2 Samiue̩l 2:9 - O̩TAKADA O̩LA O̩JO̩ 1970

⁹ oñ i du owñ jʼonu Gilead kpai abo Ashur kpai Je̩zree̩l kpai Ifraim kpai Be̩njamin kpai abo Israe̩l chaka.

2 Samiue̩l 2:9 ပူးပေါင်းရင်းမြစ်များ

Eli Eko̩ DʼO̩jo̩ 108:8

Omi ne̩ Gilead; omi ne̩ Manasa; Ifraim ño̩ chʼaku oji-mi; Juda chʼokute̩-mi.

Amakajo̩ 1:32

ama abo Ashe̩r le̩ dodo ef abo Kenan ku ma dodo ane̩ le̩; todu ma ne ma dufu n.

Jo̩shua 19:18

Oñ alo̩me̩-ma te̩ kado Je̩zree̩l kpai Chesulo̩t kpai Shune̩m

Ekaluka 1:40

E-amo̩ma Ashe̩r, o̩gba o̩gba-ma, akwo̩ra unyi akwo̩ra unyi-ma, ikpo unyi ikpo unyi amata-ma, likpa aluka odu-ma ku ma ko̩, akwʼo̩do̩ ogu nyʼate̩to̩gba-wñ, abo du ku ma bʼoko ogu enyi jo̩:

Abakwane̩ 30:13

Oñ Lea kakini, E̩do̩-mi bo̩ me̩! Todu amo̩ma onobule̩ ado̩ mi kʼe̩ne̩ ki gbede; oñ i dʼodu-wñ ko̩ Ashe̩r.

Jo̩shua 22:9

Tak abo Rube̩n kpai abo Gad, kpai abo ukpe̩reji o̩lo̩pu Manasa mudabi, oñ ma kwo bʼefu amo̩ma Israe̩l te̩ Shailo kʼi dʼoj ane̩ Kenan ku ma nyʼoj ane̩ Gilead, tʼane̩ kʼama ne̩ le̩, owñ chʼe-ku ma bʼamone̩ gba le̩, alu ki Jihofa ka lʼugbo Mose̩s.

1 Samiue̩l 29:1

Oñ abo Filistia mʼabogu-ma chaka ko wa jo̩ Afe̩k; abo Israe̩l la ruru jo̩ o̩la e̩bi omi ki de̩ Je̩zree̩l.

2 Samiue̩l 2:10

O̩do̩ Ishbo̩she̩t, o̩ma So̩l le̩ chʼo̩gbo̩ meji e̩gba kʼi chane̩ ejʼonu Israe̩l, i la jʼonu-wñ o̩do̩ meji. Abo unyi Juda muda tu Defid ubi.

2 Samiue̩l 3:6

Oñ abu kʼogu dʼagbagba unyi So̩l kpai unyi Defid, Abina nache kʼo̩wo̩-wñ ki gbiti ef unyi So̩l.

1 Iko Iko E̩wñ 12:29

Abo Be̩nja-min, efu So̩l le̩, chʼone̩ icham nyʼo̩gwo̩ko̩ ugbo me̩ta todu ojile-ma te̩tatʼabo unyi So̩l ubi akwoubi.

Jo̩shua 16:5

Alo̩me̩ abo Ifraim akwo̩ra unyi akwo̩ra unyi-ma la de̩: o̩me̩ e̩wñ ogu-ma o̩wo̩ olodudu chʼAtaro̩t-adar, gbogbo wa Be̩t-ho̩ro̩n e-ate̩,

Jo̩shua 16:8

Akwo Tapua alo̩me̩-wñ ale tʼo̩wo̩ olane̩ gbogbo wa aji Kana; eledufu-wñ la dʼo̩la ohimini. E-le̩ chʼe̩wñ ogu abo o̩lo̩pu Ifraim likpa akwo̩ra unyi akwo̩ra unyi-ma,

Jo̩shua 16:9

manyu ewo ewo ku ma date̩ ñw abo Ifraim alumeji e̩wñ ogu abo Manasa, ewo ewo le̩ chaka manyu ikpo unyi ikpo unyi-ma.

Jo̩shua 17:1

Ukpe̩ kʼanya je̩ ñw abo o̩lo̩pu Manasa le̩ de̩, todu owñ chʼo̩ma o̩gba Jose̩f. Abu ku Makir, o̩mo̩gba Manasa, kʼi chʼata Gilead le̩, chʼagbiti o̩gu, ma kpe̩ Gilead kpai Beshan ñw u.

Jo̩shua 18:11

Tak anya abo o̩lo̩pu Be̩njamin je̩ alu kʼakwo̩ra unyi akwo̩ra unyi-ma de̩, oñ alo̩me̩ ukpe̩ e-ma ledufu agbagba abo Juda kpai abo Jose̩f.

Jo̩shua 18:20

Taki Jo̩rdan mud alo̩me̩-wñ o̩wo̩ olodudu. E-le̩ chʼe̩wñ ogu abo o̩lo̩pu Be̩njamin akwo̩ra unyi akwo̩ra unyi-ma alu kʼalo̩me̩-ma le daka.

1 Iko Iko E̩wñ 12:30

Abo Ifraim chʼicham nyʼo̩gwo̩ko̩ ugbo ogu nyʼicham oka oji, amagbiti ku ma nʼuwohi, ku ma chʼame̩n uwohi ef unyi amata-ma.