Abakwane̩ 1:16 - O̩TAKADA O̩LA O̩JO̩ 1970

¹⁶ Abe̩le̩ O̩jo̩ fʼe̩mu elile meji le̩ che, e̩mu e-ki tule ki nʼo̩da o̩ro̩ka, e̩mu e-ki nya ki nʼo̩da odu; kpai ilawo ge̩.

Abakwane̩ 1:16 ပူးပေါင်းရင်းမြစ်များ

Abakwane̩ 1:15

i ki jʼo̩mo̩ kʼi chʼe̩mu agbagba efojale kʼi mʼane̩ ne̩ ile̩-i. Abe̩le̩ i la de̩.

Job 31:26

iche̩wñ kʼomi gʼolu e̩gba kʼi afu, abe̩k ochu kʼi fane̩ alo,

Job 38:7

Abu kʼilawo ilawo inajo̩ jʼakʼeli, kʼamo̩ma O̩jo̩ du kpogu uyo̩?

Eli Eko̩ DʼO̩jo̩ 148:3

Olu kpai ochu, ki je̩nyʼowñ, ilawo ki agane̩ le̩ chaka, me̩ je̩nyʼowñ!

Eli Eko̩ DʼO̩jo̩ 148:5

Abo le̩ ki naje̩nyu ñw odu Jihofa! Todu eka i ka oñ e̩wñ le̩ chʼe̩nyi jo̩.

Eli Eko̩ DʼO̩jo̩ 19:6

Edufu-wñ chʼekwo ukpoji efojale efojale, edagbala-wñ la le tʼukpoji ukpoji-wñ; e̩wñ du la maja ñw una-wñ n.

Eli Eko̩ DʼO̩jo̩ 74:16

O̩ro̩ka uwe̩ ne̩, uwe̩ ño̩ ne̩ odu ge̩; uwe̩ fʼe̩mu kpai olu ñwo̩che te̩.

Eli Eko̩ DʼO̩jo̩ 8:3

E̩gba kʼu nagʼojale-we̩, uko̩lo̩ kʼo̩mo̩wo̩-we̩ che le̩, ochu kpʼawo awo e-kʼuwe̩ che jo̩-i;

Aizaya 13:10

Todu awo ojale kpai ujo̩-wñ anʼugane̩ ge̩ n; olu kʼi akwane̩ odudu achubi, ochu ñʼafane̩ n.

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Aizaya 40:26

Mʼeju-me̩ korʼate̩, ago: E̩ne̩ nyi e̩wñ ki jo̩-i? E̩ne̩ ki akʼuwewe-wñ dufu aro̩ne aro̩ne, i adʼodu-ma okoke; lugbo ugbiti-wñ ki tabale, todabu kʼi chʼegbiñmi ef ukpahiu i nʼokate ki chi ef uma n.

Aizaya 45:7

Omi abo̩ ugane̩ te̩, u la anyi e̩chubi, nache ure̩do̩, u la anyi e̩bie̩ne̩, omi, Jihofa ache e̩wñ-i du.

Je̩re̩maya 31:35

Abu ki Jihofa kʼi adʼolu chʼugane̩ o̩ro̩ka kʼi la hi o̩me̩ ñw ochu kpʼilawo ki chʼugane̩ odu, kʼi amʼi omi ohimini ejo kʼakpoli-wñ ki chʼekuku— odu-wñ ko̩ Jihofa ki nʼe̩wñ du, ka de̩ kakini:

Habakuk 3:11

Olu kpʼochu kwodago ka ef odo-ma ugane̩ o̩fa-we̩ ku ma li abu kʼi alule̩, kpʼo̩kwo̩-we̩ ki abʼeju je̩ ñaña.

Matiu 24:29

Oñ anubi o̩bata iko le̩ ababa olu amud e̩chubi, ochu la afane̩ n, oñ awo awo achi kwʼojale wane̩, e̩wñ ukpahiu ukpahiu efojale la amiejo.

Matiu 27:45

Oñ akwo agogo me̩gweji gbogbo wa agogo me̩ta e̩chubi lewa bʼugbo du ane̩ le̩ ma.

1 Abo Ko̩rint 15:41

Omune̩ la chʼojima e-olu, omune̩ la chʼojima e-ochu, omune̩ la chʼojima e-awo; todu awo chʼojoji ñw awo̩ ef ojima.

O̩lo̩da Eduwa Onukeji 4:19

tode̩gba kʼuwe̩ achi eju-we̩ nyʼojale kʼe̩ fʼolu abe̩k ochu abe̩k awo awo li, owñ chʼe̩wñ uwewe ojale le̩, ku ma fʼuwe̩ fa ubi kʼe̩ dojikane̩ ñwu ma, kʼe̩ re̩ e̩wñ ki Jihofa O̩jo̩-we̩ kpe̩ ñw amone̩ du kʼi dʼo̩gane̩ ojale-i.

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.