2 Pita 3:18 - O̩TAKADA O̩LA O̩JO̩ 1970

¹⁸ Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

2 Pita 3:18 ပူးပေါင်းရင်းမြစ်များ

Abo Ko̩lo̩se 1:10

kʼame̩ ki tale nyo̩nyo̩ bʼOndu jo̩ ku me̩ rʼowñ eju chaka, ku me̩ nʼe̩ro aro ef uko̩lo̩ ki nyo̩ du, ku me̩ la ya nyʼo̩gba ef O̩jo̩ ema o̩gbolo.

Abo E̩fe̩sus 4:15

Kʼa muda nʼochochi aka ef ufe̩do̩, kʼa gbʼo̩kone̩ ef e̩wñ du alo waa tef owñ kʼowñ chʼoji año̩la, owñ che Kraisti.

1 Pita 2:2

Ame̩ ki ñeju omi e̩nya ku ma ma chʼe̩wñ gwʼo̩ n, kʼi chʼe-ibe, dabe̩ne̩ kʼamo̩me̩kpa ku ma bi e̩bie̩ e̩bie̩, todu kʼame̩ ki gbʼo̩kone̩ alo ef e-le̩ tef ujadu,

Abo Filipai 3:8

Abe̩le̩ ochochi, e̩wñ du mud ofu eju-mi todu Kraist Jisus Ondu-mi ema, owñ kʼi fʼe̩wñ du du e̩nyo̩ le̩: todu owñ le̩ e̩wñ du che mi ofu, eju-mi e̩wñ-mi du la mud e̩wñ ojeta, todu ki Kraist ki mud ile kʼu na je̩,

Abo E̩fe̩sus 1:17

todu kʼO̩jo̩ e-Ondu-wa Jisus Kraisti, Ata ojima le̩, kʼi nadʼafu e-ibe ñwu me̩ kpai e-o̩la ebite̩ ku me̩ ki fʼowñ ma ogbolo;

Abo Ko̩lo̩se 3:10

ku me̩ la mʼe̩ne̩ etito̩ e-ki achʼetito̩ alo waa tef e̩wñ ema ogbolo teju alu kʼe̩ne̩ ki nyʼi de̩ dutʼo̩la:

2 Pita 1:3

Alu kʼukpahiu O̩jo̩-wñ kʼe̩wñ du ki cheju iñmi kpai O̩jo̩ ekpe̩do̩ru ñw a, lef ema ogbolo kʼa ma e̩ne̩ ki do̩ wa lef ojima kpai ali e̩nyo̩ e-wñ,

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

2 Timoti 4:18

Ondu agba mi bʼuko̩lo̩ bibi du te̩, i la ajadu mi tef ojane̩-wñ e-efojale: ojima ki chʼe-wñ tʼogbegbele̩ nyile̩wa. Ami.

Jo̩n 17:3

E̩wñ ki la chʼiñmi ogbegbele̩ le̩ de̩, todu kʼama ki mʼuwe̩ kʼuwe̩ kate chʼO̩jo̩ ogbolo, kpʼe̩ne̩ kʼe̩ kpe̩ wa le̩—owñ che Jisus Kraist.

Eli Eko̩ DʼO̩jo̩ 92:12

E̩no̩kpakpa le̩ ahidu dabe̩ne̩ kʼe̩kpe̩, o̩la-wñ aya dabe̩ne̩ kʼoli sida Le̩bano̩n.

2 Abo Te̩se̩lonaika 1:3

I dʼuwa o̩la kʼa gwʼO̩jo̩ e̩gba du todu me̩, amo̩maye, alu ki chʼeju-wñ todabu kʼe̩do̩ ekono-me̩ aya tabale, kʼufe̩do̩ kʼe̩ne̩ne̩ne̩ne̩-me̩ okoke du ne̩ fe̩do̩ omune̩ nanyo̩gba alo waa.

Abo Rom 11:36

Todu owñ chʼe̩te̩ e̩wñ du, e̩wñ du lef uwñ wa, e̩wñ du la do̩mo̩ ñw owñ. O̩jima ki chʼe-wñ ogbegbele̩. Ami.

O̩la E̩bite 1:6

kʼi laño̩ mʼuwa ko chʼuche̩ amonu, kʼa chʼamatama ñw O̩jo̩-wñ kʼi laño̩ chʼAta-wñ. Ami.

O̩takada ki kwʼo̩wo̩ Jud 1:25

tʼugbo O̩jo̩ okate kʼi chʼE̩najadu-wa, lefu Jisus Kraist, Ondu-wa, ojima kpʼe̩gahi kpʼinaina, kpʼiñmi, kpai o̩da ki chʼe-wñ, o̩gba tak o̩kpanachi du do̩mo̩, tʼifai, kpai tef o̩kpanachi du ki awa. Ami.

2 Pita 1:11

todu, abe̩le̩ taku ma abi o̩na tʼojane̩ e-ogbegbele̩ e-Ondu-wa kpai E̩najadu-wa Jisusi Kraisti foo ñwu me̩.

2 Pita 2:20

Todu iche̩wñ ku ma fʼe̩wñ e-ile̩-i kʼi akpʼone̩ bie̩ o̩wo̩ tane̩ ef ema ku ma ma Ondu-wa kpʼE̩najadu-wa, Jisusi Kraist ogbolo, tak e̩wñ le̩ ño̩ dabi gwuji nyʼuma o̩la kʼi la fʼuma du, e-otitala mud e̩bie̩ne̩ ñw ma tʼe-ejodudu le.

2 Pita 1:8

Todu e̩wñ-i jʼugbo me̩ ololololo, i aje̩ ñw ume̩ tʼo̩wo̩ ofo n, i la aje̩ ñw ume̩ we enʼe̩ro ef Ondu-wa Jisusi Kraist ema ogbolo n.

Matiu 28:20

me̩ nako̩ ma ku ma dejute̩ e̩wñ du kʼu fʼuko̩-wñ te̩ ñwu me̩. Me̩ la go, omi dʼugbo me̩ o̩jo̩ du gbogbo tʼukpoji o̩kpanachi-i.

Matiu 6:13

E̩ ki ko wa nyʼef ajama n, E̩ ki muda mʼuwa gba kwʼugbo e̩ne̩bibi le̩.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Hosiya 14:5

Omi adab eli ki achi ñw abo Israe̩l; i adikoko ododo dab ilili, i la atʼili dabu Le̩bano̩n;

Jo̩n 5:23

todu kʼe̩ne̩ du ki bumʼO̩ma alu ku ma bumʼAta. E̩ne̩ ki ma bumʼO̩ma n abumʼAta e-ki kpʼo̩ wa n.

2 Pita 1:2

Ufe̩de̩nyo̩ kpai ure̩do̩ ki nana nyo̩gba ñw ume̩ ef O̩jo̩ kpai Jisus, Ondu-wa, ema ogbolo.