Abakwane̩ 12:1 - O̩TAKADA O̩LA O̩JO̩ 1970

¹ Jihofa la ka ñwu Ebram me̩, kakini, Kwʼojane̩-we̩ dufu kpai kwugbo amefu-we̩ kpai kwugbo unyi ata-we̩ kʼe̩ lo tʼane̩ kʼu nadu ñʼuwe̩.

Abakwane̩ 12:1 ပူးပေါင်းရင်းမြစ်များ

Abo Hibru 11:8

E̩do̩ ekono chʼe̩wñ kʼEbraham gbʼo̩la abu ku ma fʼu do̩ le̩ kʼi ledufu tef uña e-kʼi ache kʼi gba e̩wñ o̩gu; oñ i ledufu, i ma ugbo kʼi anyi o̩gbolo n.

Nihe̩maya 9:7

Uwe̩ che Jihofa, O̩jo̩ ki chi Ebram, kʼe̩ la dʼu kwef Ur e-abo Kaldia dufu, kʼe̩ la dʼodu Ebraham ñw u;

Aizaya 51:2

Me̩ ki kejurʼEbraham ata-me̩, kpai Sara kʼi fʼume̩ bi; todu e̩gba kʼi chʼokate le̩, e̩gbale̩ u fʼu do̩, u la de̩nyo̩ ñw u, oñ u je̩ ñw u wewe.

Abakwane̩ 15:7

Tak i ka ñw u kakini, Omi che Jihofa kʼi dʼuwe̩ kwo Ur e-abo Kaldia wa, kʼu dʼane̩ kide̩ ñw e̩ kʼe̩ ne̩.

Izikie̩l 33:24

O̩ma one̩, abo ku ma dodo egbili e̩lanyi kpʼokuta oj ane̩ Israe̩l le̩ aka kakini, Ebraham chʼe̩ne̩ʼkate, owñ la mʼane̩-i gba e̩wñ ogu; awa muda awe we; ma la mʼane̩-i du ñw a chʼe̩wñ ogu-wa.

2 Abo Ko̩rint 6:17

Todu kide̩ me̩ kwef alumeji-ma dufu wa, me̩ ki mudate̩ ojoji, Ondu ka-i. Me̩ ki la dʼo̩wo̩ kado e̩wñ du ki ma fe̩ n; tak omi agba me̩ nyi,

Aizaya 41:9

uwe̩ kʼu gwo̩nyu kwʼukpoji ukpoji ane̩ ile̩, kʼu la fʼe̩ do̩ kwʼago̩go̩-wñ me̩le̩ wa, kʼu la ka ñw e̩ kakini, Uwe̩ chʼadu-mi, omi chi uwe̩ u la dʼe̩ tinyo̩ n;

O̩la E̩bite 18:4

Tak u gbʼomuko̩la omune̩ kʼi aka kwʼefojale kakini, Amone̩-mi, me̩ kwʼef uwñ dufu wa, todu ku me̩ ki we etuta ef adure-wñ, todu ku me̩ ki we e̩gba e̩wñ kwef uchobi-wñ;

Abakwane̩ 20:13

Oñ i lewatu e̩gba kʼO̩jo̩ je̩ ñwu mi kwo bʼunyi ata-mi te̩ tʼoko oko ale, e̩gbale̩ u ka ñw u kakini, E̩nyo̩ kʼe̩ che ñwu mi de̩: ugbo du kʼa lewa, uwe̩ ki nʼo̩la-mi aka kakini, O̩maye-mi de̩.

Abakwane̩ 24:4

e̩ muda alo tʼane̩-mi, tʼugbo amefu-mi, kʼe̩ fʼo̩ya ne̩ ñw o̩ma-mi Aise̩k.

Abakwane̩ 26:2

Taku Jihofa kwotejugede ñw u, i kakini, E̩ ki gwo̩ru nyʼIjipti no; e̩ kwogugu oj ane̩ e-kʼu naka ñw e̩.

Aizaya 37:12

Amo̩jo̩ abo uche̩ichi uche̩ichi kʼamata-mi kpʼama fo̩ mʼuma gba? Ama che Gozan kpai Haran kpai Reze̩f kpai amo̩ma Ide̩n ku ma jo̩ Te̩lasar le̩.

Abakwane̩ 24:7

Jihofa O̩jo̩ efojale, kʼi mʼumi du kwef unyi ata-mi, kpai kwoj ane̩ ugbo ku ma bi mi, kʼi ño̩ ko̩la ñwu mi, kʼi laño̩ fʼo̩la-wñ go̩ ñwu mi kakini, Omi adʼane̩ kide̩ ñw ugbe̩-we̩, owñ le̩ akpe̩ onuche̩-wñ tʼo̩gba-we̩, tak uwe̩ anʼo̩ya kwʼo̩mo̩ wa ñw o̩ma-mi.

Abakwane̩ 24:38

e̩ muda nalo tʼunyi ata-mi ugbo abo-mi, kʼe̩ la fʼo̩ya ne̩ ñw o̩ma-mi.

Ekaluka 10:30

I muda ka ñw u kakini, Nale n; nadabi tʼane̩ e-mi, ugbo amefu-mi.