Abakwane̩ 1:14 - O̩TAKADA O̩LA O̩JO̩ 1970

¹⁴ Tak O̩jo̩ kakini, E̩mu ki jʼagbagba efojale, ki fʼo̩ro̩ka daru bʼodu te̩, i ki la jʼo̩mo̩ todu ujiwe, kpai adiko o̩lo̩ji kpai uwo, kpai o̩jo̩ ki añwa kpai o̩do̩ o̩do̩,

Abakwane̩ 1:14 ပူးပေါင်းရင်းမြစ်များ

Abakwane̩ 1:13

Oñ ane̩ do̩mo̩, odudu la do̩mo̩, o̩jo̩ e̩ke̩ta.

Abakwane̩ 1:15

i ki jʼo̩mo̩ kʼi chʼe̩mu agbagba efojale kʼi mʼane̩ ne̩ ile̩-i. Abe̩le̩ i la de̩.

Abakwane̩ 8:22

Gbogbo wʼiko kʼane̩-ile̩ kade, adiko e̩yo̩ e̩wñ egbe̩ kpai adiko e̩wñ eja wʼunyi, kpai afu kpai olu, kpai o̩lo̩ji kpai uwo, kpai o̩ro̩ka kpai odu, ñʼada ge̩ n.

Abakwane̩ 9:13

omi adu o̩ba-mi tef akpa, i ado̩mo̩ todu ujiwe alo ekpe̩ agbagba omi kpai ane̩-ile̩.

Job 25:3

Abogu-wñ nʼaluka? E̩ne̩ oñ ugane̩-wñ ma kwane̩ boma n?

Job 25:5

Go, i chaka chʼochu, i nʼugane̩ n, ilawo la fe̩ eju-wñ n;

Job 3:9

Je̩ ñw ilawo ki agane̩ e̩gba kʼo̩jo̩ adu bulubulu le̩ ki chubi; i ki tejane̩ ugane̩ kʼi muda ne̩ n, i ki li añeju odudu n;

Eli Eko̩ DʼO̩jo̩ 119:91

I dago alu kʼoj ajo̩ kʼe̩ ka de̩ tʼeñini; todu e̩wñ tʼe̩wñ du chʼadu-we̩.

Eli Eko̩ DʼO̩jo̩ 148:3

Olu kpai ochu, ki je̩nyʼowñ, ilawo ki agane̩ le̩ chaka, me̩ je̩nyʼowñ!

Eli Eko̩ DʼO̩jo̩ 148:6

I la fʼe̩re̩-ma lonyane̩ gbogbo alo ogbegbele̩; i fʼo̩me̩-wñ hi te̩ i nʼugbo du ku ma adaba n.

Eli Eko̩ DʼO̩jo̩ 150:1

Me̩ je̩nyu ñw Jihofa! Me̩ je̩nyu ñw O̩jo̩ ef uña-wñ kiafo̩; me̩ je̩nyu ñw owñ ugbo ojale e-ukpahiu-wñ-i!

Eli Eko̩ DʼO̩jo̩ 81:3

Fʼo̩kakachi fa e̩gba kʼochu ne̩ etito̩, e̩gba kʼochu lewʼubi owñ chʼo̩jo̩ uje̩wñ uyo̩-wa le̩.

Aizaya 40:26

Mʼeju-me̩ korʼate̩, ago: E̩ne̩ nyi e̩wñ ki jo̩-i? E̩ne̩ ki akʼuwewe-wñ dufu aro̩ne aro̩ne, i adʼodu-ma okoke; lugbo ugbiti-wñ ki tabale, todabu kʼi chʼegbiñmi ef ukpahiu i nʼokate ki chi ef uma n.

Je̩re̩maya 10:2

Abu ki Jihofa ka de̩ kakini: Me̩ ki ko̩che̩ o̩wo̩ abo uche̩ichi n, ujiwe, ujiwe e̩wñ ojale ki je̩ ñw e̩do̩-me̩ ki muda kpu n todu e̩do̩ abo uche̩ichi ada kpu tod e-le̩,

Je̩re̩maya 31:35

Abu ki Jihofa kʼi adʼolu chʼugane̩ o̩ro̩ka kʼi la hi o̩me̩ ñw ochu kpʼilawo ki chʼugane̩ odu, kʼi amʼi omi ohimini ejo kʼakpoli-wñ ki chʼekuku— odu-wñ ko̩ Jihofa ki nʼe̩wñ du, ka de̩ kakini:

Je̩re̩maya 33:20

Abu ki Jihofa aka de̩, kakini, Iche̩wñ kʼame̩ neke fʼalo-mi e-o̩ro̩ka bie̩, kpʼalo-mi e-odu, kʼodu kpʼo̩ro̩ka ki we ede̩ iko-wñ,

