Abakwane̩ 12:11 - O̩TAKADA O̩LA O̩JO̩ 1970

¹¹ Oñ i lewatu e̩gba kʼi me̩ru egudu tʼIjipti, i ka ñwu Se̩rai o̩ya-wñ kakini, E̩ go mi ta, omi chema kʼuwe̩ chʼonobule̩ kʼi chefe̩ru one̩ eju ego;

Abakwane̩ 12:11 ပူးပေါင်းရင်းမြစ်များ

Abakwane̩ 26:7

Oñ abo unyi le̩ tʼe ene o̩la o̩ya-wñ, i kakini, O̩maye-mi i che; todu i chokpo eka kʼo̩ya-wñ, tode̩gba kʼabo emi adʼumi kpa todu Ribe̩ka, i ka; todu kʼowñ chʼuto̩ eju.

Ita, Ita 21:30

Tʼibe eñwa nyu, tʼoji e̩wñ ema, tʼo̩la e̩lo nyu Jihofa, i de̩ n.

Abakwane̩ 29:17

Eju Lea la de̩ no̩ko̩; ama año̩la Reche̩l chefe̩reju, eju-wñ la achʼuto̩.

Abakwane̩ 12:14

Oñ i lewatu e̩gba kʼEbram lewa Ijipti abo Ijipti go onobule̩ le̩ kʼi chefe̩rʼeju nana.

Eli So̩lo̩mo̩n 1:14

E̩ne̩ kʼu nache̩do̩-wñ dab ododo he̩na ki tiga jo̩ yolo yolo ef uche̩ achiwebe̩te̩ma E̩nge̩di.

2 Samiue̩l 11:2

Oñ i lewatʼolane̩ ku Defid kwane̩ kwʼoj ate̩-wñ oñ i tʼojokunyi onu ale. I dʼojokunyi o̩mo̩ oñ i li onobule̩ʼka kʼi dago agwo̩la; onobule̩ le̩ la che̩fe̩rʼeju tabale.

Abakwane̩ 20:2

Oñ Ebraham nʼo̩la o̩ya-wñ Sara aka kakini, Owñ chʼo̩maye-mi. Tak Abime̩le̩k, onu Ge̩rar, fʼone̩ kpe̩ wa oñ i mu Sara du.

Abakwane̩ 24:16

Igbe̩le̩ le̩ la chʼuto̩ eju tabale, i mʼe̩ne̩ke̩le̩ mama ta n, e̩ne̩ke̩le̩ du la mʼo̩ n. Owñ le̩ nyʼugbo e̩bi omi le̩, oñ i kpa omi nyʼotube̩-wñ e̩ko̩, oñ i mute̩gu wa.

Abakwane̩ 6:2

amo̩ma O̩jo̩ fʼamo̩ma onobule̩ amone̩ li ku ma chefe̩rʼeju; taku ma fʼuma tu chaka oñ ma nʼo̩ya kwef abo e-le̩ ñw o̩la-ma.

Abakwane̩ 20:13

Oñ i lewatu e̩gba kʼO̩jo̩ je̩ ñwu mi kwo bʼunyi ata-mi te̩ tʼoko oko ale, e̩gbale̩ u ka ñw u kakini, E̩nyo̩ kʼe̩ che ñwu mi de̩: ugbo du kʼa lewa, uwe̩ ki nʼo̩la-mi aka kakini, O̩maye-mi de̩.

1 Samiue̩l 25:3

Odu e̩ne̩ le̩ la ko̩ Nebal; oñ odu o̩ya-wñ ko̩ Abige̩l; onobule̩ le̩ la chenʼibe nyo̩nyo̩, eju-wñ la chʼuto̩ ego; e̩ne̩ke̩le̩-wñ muda chʼe̩ne̩ ukpe̩do̩, i la bie̩ne̩ ef e̩wñ du kʼi ache; owñ la chʼabo unyi Kele̩b.

1 Amonu 1:4

Igbe̩le̩ le̩ chʼuto̩ tabale; i chane̩ edejutʼonu, i la che e̩wñ ñw u; onu muda kpʼo̩ bie̩ n.

Ita, Ita 29:25

O̩la egagogodo tod one̩ anʼoku te̩ ñw one̩, ama e̩ne̩ ki ke̩do̩no Jihofa ma adʼu gugu atate̩.