2 Timoti 4:3 - O̩TAKADA O̩LA O̩JO̩ 1970

³ Todu iko awa e̩gba kʼamone̩ ma ñʼaje̩ ku ma ko̩ ma o̩la o̩lafia n, ama abu kʼeti-ma ayo̩ ñw o̩la urinyo̩ egbo̩, ma agba amakone̩ e̩wñ jo̩ ñw o̩la-ma teju alu kʼe̩ño̩ e̩wñ ache ma;

2 Timoti 4:3 ပူးပေါင်းရင်းမြစ်များ

1 Timoti 1:10

kpʼame̩nabutabu kpʼaboke̩le̩ ku ma bʼaboke̩le̩ dachi kpʼabo ku ma mʼone̩ taje̩ kpʼamaremi kpʼabo ku ma ge̩bo̩ olemi kpʼe̩wñ du ki bo̩ kʼi akobʼuko̩-o̩la o̩lafia

Abo Galatia 4:16

Oñ u mud e̩nebi-me̩ ugbo ochochi kʼu naka ñwu me̩?

Je̩re̩maya 5:31

Amakache̩ kache̩ olemi, oñ amatama nʼo̩da-ma alu ku ma ka; i la chemʼamone̩-mi e̩do̩ ki dʼabe̩le̩, abu me̩ muda ache e̩gba otitala-wñ?

Luku 6:26

Atogwo ñwu me̩ e̩gba kʼamone̩ jʼakele me̩! todu abe̩le̩ gbage̩de̩ oñ amata-ma che amakache̩ olemi.

Maika 2:11

Iche̩wñ kʼone̩ ki alule̩ ef afu olemi fʼo̩lemi ro̩ kakini, Omi akache̩ omi achiwebe̩te̩ma kpai o̩te̩ una ñw e̩, owñ le̩ achʼakache̩ amone̩-i.

Jo̩n 8:45

Ama todabu kʼomi akʼochochi, me̩ ke̩do̩nʼo̩la-mi n.

1 Amonu 18:22

Tak E̩laija ka ñw amone̩ kakini, Omi, omi kate bo̩ kʼu chʼakache̩ Jihofa; amakache̩ Beal la chʼone̩ oli me̩la.

1 Abo Ko̩rint 2:1

Oñ ewa kʼomi wʼugbo me̩ le̩, amo̩maye, u wa kpai o̩la e̩te̩le̩ eka, abe̩k ofili ajʼuche̩ o̩la ibenu e-O̩jo̩ rʼume̩ n.

E̩wñ kʼAme̩nukpuche̩ Che 17:21

Iko kʼo̩wo̩ abo Ate̩ns kpai abononojo du ku ma ge̩ne̩ o̩mo̩ tane̩ ofo ma nʼe̩wñ omune̩ ojoji du eche tʼe̩wñ etito̩ eka kpai egbo̩ le n.

Je̩re̩maya 29:8

Todu abu ki Jihofa ki nʼe̩wñ du, kʼi chʼO̩jo̩ Israe̩l, aka de̩, kakini, Ame̩ ki je̩ ñw amakache̩-me̩ kpʼamabifa-me̩ ku ma jʼef ume̩ le̩ gba me̩ ibe n; me̩ ki la netirʼo̩na ki nyo̩ me̩ eju ku me̩ na le̩ n,

Aizaya 28:12

I ka ñw ma kakini, E̩wñ ki chʼuñmi le̩ de̩; me̩ dʼuñmi ñw e̩ne̩ kʼuhia fʼu hia; e̩wñ ki la chʼo̩la eruko le̩ de̩; ma muda ko̩ egbo̩.

Je̩re̩maya 27:9

I la chʼe-ame̩, me̩ ki we enetirʼamakache̩-me̩ kpʼamabifa-me̩ kpʼamano̩na-me̩ kpʼabo ku ma gʼakpa ojale kpʼamochu-me̩ ku ma jʼaka ñwu me̩ kakini, Ame̩ are̩ onu Babilo̩n in.

Je̩re̩maya 18:18

Taku ma kakini, Lewa kʼa ñwa Je̩re̩maya e̩ñwa, todu uko̩-o̩la la atakpa rʼamatama efu n, ohi o̩la la atakpa rʼamanibe efu n, o̩la la atakpa rʼamakache̩ efu n. Lewa, kʼa nʼukpalu-wa kpʼo̩, kʼa la we enyʼo̩la-wñ du eti.

1 Abo Ko̩rint 2:4

Oñ o̩la kʼu ka kpʼakoya kʼu ta i la chʼef o̩la ofili ki agbʼone̩ ibe n, chai ef Afu kpai ukpahiu kʼame̩ li:

Luku 20:19

Tak amako̩takada kpai amagboji amatama feju ku ma ko o̩wo̩ nyʼowñ o̩la ef auwa kide̩ gbage̩de̩; ma la railo amone̩; todu ma chema ka kʼugbo ma oñ i kpʼita kide̩.

1 Amonu 22:18

Tak onu Israe̩l ka ñwu Jihoshafat kakini, Omi ka ñw e̩ ka kʼi akache̩ e̩wñ e̩nyo̩ ugbo mi n, chai e̩wñ e̩bie̩ne̩ n?

1 Amonu 22:8

Tak onu Israe̩l ka ñwu Jihoshafat kakini, I chenʼe̩ne̩ kate kʼa neke tu Jihofa ene ugbo-wñ, owñ che Maikaya, o̩ma Imla; owñ muda chʼe̩ne̩ ulaka-mi; todu i akache̩ e̩nyo̩ ugbo mi n, chai e̩bie̩ne̩. Oñ Jiho̩shafat kakini, Onu ki ka abe̩le̩ n,

Akwodufu 32:33

Jihofa muda ka ñwu Mose̩s kakini, E̩ne̩ kʼi du mi re, e̩ne̩ le̩ oñ nakpalu kwef ibuku-mi.

Aizaya 30:10

ku ma ka ñw amagane̩ kakini, Me̩ ki gane̩ n; ma la ka ñw amakache̩ kakini, Me̩ ki kache̩ e̩wñ ochochi ñw a n; me̩ ki ka e̩wñ o̩ligo̩ligo̩ ñw a, me̩ ki kache̩ e̩wñ o̩gwo̩,

2 Timoti 1:13

E̩ ki mʼuwo̩li o̩la o̩lafia kʼe̩ gbo̩ ugbo mi le̩ ne̩ ef e̩do̩ ekono kpʼufe̩do̩ ki dʼefu Kraist Jisus.

O̩takada ki kwʼo̩wo̩ Jud 1:18

kʼama ka ñwu me̩ kakini, Ef adiko otitala amakone̩ru ado̩mo̩, ma alule̩ tikpa e̩ño̩ e-ma ku ma che ki ma kpe̩do̩rʼO̩jo̩ n.