2 Amonu 5:1 - O̩TAKADA O̩LA O̩JO̩ 1970

¹ Neaman, onu abogu onu Siria, la chʼe̩ne̩ lile eju odu-wñ, i la chenʼojima, ukpe̩ ki Jihofa fʼabo Siria jadu lʼo̩wo̩-wñ. I laño̩ chʼagbiti ki de̩ kpa-ka, i muda chʼe̩ne̩ o̩ga ikpemute.

2 Amonu 5:1 ပူးပေါင်းရင်းမြစ်များ

Luku 4:27

Ame̩no̩ga ikpemute wewe laño̩ jʼoj ane̩ Israe̩l adiko E̩laisha akache̩ le̩; ma la je̩ ñw o̩la e̩ne̩ kate ef uma ki fe̩ n, chai Neaman abo Siria le̩ kate.

Abo Rom 15:18

Todu u gbe̩do̩ ako̩la e̩wñ du ki ma chʼe-ki Kraisti che lef umi todu kʼabo uche̩ichi ki mugbagbo̩, ugbo o̩la eka kpai uko̩lo̩ eche n,

Ita, Ita 21:31

Ma ñwʼanya che te̩ anode o̩jo̩ kʼogu achi, ama one̩ e̩gba chʼe-Jihofa.

E̩sta 9:4

Todu Mo̩rde̩kai chʼe̩ne̩lile ef unyi onu, uwohi-wñ le̩ dufu tʼojane̩ ojane̩ chaka; todu e̩ne̩ ku ma do̩ ko̩ Mo̩rde̩kai le̩ nanana alo waa.

O̩lo̩da Eduwa Onukeji 2:37

Chai ane̩ amo̩ma Amo̩n oñ e̩ ma te̩ me̩ru n; owñ chʼo̩la aji Jabo̩k chaka, kpai ewo ewo ane̩ uwo-wñ, kpai ugbo du ki Jihofa O̩jo̩-wa fʼuwa naba enyʼo̩mo̩.

E̩sta 10:3

Todu Mo̩rde̩kai, e̩ne̩Ju le̩, kpalu nʼonu Ahasurus, i laño̩ chʼe̩ne̩-lile ef amaJu, oñ o̩wo̩ amo̩maye-wñ jʼo̩la-wñ, i tene e̩nyo̩ abo-wñ, i ño̩ nʼo̩la ure̩do̩ aka ñw amugbe̩-wñ chaka.

2 Amonu 4:8

Oñ i lewatʼo̩jo̩ʼka kʼE̩laisha lale nyi Shune̩m, ugbo kʼanana onobule̩ʼka de̩; oñ i kutʼo̩ kʼi jʼuje̩wñ. Abe̩le̩ i la de̩, e̩gba du kʼi alale, i ana nyʼo̩mo̩ kʼi jʼuje̩wñ.

Akwodufu 11:3

Oñ Jihofa je̩ ñw abo Ijipti li amone̩ le̩ eju. Anoji e-le̩ ge̩ Mose̩s chʼe̩ne̩ lile oj ane̩ Ijipti le̩ eju abuko̩lo̩ Fero kpai eju amone̩ oj ane̩ Ijipti.

2 Abo Ko̩rint 12:7

Todu kʼu we ehiʼo̩la-mi ne tabale noj e̩wñ ku ma mubi rʼumi eju ololololo le̩, ma dʼikeke gwunyʼumi o̩la, onuche̩ Setan i che, todu kʼi ro̩kpo̩ ñw mi, todu kʼu we ehi o̩la-mi ne tabale.

Jo̩n 19:11

Jisus dohi ñw u kakini, Iche̩wñ ku ma ma du ñw e̩ kwʼate̩ n, e̩ ma nʼo̩da du ugbo mi n. Tod e-kide̩ e̩ne̩ ki mʼumi du ñw e̩ nʼadure ki nana tule.

2 Amonu 7:3

E̩gbale̩ abo̩ga ikpemute me̩le̩ jʼalaku: oñ ma ka ñw o̩la-ma kakini, E̩wñ chi kʼawa gugu emi gbogbo tak a ku?

2 Samiue̩l 3:29

I ki wane̩ abʼoji Joab kpʼabo unyi ata-wñ chaka ma; e̩ne̩ kʼo̩la-wñ awʼe̩ño̩, abe̩k e̩ne̩ kʼi chʼe̩ne̩ ikpemute, abe̩k e̩ne̩ kʼi anʼo̩kpa lule̩, abe̩k e̩ne̩ kʼugbada agwoda jʼane̩, abe̩k e̩ne̩ kʼuje̩wñ anyarʼu kʼi we edʼef abo unyi Joab in.

2 Amonu 5:27

Todule̩ ikpemute Neaman le̩ amanyʼuwe̩ o̩la, kpai ugbe̩-we̩ ogbegbele̩. Tak i mud e̩ne̩ o̩ga ikpemute efufu dabu sno kwʼo̩gba-wñ le.

2 Amonu 5:2

Oñ abo Siria ledufu udala udala e̩gba le̩ me̩, ma la fʼimo̩to̩ onobule̩ kekeleʼka mu kwʼane̩ Israe̩l wa; owñ la dʼo̩wo̩ o̩ya Neaman.