2 Amonu 9:22 - O̩TAKADA O̩LA O̩JO̩ 1970

²² Oñ i lewatu, e̩gba ku Joram fu Jihiu li, i kakini, O̩lafia i che, Jihiu? Tak i dohi kakini, Gbogbo abu kʼo̩ko̩ eje̩ e-iye-we̩ Je̩ze̩be̩l kpai obochi-wñ kʼi ache chʼewewe abe̩-i, o̩lafia de̩?

2 Amonu 9:22 ပူးပေါင်းရင်းမြစ်များ

Nehum 3:4

Todu o̩wo̩ e̩wñ abutabu e-ajo̩ko̩, ki achʼile̩ le̩, owñ chʼodu onobule̩ e̩wñ ochu, kʼi akʼabo uche̩ichi uche̩ichi ta lef e̩wñ abutabu-wñ le̩, kpʼo̩lo̩pu o̩lo̩pu lef e̩wñ ochu-wñ.

2 Iko Iko E̩wn 21:13

kʼe̩ muda lule̩ o̩na o̩na amonu Israe̩l, kʼe̩ la je̩ ñwu Juda kpʼabo ku ma dodo Je̩rusale̩m ku ma tʼachʼe̩wñ abutabu alu kʼabo unyi Ehab tʼachʼe̩wñ abutabu le, kʼe̩ laño̩ fʼamo̩maye-we̩ ku ma chʼabo unyi ata-we̩ ku ma la nyo̩ tʼuwe̩ le kpa:

O̩la E̩bite 18:23

I la nugbo du kʼugane̩ agege atejugede ef uwe̩ ge̩ n; i nugbo du ku ma ñʼagbo̩ omuko̩la o̩ko̩ya-etito̩ kpʼo̩ya etito̩ ef uwe̩ ge̩ n; todabu kʼamachinyama e-we̩ chʼame̩ne̩lile ane̩-ile̩; todabu kʼe̩wñ obochi-we̩ mʼabo uche̩ichi du ko la.

O̩la E̩bite 18:3

todabu kʼabo uche̩ichi du fʼo̩te̩ wain e-e̩do̩fulu abutabu-wñ che ñmo̩ me̩, amonu ane̩ ile̩ la bʼo̩ chʼabutabu, oñ amachinyama ane̩ ile̩ mud anana kwef ukpahiu ura-wñ kʼi ali.

1 Amonu 21:25

I la nʼe̩ne̩ du ki dab Ehab kʼi dʼo̩la-wñ ta kʼi che e̩wñ ki bie̩ne̩ eju Jihofa n, e-kʼo̩ya-wñ Je̩ze̩be̩l, kʼo̩ e̩che̩ le̩.

1 Amonu 18:4

todu alu kʼe-le̩ de̩ de̩: e̩gba ki Je̩ze̩bel fʼamakache̩ Jihofa gwoda rinyo̩, Obadaya mʼamakache̩ ogume̩lu ko, oñ i mʼuma ko maja jʼef owo ooje ooje. I la kʼuje̩wñ kpai omiofo ñwu ma.)

2 Amonu 9:18

Abe̩le̩ e̩ne̩ʼka tanʼanya aledʼowñ, oñ i kakini, Abu kʼonu ka de̩, kakini, O̩lafia i che̩? Taku Jihiu kakini, E̩wñ chʼe-we̩ kpai o̩lafia? Lale tʼubi-mi. Tak adaku le̩ ka ñwu ma kakini, Onuche̩ lewʼugbo ma, i muda ño̩ dabi wa ge̩ n.

1 Amonu 18:19

Todule̩ e̩ nafʼone̩ kpe̩ fai, kʼe̩ la kʼabo Israe̩l du jeju wʼugbo mi uwo Karme̩l, manyʼamakache̩ Beal oli me̩la kpʼamakache̩ Ashe̩ra ulo̩ko̩ ku ma jʼuje̩wñ oj itebulu Je̩ze̩be̩l.

1 Samiue̩l 16:4

Taku Samiue̩l che e̩wñ ku Jihofa ka, oñ e̩gba kʼi lewa Be̩tle̩he̩m abogijo ewo le̩ lewa ugbo-wñ kpai o̩la egagogodo; oñ ma kakini, Ure̩do̩ e̩ ne̩ wa?

Ako̩la ñw Ujeju 3:8

iko ufe̩do̩, kpʼiko ulaka eche; iko ogu eja, kpʼiko ure̩do̩.