2 Samiue̩l 7:7 - O̩TAKADA O̩LA O̩JO̩ 1970

⁷ Ugbo du kʼu te̩talule̩ kpai amo̩ma Israe̩l, omi kʼo̩laʼka ñw o̩lo̩pu Israe̩lʼka kʼu ñwa ñw u kʼi dejute̩ Israe̩l amone̩-mi-i ka kʼe̩wñ chi kʼe̩ ma kʼunyi sida ñw omi n?

2 Samiue̩l 7:7 ပူးပေါင်းရင်းမြစ်များ

1 Iko Iko E̩wñ 17:6

Ugbo du kʼu tʼalule̩ kpʼabo Israe̩l chaka, u ko̩la du kpʼamakajo̩ Israe̩l kʼomi ñwa ñwu ma ku ma chʼama-dejute̩ abo-mi Israe̩l kakini, E̩wñ chi kʼame̩ ma fʼunyi sida ko̩ ñwu mi n? mama me̩?

2 Samiue̩l 5:2

Igbele e̩gba ku So̩l chʼonu-wa, uwe̩ chʼe̩ne̩ kʼi ko Israe̩l dufu, uwe̩ laño̩ ko ma dabiwa; Jihofa la ka ñw e̩ kakini, Uwe̩ achʼadejute̩ amone̩-mi Israe̩l, uwe̩ la achʼe̩nuto̩gba Israe̩l ge̩.

E̩wñ kʼAme̩nukpuche̩ Che 21:28

ma nakwa kakini, Aboke̩le̩ Israe̩l, me̩ te̩ko wa! E̩ne̩ kʼi ako̩ amone̩ du ugbo du o̩la agwunyu amone̩ kpʼo̩lo̩da kpʼuña-i de̩; i laño̩ mʼabo̩ Grik ko wʼef unyi O̩jo̩-i, oñ i mʼuña kiafo̩-i du che e̩wño̩ja.

E̩wñ kʼAme̩nukpuche̩ Che 20:28

Me̩ dibetʼo̩la-me̩ kpʼujo̩ amala chaka e-kʼAfu Kiafo̩ ko me̩ jo̩ ku me̩ chʼamafejute̩ ma ku me̩ dejute̩ ujeju abudo̩ O̩jo̩ e-kʼi nʼe̩bie̩ e-wñ la.

Matiu 2:6

Oñ uwe̩ Be̩tle̩he̩m, ane̩ Judia, i nʼugbo du kʼuwe̩ chʼe̩ne̩ ki nya ef amuto̩gba e-Juda n, todu kwef uwe̩ E̩nuto̩gba adufu e-kʼi adejutʼabo-mi, Israe̩l.

Maika 5:4

Tak owñ adago akʼije̩ ñw ujo̩-wñ je̩ ef ukpahiu Jihofa, ef e̩gahi odu Jihofa, O̩jo̩-wñ. Tak ama ajo̩ o̩mo̩, todu fai tak i achʼE̩ne̩lile gbogbo tʼukpoji ukpoji ane̩ ile̩.

Izikie̩l 34:23

Tak u nadʼadide okate dago kʼi ne ma, owñ le̩ akʼuje̩wñ ma je̩, owñ chʼadu-mi Defid; owñ la akʼuje̩wñ ñwu ma je̩, owñ la achʼadide-ma.

Izikie̩l 34:15

Omi onugo achʼadide ame̩wño̩re̩-mi egini oñ naje̩ ñwu ma dachi, Ondu Jihofa ka-i.

Izikie̩l 34:2

O̩ma one̩, kache̩ bʼamadide Israe̩l oji ma, kache̩, kʼe̩ ka ñwu ma, owñ chʼamadide le̩, kakini, Abu kʼOndu Jihofa ka de̩ kakini, Atogwo ñw amadide Israe̩l ki kʼuje̩wñ ñw o̩la-ma je̩! I dukpe̩ kʼamadide kʼi kʼuje̩wñ ñw ame̩wño̩re̩ egini je̩ n?

Je̩re̩maya 23:4

U la akʼamadide kwane̩ ku ma adejute̩ ma, ma ñʼarailo ge̩ n, e̩do̩-ma la ada kpu n, e̩ne̩ʼkate ef uma achi n, Jihofa aka-i.

Je̩re̩maya 3:15

Tak omi akʼamadejute̩ ñw me̩ alu kʼe̩do̩-mi du, oñ am a akʼe̩wñ ema kpai oji e̩wñ ema ñw me̩ je̩.

Aizaya 40:11

I akʼujo̩ ame̩wño̩re̩-wñ nyʼokije̩ dab adidala, i akʼamo̩ma-ma mʼe̩do̩, i ako ma mʼagbe̩do̩-wñ ale, i la anʼabo ku ma nʼo̩ma ubi le ye̩ye̩.

O̩lo̩da Eduwa Onukeji 23:14

Todu Jihofa O̩jo̩-we̩ tʼale alumeji uru-we̩, kʼi gbʼuwe̩, kʼi la mʼame̩nebi-we̩ ko jo̩ o̩gba-we̩, uru-we̩ ki la fo̩, kʼi we eli e̩wñ ki ma chʼeju-wñ kʼi ali n ef uwe̩ kʼi muna bʼe̩ te̩ n.

1 Pita 5:1

Todule̩, omi kʼu chʼe̩nogijo kpai ama kpai e̩ne̩ ki ño̩ gbibenu uwa e-ku Kraisti li kʼu laño̩ chʼe̩ne̩ ki atuta ef ojima e-ku ma che ku ma bite̩ le̩ nadʼugbe̩do̩ ñw abogijo ku ma jʼef ume̩ le̩ kakini;

1 Iko Iko E̩wñ 11:2

Igbele i chaka chʼe̩gba ki So̩l chʼonu le̩, uwe̩ chʼe̩ne̩ ki ko̩ Israe̩l dufu, uwe̩ laño̩ ko ma dabi wa. Jihofa, O̩jo̩-we̩, la ka ñw e̩ kakini, Uwe̩ achʼadejute̩ amone̩-mi, Israe̩l; uwe̩ la achʼe̩nuto̩gba abo-mi, Israe̩l.

Aizaya 66:1

Abu ki Jihofa aka de̩ kakini: Efojale chʼede-mi ile̩-i chʼuke̩re̩no-mi; abʼunyi de̩ ku me̩ ako̩ ñw mi ta? ugbo la achʼuña uñmi-mi?