2 Timoti 1:7 - O̩TAKADA O̩LA O̩JO̩ 1970

⁷ Todu O̩jo̩ dʼafu e-okpo ñw a n; chai e-ukpahiu kpʼe-ufydo̩ kpʼe-ibe ewane̩.

2 Timoti 1:7 ပူးပေါင်းရင်းမြစ်များ

Abo Rom 8:15

Todu i chʼafu e-adu ki aje̩ ñwu me̩ railo oñ me̩ dabi gba n; chai Afu e-ki ako me̩ chʼo̩ma oñ me̩ gba, ef e-le̩ a kwa kakini, Ada, Ata.

1 Jo̩n 4:18

Okpo dʼef ufe̩do̩ n, ufe̩do̩ ki mufu muda anʼokpo dufu. Todu okpo chʼugbo udu echi, achokpo la mufu ef ufe̩do̩ kpa n.

Abo Galatia 5:22

E̩ro e-Afu muda chʼufe̩do̩ kpʼuyo̩ kpʼure̩do̩ kpʼe̩do̩-eje̩ kpʼumo̩la kpʼe̩nyo̩ kpʼechubi one̩

Jo̩n 14:27

Ure̩do̩ oñ nato̩no̩ ñwu me̩-i, ure̩do̩ e-mi nadu ñwu me̩; i chʼalu kʼile̩ adu ñw one̩ oñ omi adʼu ñwu me̩ n. Ame̩ ki chʼe̩do̩ wuulu n, me̩ ki la chokpo n.

Luku 10:19

Me̩ go, u mʼo̩da du ñwu me̩ ku me̩ fʼamejo kpai amakpe kpetili mane̩ me̩, kpʼugbo ukpahiu e-e̩nebi le̩ chaka; i la nʼugbo du kʼe̩wñ du ache me̩ uji n.

E̩wñ kʼAme̩nukpuche̩ Che 1:8

Me̩ muda agba ukpahiu e̩gba kʼAfu Kiafo̩ lewa bʼume̩ ma, tak ame̩ achʼame̩nibenu-mi Je̩rusale̩m kpai Judia kpai Samaria chaka kpai gbogbo wʼukade ane̩ ile̩.

Ze̩karaya 4:6

Tak i dohi ka ñwu mi kakini, O̩la Jihofa ki awʼugbo Zerubabe̩l le̩ de̩, kakini, I lʼugbo ugbiti n, i la lʼugbo ukpahiu n, chai lʼugbo Afu-mi, Jihofa ki nʼe̩wñ du ka-i.

Ita, Ita 2:7

I akʼibe o̩lafia jo̩ ñw abo ku ma che e̩wñ tʼeju-wñ; owñ chʼikpako tod abo ku ma lʼo̩na o̩kpakpa,

Ita, Ita 8:14

O̩la elo kpai ibe ogbolo chʼe-mi, omi oji-e̩wñ ema de̩, u chʼegbo-ka.

Abo Rom 5:5

ibe ekono la achʼone̩ anyo̩ n; todabu ku ma mʼufe̩do̩ O̩jo̩ du danyʼe̩do̩-wa lef Afu Kiafo̩ ku ma du ñwu wa le̩.

Abo Hibru 2:15

kʼi ño̩ gba abo-i tane̩, owñ chʼabo ku ma jʼef adu, o̩jo̩ udeju-ma du lef ailo uku ku ma jʼara.

E̩wñ kʼAme̩nukpuche̩ Che 20:24

U muda fʼonugo-mi lo ka kʼu chʼe̩wñ o̩me̩me̩le̩ akoko ejʼo̩la-mi n, todu kʼule-mi kʼu nara-i kʼu ra kpoji kpʼuko̩lo̩ e̩wñ eche ñw one̩ kʼu gba kwugbo Ondu Jisus owñ chʼibenu Uche̩nyo̩ ufe̩de̩nyo̩ O̩jo̩ egba nyo̩nyo̩.

1 Abo Ko̩rint 2:4

Oñ o̩la kʼu ka kpʼakoya kʼu ta i la chʼef o̩la ofili ki agbʼone̩ ibe n, chai ef Afu kpai ukpahiu kʼame̩ li:

Luku 24:49

Me̩ la go, omi akpʼe̩wñ kʼAta-mi kʼo̩la-wñ tane̩ le̩ dufu abʼume̩ ma: ame̩ ki muda gugu ewo-i, gbogbo wʼe̩gba ku ma dʼukpahiu kwo ojale tʼo̩la-me̩.

