2 Amonu 7:3 - O̩TAKADA O̩LA O̩JO̩ 1970

³ E̩gbale̩ abo̩ga ikpemute me̩le̩ jʼalaku: oñ ma ka ñw o̩la-ma kakini, E̩wñ chi kʼawa gugu emi gbogbo tak a ku?

2 Amonu 7:3 ပူးပေါင်းရင်းမြစ်များ

2 Amonu 7:4

Iche̩wñ kʼa kakini, A mugudu tʼef ewo-i ukpo̩ta la dʼef ewo-i, tak a leku o̩mo̩; i la chʼe̩wñ kʼa jʼemi yo̩o̩ eku a aku kpo̩. Todule̩ me̩ lewa ta, kʼawa ki ñwa chʼef o̩wo̩ abogu Siria-i; iche̩wñ ku ma gba wa oji lʼo̩wo̩, mak a adeju; i la che̩wñ ku ma ko wa kpa, eku a aku kate.

Ekaluka 12:14

Taku Jihofa ka ñwu Mose̩s kakini, I ma chʼata-wñ fʼito̩ rʼe eju kate, anyo̩ ma mʼu gbogbo o̩jo̩ mebie n? Je̩ ñwu ma fʼu dahi tʼo̩do̩da uru-i o̩jo̩ mebie, ubi le̩ taku ma adʼu dabi wa ge̩.

Je̩re̩maya 27:13

E̩wñ chi kʼuwe̩ kpʼabo-we̩ aku ñw o̩kwo̩chageli kpʼo̩kpo̩ta kpʼe̩wñ ibi le̩, alu ki Jihofa ka ugbo abo uche̩ichi du ki ma jʼarʼonu Babilo̩n in?

Je̩re̩maya 8:14

E̩wñ chi kʼa guguane̩ ofo? Kʼo̩la-me̩ jeju, kʼa mugudu tef ewo ewo ki nʼaku kʼa chechi jʼo̩mo̩; todu Jihofa, O̩jo̩-wa, je̩ ñw a chechi, i la mʼomi ololo du ñw a ñmo̩, todabu kʼa du Jihofa re me̩.

2 Amonu 8:4

E̩gbale̩ onu do̩mo̩ ako̩la kpai Ge̩hezai imo̩to̩ e̩ne̩ O̩jo̩ le̩ kakini, Agba, e̩ kʼinabali e̩wñ inaina du kʼE̩laisha che ñwu mi.

2 Amonu 5:1

Neaman, onu abogu onu Siria, la chʼe̩ne̩ lile eju odu-wñ, i la chenʼojima, ukpe̩ ki Jihofa fʼabo Siria jadu lʼo̩wo̩-wñ. I laño̩ chʼagbiti ki de̩ kpa-ka, i muda chʼe̩ne̩ o̩ga ikpemute.

Ekaluka 12:10

tak akpa le̩ kwo bʼoji unyabo te̩. Me̩ la go, o̩la Miriam chʼo̩ga ikpemute, i dabu sno. Oñ Aro̩n rʼeju da go Miriam, me̩ la go, o̩la-wñ chʼo̩ga ikpemute.