2 Amonu 8:5 - O̩TAKADA O̩LA O̩JO̩ 1970

⁵ Oñ i lewatu abu ki do̩mo̩ aka ñw onu alu kʼi dʼe̩ne̩ ki ku le̩ daji, go, onobule̩ kʼi je̩ ñw o̩ma-wñ e̩ne̩ke̩le̩ kʼi dabi deju, raku nyʼonu o̩la tod unyi-wñ kpai ane̩-wñ. Taku Ge̩he̩zai kakini, Odu-mi, O onu, onobule̩ le̩ de̩, o̩ma-wñ kʼE̩laisha la du daji le̩ de̩ ge̩,

2 Amonu 8:5 ပူးပေါင်းရင်းမြစ်များ

2 Amonu 4:35

Tak i mudabi, i lelo lewa ef unyi le̩ onuʼka; tak i mute̩gu anʼo̩la-wñ dala bʼo ma; oñ imo̩to̩ le̩ tʼachifo onu mebie, imo̩to̩ le̩ mʼeju chi.

Abo Rom 8:31

Todule̩ ab a ñʼaka ugbo e̩wñ-i ta? Iche̩wñ kʼO̩jo̩ chʼe̩ne̩-wa, e̩ne̩ akobʼuwa?

Ako̩la ñw Ujeju 9:11

Oñ u mudabi ali o̩gane̩ olu-i, kakini, Ule era i chʼe̩ne̩ ki ahio̩wane̩ adu n; i la chʼabo ki nʼukpahiu adu ef ogu n; i la chʼamanibe nʼuje̩wñ n; i ñʼachʼabo ku ma mʼoji e̩wñ ane̩ e̩wñ anana n; i la chʼabo ku ma chʼo̩ka uko̩lo̩ oñ ma aliʼuma eju n; iko kpʼe̩wñ agbajiko muda ake̩re̩bʼe̩ne̩ du.

Ita, Ita 16:9

E̩do̩ one̩ añwa o̩na kʼi ale, Jihofa muda añʼo̩ ugbo kʼi adʼe̩re̩-wñ tʼo̩.

Eli Eko̩ DʼO̩jo̩ 145:1

Nadʼuwe̩ noji ago, O̩jo̩-mi, O Onu, oñ nakadua ñw odu-we̩ ogbegbele̩ nyile̩wa.

E̩sta 5:14

Taku Ze̩re̩sh, o̩ya-wñ, kpai ame̩nufe̩do̩-wñ chaka ka ñw u kakini, Je̩ ñwu ma dʼoli gwanyane̩ kʼo̩gba-wñ ki chʼohiba ooje, tak e̩ ko̩la ñw onu odudu kʼama ki du Mo̩rde̩kai kpa oku; tak e̩ lebʼonu nyʼoko̩te̩ le̩ kpai uyo̩. Oñ e-le̩ nyo̩ Heman eju; oñ i je̩ ñwu ma dʼoli le̩ gwanyane̩.

2 Amonu 6:26

Oñ abu kʼonu Israe̩l alale oj aku, onobule̩ʼka kwa dʼo̩ kakini, Te̩ko mi, odu-mi O onu.

2 Amonu 6:12

Tak e̩nuko̩lo̩-wñ oka kakini, O̩da, odu-mi, O onu, chai E̩laisha akache̩ kʼi dʼane̩ Israe̩l aka ñw onu Israe̩l o̩la kuwe̩ aka ef unyi olu-we̩.

1 Samiue̩l 26:17

Taku So̩l mejuma omuko̩la Defid, oñ i kakini, Omuko̩la-we̩ de̩, Defid o̩ma-mi? Taku Defid kakini, Omuko̩la-mi de̩, odu-mi, o Onu.

Rutu 2:3

Tak i le, oñ i lewa oko aja tʼabo ku ma kpa ubi. I la nʼejile alewa anʼukpe̩ uche̩ Boaz kʼi chʼabo o̩lo̩pu Elime̩le̩k.

2 Amonu 4:12

Tak i ka ñw Ge̩hezai, imo̩to̩-wñ, kakini, Dʼe̩ne̩ Shune̩m-i wa. Oñʼe̩gba kʼi fʼu do̩ i lewa dago o̩gba-wñ.

2 Amonu 8:6

Tak e̩gba kʼonu tʼonobule̩ le̩ ene, i ka abe̩le̩ ñw u, tale onu dʼonojiʼka ñw u, i kakini, E̩wñ du kʼi ne̩ akwoubi, e̩ ko dabi wa ñw u, kpai e̩ro ane̩-wñ chaka, e-ki ro akwʼo̩jo̩ kʼi tʼane̩ le̩ no̩ gbogbo wʼifai.

1 Amonu 20:1

Oñ Be̩n-hedad, onu Siria, kʼabogu-wñ chaka jeju; amonu ogue̩gwa nyoke meji laño̩ jʼugbo-wñ kpʼamanya kpʼo̩kane̩ ogu wewe. Tak i mute̩gu akpala nyu Samaria kʼi la kʼogu bʼo̩.