Abakwane̩ 11:7 - O̩TAKADA O̩LA O̩JO̩ 1970

⁷ Me̩ lewa, kʼa mugwo̩ru nyʼo̩mo kʼa fʼalu ichi-ma gwuji, todu kʼama ki we egbʼoji o̩la omune̩.

Abakwane̩ 11:7 ပူးပေါင်းရင်းမြစ်များ

Eli Eko̩ DʼO̩jo̩ 33:10

Jihofa aje̩ ñw o̩la kʼabo uche̩ichi alo ki mud ibe̩te̩: i aje̩ ñw ibe kʼamone̩ kpe̩ ki we enʼoji.

Eli Eko̩ DʼO̩jo̩ 55:9

O Ondu, mʼuma ko mi, fʼalu ichi-ma guji; todu u fʼalachi kpai uja li ef ewo le̩.

Abakwane̩ 1:26

Tak O̩jo̩ kakini, Awa ki che one̩ rʼojibo-wa, ku ma bi awa onugo: ama ki la nʼo̩da ame̩ja ki jʼef ohimini abadi, kpai ame̩we̩ ojale, kpai ame̩la abe̩re̩me̩le̩, kpai ane̩-ile̩ du, kpai e̩wñ du ki afa, e-ki afa ane̩-ile̩-i.

1 Abo Ko̩rint 14:23

Todule̩ iche̩wñ kʼo̩gbo̩ ujeju abudo̩ Ondu du wajugbo kate, kʼo̩chaka-ma ako̩la alʼichi ichi, oñ amo̩talaka abe̩k abo ku ma ma ke̩do̩no n mugudu wʼo̩mo̩, ama aka ku me̩ ko̩la dab ahimu n?

Je̩re̩maya 5:15

Go, omi akʼabo uche̩ichiʼka kwʼo̩najiji wa bʼume̩ ma, abo unyi Israe̩l, Jihofa ka-i. Abo uche̩ichi ki nʼukpahiu i che, uche̩ichi amone̩ ki do̩mo̩ kwʼigbelegbele, abo uche̩ichi kʼuwe̩ ma gbʼichi-ma n i che, uwe̩ la agbʼoji e̩wñ ku ma ka n.

Eli Eko̩ DʼO̩jo̩ 2:4

E̩ne̩ ki gugu efojale le̩ anyanyi, Ondu la adokanyi rʼuma oji.

Job 12:20

I abʼabo ku ma ke̩do̩no ma gbʼuko̩la-ma, i la akʼoji e̩wñ ema e-abogijo rinyo̩.

O̩lo̩da Eduwa Onukeji 28:49

Jihofa ako abo uche̩ichi kwʼo̩najiji wa ako bʼuwe̩, ma akwʼukpoji ile̩ wa dabe̩ne̩ kʼore̩ ki awu, owñ chʼabo uche̩ichi kʼe̩ ma gbo̩ ichi-ma n;

Aizaya 6:8

Tak u gbʼomu Ondu kʼi akakini, E̩ne̩ nakpʼo̩ uche̩? E̩ne̩ ale todu wa? Tak u kakini, Omi de̩! Kpe̩ mi.

Abakwane̩ 42:23

Ma la ma ka ku Jose̩f agbʼichi-ma n, todu agbo̩laka dʼagbagba-ma.

Abakwane̩ 11:5

Taki Jihofa gwo̩ru wa kʼi li ewo kpai o̩do̩go̩, e-kʼamone̩ ne le̩.

Abakwane̩ 10:20

Abo-i chʼamo̩ma e̩ne̩ke̩le̩ Ham, akwo̩ra unyi, akwo̩ra unyi-ma, ichi ichi-ma, ojane̩ ojane̩-ma, ef abo uche̩ichi uche̩ichi-ma.

Abakwane̩ 3:22

Taku Jihofa O̩jo̩ kakini, Go, one̩ dab awa me̩, i chema e̩nyo̩ kpai e̩bie̩ne̩; fai, tode̩gba kʼi anʼo̩wo̩-wñ dala kʼi laño̩ mʼe̩ro oli e-iñmi ka, kʼi je̩, kʼi la adeju ogbegbele̩—

Abakwane̩ 10:32

Abo-i chʼakwo̩ra unyi akwo̩ra unyi amo̩ma e̩ne̩ke̩le̩ Noa, o̩gba o̩gba-ma, ef abo uche̩ichi uche̩ichi-ma. Oñ kwef abo-i uche̩ichi uche̩ichi mukpe̩rʼojane̩ ile̩ abu kʼuwobi omi le̩ lale.

Abakwane̩ 10:5

Kwef abo-i abo o̩lomi kpe̩ jo̩ ojane̩ ojane̩-ma, e̩ne̩ne̩ne̩ne̩ ne̩ alu kʼichi-wñ, alu kʼakwo̩ra unyi akwo̩ra unyi-ma de̩ ef abo uche̩ichi uche̩ichi-ma.

Akwodufu 4:11

Taku Jihofa ka ñw u kakini, E̩ne̩ che alu one̩? abe̩k e̩ne̩ je̩ ñw one̩ ki chʼajialu, abe̩k ajeti, abe̩k agane̩, abe̩k akpejufo̩? I chʼomi, Jihofa-i n?

Aizaya 33:19

Uwe̩ ñʼali ame̩nugbolu ge̩ n, kʼuko̩la-ma chʼaduña kʼuwe̩ ma neke gbʼo̩ n, ku ma kwoulo̩ nyʼichi-ma kʼuwe̩ ma neke gbʼoji-wñ n.