2 Amonu 9:13 - O̩TAKADA O̩LA O̩JO̩ 1970

¹³ Taku ma hiane̩ oñ e̩ne̩ne̩ne̩ne̩-ma mʼafe̩-wñ du, oñ ma mʼu ko jʼoji ubo ugbo ku ma te̩gu kʼi gugu oji-wñ, taku ma fʼo̩kakachi fa, kakini, Jihiu chʼonu!

2 Amonu 9:13 ပူးပေါင်းရင်းမြစ်များ

1 Amonu 1:39

Taki Zedo̩k, atama le, mʼigba ekpo du kwef unyabo, oñ i mʼu du ba ti So̩lo̩mo̩n oji. Taku ma fʼo̩kakachi fa; oñ amone̩ le̩ chaka kakini, Oji onu Solomo̩n ki gbo kala kala.

1 Amonu 1:34

taki Zedo̩k, atama, kpai Netan, akache̩, ki fʼekpo ba tʼowñ oji o̩mo̩, kʼi mud onu abo Israe̩l, taku me̩ fʼo̩kakachi fa, ku me̩ kakini, Oji onu So̩lo̩mo̩n ki gbo kala kala.

Eli Eko̩ DʼO̩jo̩ 98:6

Me̩ ki nʼo̩kakachi kpai omu o̩kakachi kekele achʼekuku uyo̩ o̩gba Onu, Jihofa!

2 Samiue̩l 15:10

Absalom muda fʼabo ku ma tu ane̩ kpe̩rʼamo̩lo̩pu o̩lo̩pu Israe̩l chaka kakini, E̩gba ku me̩ gbʼuko̩la o̩kakachi, ame̩ ki kakini, Absalom fʼonu je̩ He̩bro̩n.

2 Amonu 9:12

Taku ma kakini, Olemi; e̩ ka ñw a ta. Tak i kakini, Ab i ka ñwu mi de̩ kakini, Abu ku Jihofa ka de̩ kakini, Omi fʼekpo ba tʼuwe̩ oji kʼe̩ chʼonu Israe̩l.

1 Amonu 1:25

Todu eñini-i i mugwo̩ru le, i la fʼamo̩kokuno̩ kpai ame̩la ki yoyo kpai ame̩wño̩re̩ egini kpa e̩kute̩, oñ i fʼamo̩ma onu chaka kpai amagboji abogu kpʼAbayata, atama do̩; e̩ la go, ma jʼo̩gba-wñ aje̩ añmo̩, oñ ma jo̩ akakini, Oji onu Adonija ki gbo kala kala.

2 Amonu 11:12

Tak i mʼo̩ma onu du dufu, i la mʼike̩be̩ du dʼo oji, oñ i mʼe̩wñ ibenu du ñw u; taku ma mʼu du jʼonu, ma la fʼekpo ba tʼo̩ oji; taku ma kwogwʼo̩wo̩, oñ ma kakini, Oji onu ki gbo kalakala!

2 Amonu 11:14

oñ i go, e̩ la go, onu dago ugbo ebije ikpa ki dago waala o̩mo̩, alu ku ma che le̩, oñ amagboji kpai amafʼo̩kakachi jʼugbo onu; amone̩ ane̩ le̩ du jʼayo̩, oñ ma nʼo̩kakachi ala. Tak Atalaya fʼe̩wñ o̩la-wñ fana, oñ i chane̩ ekpogu kakini, Alo ma da nyu mi-i! Alo ma da nyu mi-i!

Luku 19:36

Oñ abu kʼi alo ma fʼe̩wñ o̩la-ma nadala jʼejʼo̩na.