Je̩re̩maya 33:25

Abu ki Jihofa aka de̩ kakini, Iche̩wñ kʼalo-mi e-o̩ro̩ka kpʼodu ma dago n, kʼi ma chʼomi fʼuhio̩me̩ efojale kpʼane̩-ile̩ ñwa te̩ n;

Izikie̩l 46:1

Abu kʼOndu Jihofa aka de̩ kakini, O̩jo̩ uko̩lo̩ me̩fa alaku anuku kʼi kpejurʼo̩wo̩ olodudu abi n; ma muda abi o̩jo̩ uñmi, ma ñʼabi o̩jo̩ kʼochu ne etito̩.

Izikie̩l 46:6

Oñ o̩jo̩ kʼochu ne etito̩ i la chʼo̩mʼo̩kokuno̩ kʼi ma nʼe̩nyo̩lo̩ n kpʼamo̩mala me̩fa kpʼokoloʼka, ma la anʼe̩nyo̩lo̩ n.

Joe̩l 2:10

Ane̩-ile̩ aga o̩gba-ma, efojale efojale agegbulu. Olu kpʼochu achubi, oñ ilawo ilawo adʼugane̩-wñ dabi.

Joe̩l 3:15

Olu kpʼochu achubi me̩, ilawo, ilawo mʼugane̩-ma du dabi tʼubi.

Emo̩s 5:8

E̩ne̩ kʼi che o̩ya o̩machi kpai ajuwe̩ anʼo̩ma, kʼi rʼe̩chubi gbe̩m da ki mud odudu, kʼi anʼodu fʼo̩ro̩ka chubi, kʼi adʼomi ohimini abadi wa, kʼi ako da bʼeju ane̩-ile̩-i ma, Jihofa oñ odu-wñ ko̩,

Emo̩s 8:9

Oñ i awatu iko kʼa ka-i, Ondu Jihofa aka-i, Omi aje̩ ñw olu ki tunyʼane̩ o̩ro̩ka, oñ naje̩ ñw ane̩ ki chubi e̩gba o̩ro̩ka gbaa.

Matiu 2:2

Ugbo e̩ne̩ ku ma bi kʼi chʼonu amaJu de̩? todu a li awo-wñ o̩wo̩ olodudu oñ a wa adojikane̩ ñw u-i.

Matiu 24:29

Oñ anubi o̩bata iko le̩ ababa olu amud e̩chubi, ochu la afane̩ n, oñ awo awo achi kwʼojale wane̩, e̩wñ ukpahiu ukpahiu efojale la amiejo.

Mark 13:24

Ama agbagba o̩jo̩ kʼa ka-i e̩gba kʼo̩bata le̩ kpoji, olu achubi, ochu afane̩ n,

Luku 23:45

olu kwodade, oñ ukpo uro̩na unyi O̩jo̩ ejefu mukpana alumeji.

O̩lo̩da Eduwa Onukeji 4:19

tode̩gba kʼuwe̩ achi eju-we̩ nyʼojale kʼe̩ fʼolu abe̩k ochu abe̩k awo awo li, owñ chʼe̩wñ uwewe ojale le̩, ku ma fʼuwe̩ fa ubi kʼe̩ dojikane̩ ñwu ma, kʼe̩ re̩ e̩wñ ki Jihofa O̩jo̩-we̩ kpe̩ ñw amone̩ du kʼi dʼo̩gane̩ ojale-i.

O̩la E̩bite 6:12

Tak u li e̩gba kʼi mʼuhiuko̩ e̩ke̩fa chi, ane̩ kwomiejo otemeje, olu la mud edudu dabe̩ne̩ kʼukpo eku ku ma nʼedudu e̩la hi; ochu odukulu la dab e̩bie̩.

O̩la E̩bite 8:12

Tak onuche̩ e̩ke̩le̩ fʼo̩kakachi-wñ: oñ ma fʼukpe̩ e̩ke̩ta e-olu kpa, kpʼukpe̩ e̩ke̩ta ochu kpʼukpe̩ e̩ke̩ta awo awo; todu kʼukpe̩ e̩ke̩ta-wñ ki chubi, todu kʼukpe̩ e̩ke̩ta o̩ro̩ka ki we etejugede, kpʼodu abe̩le̩ ge̩.

O̩la E̩bite 9:2

Tak i mʼo̩na ura o̩lo̩ulu le̩ bi; oñ odudu kwʼef ura le̩ tuu tʼatate̩ dabe̩ne̩ kʼodudu adido lile oñ olu kpʼafu-i chubi noj odudu ki kwʼef ura le̩.