Abakwane̩ 12:13 - O̩TAKADA O̩LA O̩JO̩ 1970

¹³ Narodubʼe̩ kʼuwe̩ ki ka kʼe̩ chʼo̩maye-mi, todu ki nyo̩ ñw omi lʼo̩la-we̩, todu kʼonugo-mi ki deju lʼugbo we̩.

Abakwane̩ 12:13 ပူးပေါင်းရင်းမြစ်များ

Abakwane̩ 26:7

Oñ abo unyi le̩ tʼe ene o̩la o̩ya-wñ, i kakini, O̩maye-mi i che; todu i chokpo eka kʼo̩ya-wñ, tode̩gba kʼabo emi adʼumi kpa todu Ribe̩ka, i ka; todu kʼowñ chʼuto̩ eju.

Abakwane̩ 20:2

Oñ Ebraham nʼo̩la o̩ya-wñ Sara aka kakini, Owñ chʼo̩maye-mi. Tak Abime̩le̩k, onu Ge̩rar, fʼone̩ kpe̩ wa oñ i mu Sara du.

Abakwane̩ 20:5

I chʼowñ onugo ka ñwu mi ka kʼo̩maye-wñ i che n? Tʼonobule̩ onugo, i ño̩ ka kʼo̩maye-wñ i che. Ef o̩foo e̩do̩-mi kpai o̩jali o̩wo̩-mi oñ u che-i.

Izikie̩l 18:4

Me̩ go, amonugo one̩ du chʼe-mi; alu kʼonugo ata chʼe-mi abe̩le̩ onugo o̩ma ño̩ de̩: onugo one̩ ki dure, owñ le̩ aku.

Aizaya 57:11

E̩ne̩ oñ e̩ dejiji-wñ kʼe̩ la chokpo kʼe̩ fʼolemi ro̩, kʼe̩ ma la rewa mi n, kʼe̩ ma la dʼu tʼe̩do̩ n? U chechi kpo̩kpe̩ ta n? E̩ la railo mi n.

Abakwane̩ 11:29

Ebram kpai Neho̩r la nʼo̩ya ñw o̩la-ma; odu o̩ya Ebram ko̩ Se̩rai, odu o̩ya Nehor la ko Milka, o̩ma Haran kʼi chʼata Milka kpai ata Iska.

Abo Ko̩lo̩se 3:6

lef e̩wñ le̩ oñ uwe̩do̩ O̩jo̩ awa bʼamo̩ma ku ma ko̩ egbo̩la gbo̩ oji ma.

Abo Rom 6:23

Todu uro̩me̩ adure chʼuku; ele ufe̩de̩nyo̩ e-O̩jo̩ muda chʼiñmi o̩gbegbele̩ efu Kraisti Jisus Ondu-wa.

Jo̩n 8:44

E̩te̩-me̩ chʼata-me̩ Abulumone̩ le̩, oñ e̩ño̩ e̩wñ ata-me̩ dʼume̩ e̩do̩ ku me̩ che. E̩ne̩ le̩ chʼakpone̩ kwʼabakwane̩, i la dago ef ochochi n, todabu kʼochochi ma dʼef uwñ n. E̩gba du kʼi ako̩la ki chʼolemi, kwef e̩wñ e-wñ oñ i aka le̩ todabu kʼi chʼe̩nolemi, ata-wñ i la che.

Abakwane̩ 12:14

Oñ i lewatu e̩gba kʼEbram lewa Ijipti abo Ijipti go onobule̩ le̩ kʼi chefe̩rʼeju nana.

Je̩re̩maya 38:17

Taku Je̩re̩maya ka ñwu Ze̩de̩kaya, kakini, Abu ki Jihofa ki nʼe̩wñ du, kʼi chʼO̩jo̩ Israe̩l, aka de̩, kakini, Iche̩wñ kʼuwe̩ adufu nyʼugbo amagboji onu Babilo̩n, mak onugo-we̩ adeju, oñ ma awe enʼuna gu ewo-i jo; oñ uwe̩ adeju manyʼabo unyi-we̩.

Je̩re̩maya 38:20

Ama Je̩re̩maya kakini, Ma adʼuwe̩ ñwu ma n. Nagbo̩ko̩bʼe̩ kʼe̩ gbʼomu Jihofa gbo̩ ef o̩la kʼu naka ñw e̩-i; abe̩le̩ tak i ara ñw e̩, oñ onugo-we̩ adeju.