2 Amonu 9:14 - O̩TAKADA O̩LA O̩JO̩ 1970

¹⁴ Abe̩le̩ Jihiu o̩ma Jiho̩shafat o̩ma Nimshi jʼalu nyu Joram. (Joram la do̩mo̩ ade Ramo̩t-gilead, owñ kpai abo Israe̩l chaka, tode̩gba ku Hazae̩l onu Siria awʼo̩mo̩;

2 Amonu 9:14 ပူးပေါင်းရင်းမြစ်များ

2 Amonu 8:28

Owñ la lebu Joram o̩ma Ehab nyʼogu ku ma kobo̩ Hazae̩l onu Siria Ramo̩t-gilead: oñ abo Siria le̩ fu Joram chagbe.

1 Amonu 22:3

Tak onu Israe̩l ka ñw abuko̩lo̩-wñ kakini, Ame̩ ma ka kʼa ne̩ Ramo̩t-gilead le̩ n? Oñ a achechi jʼemi? kʼa ma la agba bʼef o̩wo̩ onu Siria te̩ n?

2 Amonu 15:30

Taku Hoshia, o̩ma Ela, fʼalo da nyu Peka o̩ma Re̩malaya, oñ i mʼu du kpa tʼane̩, tak i jʼonu koji-wñ o̩do̩ Jotam o̩ma Uzaya e̩kogu.

2 Amonu 10:9

Oñ i lewatu odudu-wñ, tak i ledufu, i la kwodago, oñ i ka ñw amone̩ le̩ chaka kakini, Ame̩ chʼabo̩kpakpa; go, omi jʼalu nyʼodu-mi, oñ u dʼu kpa; ama e̩ne̩ kʼabo-i du kpa ta?

2 Amonu 9:31

Oñ abu ku Jihiu nagudu wʼalaku, onobule̩ le̩ kakini, O̩lafia i che? Uwe̩ Zimri, akpa odu-we̩ le̩?

1 Amonu 16:16

Tak amone̩ ku ma ruru jo gbo̩ kakini, Zimri fʼalo da nyʼonu, tak i ño̩ mʼu du kpa, todule̩ abo Israe̩l chaka ku ma jʼuru le̩ mʼO̩mri kʼi chʼagboji abogu du jʼonu Israe̩l o̩jo̩ le̩.

1 Amonu 16:9

Oñ adu-wñ, Zimri, kʼi chʼagboji ukpe̩reji o̩ko̩ ogu-wñ dʼalu nyʼu. Oñ e̩gba kʼi de̩ Tirza añmʼo̩te̩ ki fʼu mu ef unyi Arza kʼi nʼo̩da unyi onu Tirza.

1 Amonu 16:7

Amanyʼe-le̩ o̩la Jihofa lewa agwunyu Beasha kpʼabʼunyi-wñ lʼalu Jihiu akache̩, o̩ma Hananai le̩, tod e̩wñ bie̩ne̩ du kʼi che eju Jihofa, kʼi la nʼuko̩lo̩ kʼo̩wo̩-wñ che bi owñ eju, abu kʼowñ kpʼabo unyi Je̩ro̩boam chʼe̩re̩ʼka, kʼi laño̩ mʼowñ du kpa.

1 Amonu 15:27

Taku Beasha, o̩ma Ahija kʼi chʼabo unyi Isakar, dʼalu nyʼu. Oñ Beasha fʼowñ kpa Gibe̩to̩n; abo Filistia ne̩ omo̩; todu Nedab kpʼabo Israe̩l chaka jʼakpala nyu Gibe̩ton.

2 Amonu 9:2

Tak e̩gba kʼe̩ lewa o̩mo̩, e̩ tejane̩ Jihiu o̩ma Jiho̩shafat, o̩ma Nimshi le̩, kʼe̩ nyʼejefu, kʼe̩ la je̩ ñw u kwane̩ kwef amo̩maye-wñ kʼe̩ mʼu du le tef unyi ejefu.

2 Amonu 8:29

Tak onu Joram mudabi wa Je̩zree̩l ku ma kpʼagbe kʼabo Sina chʼo Rama, e̩gba kʼi kʼogu bo̩ Hazae̩l onu Siria le̩. Tak Ehazaya o̩ma Jihoram onu Juda nyʼafejudo Joram o̩ma Ehab Je̩zree̩l, todabu kʼi achʼo̩ga.

2 Amonu 12:21

Todu Jo̩zakar, o̩ma Shimeat kpai Jiho̩zabad, o̩ma Shome̩r, amadu-wñ, fʼu gwo oñ i leku; ma la mʼowñ du ji manyʼamata-wñ ewo Defid; tak Amazaya, o̩ma-wñ jʼonu koji owñ.