩ne̩ efu-wñ ale le̩.

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

1 Iko Iko E̩wñ 5:9

oñ olodudu-wñ i dodo gbogbo wʼalo̩me̩ aje̩tachi le̩, akwo ohimini Yufretis, todabu kʼame̩wñu-kpa-ma rabi oj ane̩ Gilead.

2 Samiue̩l 23:5

Ochochi, unyi-mi dʼabe̩le̩ ugbo O̩jo̩ n? I muda kpʼilo ogbegbele̩ kpʼomi, e̩wñ du chʼe̩te̩ru jʼef uwñ, i la do̩mo̩ kpaka. Todu ujadu-mi chaka kpʼe̩wñ du ki rʼumi eju la de̩, dagba i ma je̩ ñw u pa n.

Abakwane̩ 2:14

Odu ohimini e̩ke̩ta la ko̩ Hide̩ke̩l: e-le̩ chʼe-kʼi a cha lʼo̩wo̩ olodudu Asiria le̩. Oñ ohimini e̩ke̩le̩ che Yufretis.

Aizaya 55:3

Hi eti-we̩ wane̩, kʼe̩ wʼugbo mi; gbo̩ tak onugo-we̩ adeju; tak u nakpʼalo e-ogbegbele̩ kpʼame̩, owñ chʼejumomi Defid ki de̩ kpaka le̩.

2 Samiue̩l 8:3

Defid ño̩ gwo̩ Hadadeza o̩ma Rehob, onu Zoba, da, abu kʼi alo kʼi dabi dʼo̩da-wñ dago alu ohimini Yufretis.

E̩wñ kʼAme̩nukpuche̩ Che 7:5

I la dʼukpe̩ du ef uwñ ñw owñ kʼi aje̩ n, dagba i chʼadabe̩re̩ʼka i du ñw u n. I la katane̩ ñw u ka kʼi adʼu ñw u kʼi ne̩ kpai ugbe̩-wñ ki ro̩nʼowñ. I la nʼo̩ma ta n.

O̩la E̩bite 9:14

kʼi aka ñw onuche̩ e̩ke̩fa ki nʼo̩kakachi le̩ kakini, Mʼamonuche̩ me̩le̩ ku ma chʼe̩ji ugbo ohimini lile e-Yufretis le̩ tu jʼane̩.

Akwodufu 6:8

Omi ñʼako me̩ wa oj ane̩ e-kʼomi dʼo̩wo̩-mi nyate̩ ago̩ ñw Ebraham kpai Aise̩k kpai Jeko̩b ka kʼu nadu ñwu ma; nadʼu ñwu me̩ ku me̩ ne̩. Omi Jihofa de̩.

Akwodufu 13:11

Oñ e̩gba ku Jihofa mʼe̩ du wa ane̩ abo Kenan, alu kʼi go̩ ñw e̩ kpai amata-we̩, kʼi la mʼu du ñw e̩,

Akwodufu 32:13

E̩ nalibekado Ebraham kpai Aise̩k kpai Israe̩l, amadu-we̩ le̩, e-kʼuwe̩ fʼo̩la-we̩ onugo go̩ ñwu ma, kʼe̩ la ka ñwu ma kakini, Naje̩ ñw ugbe̩-me̩ wewe nyo̩gba dab awo awo ojale, oñ ane̩ kʼomi ko̩la-wñ-i du nadu ñw ugbe̩-me̩, tak i achʼe̩wñ ogu-ma ogbegbele̩.

O̩lo̩da Eduwa Onukeji 12:20

E̩gba ku Jihofa O̩jo̩-we̩ fʼalo̩me̩-we̩ hi ubi, alu kʼi katane̩ ñw e̩ le̩, kʼuwe̩ akakini, Naje̩ e̩la, todabu ki arʼonugo we̩ e̩do̩ kʼe̩ je̩, uwe̩ ki je̩ e̩la alu du ki rʼe̩ e̩do̩.