E̩wñ kʼAme̩nukpuche̩ Che 10:38

alu kʼO̩jo̩ bʼAfu Kiafo̩ kpʼukpahiu ti Jisus abo Nazare̩t le̩ oji, kʼowñ la nyʼugbo du achuko̩lo̩ e̩nyo̩, kʼi laño̩ fʼo̩ga abo du kʼAbulumone̩ tʼuma ma chekpa, todu kʼO̩jo̩ dʼubi-wñ.

Maika 3:8

I muda chʼe-mi, ukpahiu che̩ko̩ efu mi, lugbo Afu Jihofa, kpʼe-ajo̩ o̩kpakpa eka, kpʼe-ugbiti, kʼu dʼudu ki fe̩ ka ñwu Jeko̩b, kʼu la dʼadure-wñ ka ñw Israe̩l.

Eli Eko̩ DʼO̩jo̩ 119:80

Che kʼe̩do̩-mi ki mufu ef uhio̩me̩-we̩, kʼanyo̩ ki we emu mi!

1 Pita 1:22

Abu ku me̩ fʼonugo-me̩ gworinyo̩ ef ochochi ku me̩ mugbagbo̩ kʼeche̩do̩ amo̩maye-me̩ ki we enʼakoru, me̩ ki fe̩do̩ omune̩ kpʼe̩do̩-me̩ gbali,

E̩wñ kʼAme̩nukpuche̩ Che 21:13

E̩gbale̩ Po̩l dohi kakini, E̩wñ me̩ che-i? Aku ero̩ kpʼe̩do̩-mi egulo̩-i? Todu omi o̩la-mi che̩mu tod eji kate n ama todu kʼu ku efu Je̩rusale̩m tod odu Ondu Jisus kpo̩fo̩.

Abo Ko̩lo̩se 1:8

I laño̩ je̩ ñw a ma ufe̩do̩-me̩ ef Afu ge̩.

E̩wñ kʼAme̩nukpuche̩ Che 6:8

Stifan, ki che̩ko̩ ñw ufe̩de̩nyo̩ kpai ukpahiu, la chʼe̩wñ uno̩ kpai ujiwe inaina ef amone̩.

E̩wñ kʼAme̩nukpuche̩ Che 9:22

Ukpahiu So̩l muda nanyo̩gba waa, i la fʼibe amaJu ku ma dodo Damaskus dajugu, i mu-birʼuma eju ka kʼe̩ne̩ le̩ che Kraist.

Luku 8:35

Taku amone̩ ledufu ku ma li e̩wñ ki wache le̩, oñ ma lewʼugbo Jisus, ma la fʼe̩ne̩ kʼamebili kwobʼef uwñ te̩ le̩ li abu kʼi guane̩ e̩re̩ Jisus, ukpo dʼo̩la-wñ, ibe-wñ la lewane̩; taku ma railo.

E̩wñ kʼAme̩nukpuche̩ Che 26:25

Ama Po̩l kakini, Fe̩stus, e̩ne̩lile, u himu no; chai uko̩la e-ochochi kpʼe-ibe ki wane̩ akwʼef alu-mi dufu-i.

Luku 15:17

Ama abu kʼeju-wñ lewane̩ i kakini, Abuko̩lo̩ ata-mi kʼi aro̩me̩ ñwu ma ku ma nʼuje̩wñ ki ku ma bo̩, one̩ onu ma che ta? Omi la dʼemi alenyo̩ ñw ebi!

E̩wñ kʼAme̩nukpuche̩ Che 26:11

O̩gbe̩nugbe̩ ef unyi ujeju du u rʼuma ailo-wñ, u kute̩ ma ku ma chakpabie̩ O̩jo̩ tila, abu kʼo̩fu-ma kwane̩ ef e̩do̩-mi, u doli ma gbogbo nyʼef ewo ewo o̩najiji.

Aizaya 11:2

Tak Afu Jihofa awʼoji-wñ añmi, owñ chʼAfu ibe kpʼe-e̩wñ emʼoji-wñ, Afu ohio̩la kpai e-ukpahiu, Afu e̩wñ ema kpai e-ailo Jihofa era.