2 Amonu 6:17 - O̩TAKADA O̩LA O̩JO̩ 1970

¹⁷ Tak E̩laisha chadua oñ i kakini, Narodubʼe̩, Jihofa, kʼe̩ mʼeju-wñ chi, kʼi gane̩. Taki Jihofa mʼeju okolobia le̩ chi; oñ i gane̩: me̩ la go, oj uwo le̩ che̩ko̩ ñw amanya kpai okogu e-una adonyʼE̩laisha daka.

2 Amonu 6:17 ပူးပေါင်းရင်းမြစ်များ

Eli Eko̩ DʼO̩jo̩ 68:17

O̩ko̩ ogu O̩jo̩ chʼicham ogue̩lu, owñ chʼicham nʼoji icham wewe, Ondu dʼef uma, owñ che Sainai, ef uña kiafo̩ le̩.

Eli Eko̩ DʼO̩jo̩ 34:7

Onuche̩ Jihofa aruru lʼabo ku ma railo-wñ daka, i la agba ma.

2 Amonu 2:11

Oñ i lewatu, abu ku ma alule̩ alo ku ma nʼoluka ache, e̩ la go, o̩kogu e-una kpʼamanya e-una, fʼuma daru bʼomune̩ te̩; oñ E̩laija mute̩gu ef ofutu tʼefojale.

Abo Hibru 1:14

O̩chaka-ma chʼamafu ku ma chabune̩, todu ku ma ki che e̩wñ ñw abo ku ma che ku ma aje̩ ujadu e̩wñ ogu, oñ i kpe̩ ma wa-i n?

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Matiu 26:53

Abe̩k uwe̩ do̩ ka kʼomi neke gbo̩ko̩bʼAta-mi kʼi akʼamonuche̩ ku ma tʼo̩gba me̩gweji le jo̩ ñwu mi n?

Aizaya 42:7

kʼe̩ chi eju amafeju, kʼe̩ kʼame̩namu kwef ura dufu, kpai abo ku ma gugu ef e̩chubi kwef ugbo ku ma da ma hi te̩.

Eli Eko̩ DʼO̩jo̩ 119:18

Uwe̩ ki mʼumi eju chi, kʼu ko̩che̩ e̩wñ aye ef uko̩-o̩la-we̩.

O̩la E̩bite 19:14

Oñ amiso̩ja ku ma jʼefojale tanʼoj anya efufu rʼo̩ ubi, ukpo line̩n efufu ki de̩hiolo bʼo̩la-ma ma.

Abo E̩fe̩sus 1:18

kʼeju e-e̩do̩-me̩ ki nʼugane̩, ku me̩ ki ma e̩wñ ki chʼukibeno ef udo̩ kʼi ado̩, kpai e̩wñ ki chʼunana ojima e̩wñ ogu-wñ ef abo kiafo̩

Ze̩karaya 1:8

U fuli odu, e̩ la go, e̩ne̩ʼka tanʼanya ekpikpa! I dago ef ujo̩ oli me̩rte̩l ef o̩go̩ le̩; amanya ekpikpa kpai acha kpai efufu la jʼubi-wñ.

Eli Eko̩ DʼO̩jo̩ 91:11

Todu i añwa ñw amonuche̩-wñ ku ma fʼuwe̩ de ej o̩na o̩na-we̩ du.

O̩la E̩bite 19:11

Tak u li abu ku ma mʼefojale chite̩, e̩ la go, anya efufu kpʼe̩ne̩ ki gugu oji-wñ, e-ku ma do̩ kʼE̩nuke̩do̩no ogbolo kpʼE̩nochochi; oñ ajo̩-wñ kʼi aka kpʼogu kʼi aja chʼo̩kpakpa.

Eli Eko̩ DʼO̩jo̩ 104:3

kʼi akʼigbo oli unyi-wñ ojale nyane̩ ef omi omi, kʼi akʼakpa akpa ojale chʼo̩ko̩ o̩gu-wñ, kʼi ata nʼika afu ale,

Eli Eko̩ DʼO̩jo̩ 91:15

I akwado̩ mi, omi la adohi ñw u; i dʼef o̩pe̩cha omi adʼugbo-wñ, nafʼu yo̩ dufu tak u nabʼojima mʼo̩.

O̩la E̩bite 3:7

Tak e̩ nako̩ rʼonuche̩ ujeju abudo̩ Ondu Filade̩lfia, kakini, E̩ne̩ kiafo̩, e̩ne̩ ogbolo le̩, e̩ne̩ kʼi nʼo̩ma igede Defid, e̩ne̩ kʼi abi kʼe̩ne̩ du ma ñʼare ge̩ n, kʼi la are kʼe̩ne̩ du ma ñʼabi ge̩ n, aka e̩wñ-i, kakini.

Abakwane̩ 21:19

Tak O̩jo̩ mʼe eju chi, oñ i fʼomi obuga li; tak i le nakpa omiofo nyʼaiko le̩ e̩ko̩, oñ i mʼu du ñw imo̩to̩ le̩ ñmo̩.

Abakwane̩ 32:1

Taku Jeko̩b mʼe̩re̩ ko̩ nyʼule̩-wñ alo, oñ amonuche̩ O̩jo̩ de kpai owñ.

Eli Eko̩ DʼO̩jo̩ 104:4

uwe̩ kʼi akʼafu chʼamonuche̩-we̩, o̩go̩ una chʼamache e̩wñ ñw e̩.

Danie̩l 10:7

Omi, Danie̩l, kate fʼane̩ ego le̩ li, todu aboke̩le̩ ku ma jʼugbo mi li ane̩ ego le̩ n; o̩la-ma muda agagogodo nana, oñ ma ra le ku ma kʼo̩la-ma maja.

Abakwane̩ 32:2

Tak e̩gba ku Jeko̩b fʼuma li i kakini, Uru e-O̩jo̩ de̩! oñ i dʼodu ugbo kide̩ ko̩ Mahanaim.

Abakwane̩ 32:3

Jeko̩b la fʼamonuche̩ kpe̩ tʼo̩gba-wñ nyʼugbo Iso̩ o̩maye-wñ, ane̩ Seir, kʼi chʼegbili Ido̩m.

Ekaluka 22:31

Taku Jihofa mʼeju Belam chi, oñ i fʼonuche̩ Jihofa li abu kʼi adago ej o̩na kʼo̩kwo̩chageli-wñ chʼe̩wo̩ nʼo̩wo̩-wñ; tak i dʼoji lo̩ oñ i fʼeju bʼane̩ ma.

Eli Eko̩ DʼO̩jo̩ 125:2

Alu kʼuwo uwo le Je̩rusale̩m daka, abe̩le̩ Jihofa lʼabo-wñ daka, akwʼe̩gba-i gbogbo tʼogbegbele̩.