O̩lo̩da Eduwa Onukeji 19:8

I la che̩wñ ki Jihofa O̩jo̩-we̩ hi alo̩me̩-we̩ ubi, alu kʼi go̩ ñw amata-we̩ le̩, kʼi la mʼane̩ kʼi katane̩ kʼi adu ñw amata-we̩ ko ñw e̩ chaka—

2 Iko Iko E̩wn 7:8

Abe̩le̩ So̩lo̩mo̩n je̩ ñw uje̩wñ uyo̩ ki do̩mo̩ gbogbo o̩jo̩ mebie iko le̩, kpʼabo Israe̩l du manyʼowñ; ujeju-wñ na-na tabale, ma kwʼugbo ku ma gudu wa Hemat gbogbo wa ukpolo Ijipti.

2 Iko Iko E̩wn 8:7

Amone̩ du ki bo̩ ef abo He̩t kpʼabo Amo̩r kpʼabo Pe̩re̩z kpʼabo Hifai kpʼabo Je̩bius, ku ma ma chʼabo Israe̩l-i n;

E̩zra 4:20

Amonu ki gbiti nʼo̩da Je̩rusale̩m igbele, ma ño̩ nʼo̩da udaba ohimini le̩ chaka, abo kibo̩ la dʼo̩ko̩ are̩, kpʼo̩ko̩ ane̩, kpʼo̩ko̩ ku ma bu ñwu ma ñw amonu le̩.

Akwodufu 2:24

O̩jo̩ la gbo̩ ifi-ma, oñ O̩jo̩ libekado alo kʼi kpe̩ kpai Ebraham kpai Aise̩k kpai Jeko̩b.

Akwodufu 34:24

Todu nakʼuche̩uche̩ amone̩ rikpolo bʼe̩ o̩gba te̩, kʼu hi alo̩me̩-we̩ nyʼubi; ane̩-we̩ la anyʼe̩ne̩ du eju kʼi ne̩ ubi-we̩ e̩gba kʼe̩ te̩gu alo kʼe̩ dufu wa o̩gba Jihofa O̩jo̩-we̩ onu me̩ta o̩do̩ du le̩ n.

Abo Lifai 26:42

mak u nadibekado alo-mi kʼu kpe̩ kpai Jeko̩b; kpai alo-mi kʼu kpe̩ kpai Aise̩k naño̩ dibekado alo-mi kʼu kpe̩ kpai Ebraham ge̩, tak u nadibekado ane̩ le̩.

Abo Lifai 26:45

ama todu ma, nali-bekado alo e-amata-ma igbele̩ kʼomi ko kwʼoj ane̩ Ijipti dufu wa eju abo uche̩ichi, kʼomi ki chʼO̩jo̩-ma: omi Jihofa de̩.

Jo̩shua 13:3

(akwo Shiho̩r e-ki dʼo̩gba Ijipti le̩, gbogbo wʼalo̩me̩ E̩kro̩n o̩pata o̩wo̩ ate̩, e-ku ma fulo rʼefu e-abo Kenan le̩; amodu abo Filistia me̩lu le̩, abo Gaza kpai abo Ashdo̩d kpai abo Ashkelo̩n kpai abo Gat kpai abo E̩kro̩n), kpai abo Afim,

1 Amonu 5:1

Taku Hairam onu Taya fʼabuko̩lo̩-wñ kpuche̩ nyʼugbo So̩lo̩mo̩n; todu i gbo̩ ka ku ma fʼekpo ba tʼowñ oji kʼi jʼonu gugu e̩gu ata-wñ, todu Hairam te̩tefe̩do̩ Defid.

1 Iko Iko E̩wñ 16:16

e-kʼi kpe̩ kpʼEbraham, kpʼego̩ kʼi go̩ ñw Aise̩k,

Je̩re̩maya 32:22

E̩ laño̩ mʼane̩-i kʼe̩ go̩ ñw amata-ma ka kʼe̩ ko ñwu ma le̩ ko ñwu ma, owñ chʼane̩ ugbo kʼomi e̩nya kpʼiño̩ nacha-i.