2 Amonu 25:12 - O̩TAKADA O̩LA O̩JO̩ 1970

¹² Agboji abide le̩ muda tʼabo ku ma chʼe̩nubie̩ tule ane̩ o̩mo̩ no̩ kʼama ki chʼamaluche̩ achiwebe̩te̩ma kpai uche̩ kibo̩.

2 Amonu 25:12 ပူးပေါင်းရင်းမြစ်များ

Je̩re̩maya 40:7

Oñ e̩gba kʼamagboji abogu du ku ma jʼojoko ojoko owñ chʼama kpʼabo-ma, e̩gba ku ma gbo̩ ka kʼonu Babilo̩n du Ge̩dalaya, o̩ma Ahaikam, chʼigo̩bina oj ane̩ le̩, kʼi laño̩ mʼaboke̩le̩ kpʼabobule̩ kpʼabimo̩to̩, kpʼame̩nubie̩ ane̩ le̩ ko nyʼo̩ o̩wo̩, owñ chʼabo ku ma ma ko ma nyʼef amu nyi Babilo̩ni n;

2 Amonu 24:14

Oñ i mʼabo Je̩rusale̩m chaka ko lo, kpai amagboji chaka, kpai ame̩nugbiti ku ma de̩ kpaka chaka, owñ chʼame̩namu icham nyʼo̩gwo̩ko̩ me̩gwa, kpai abo ku ma chʼo̩ka e̩wñ eche chaka kpʼamagwalo̩; e̩ne̩ du bo̩ n, chai abo ku ma chʼame̩nubie̩ tule ef amone̩ ane̩ le̩.

Izikie̩l 33:24

O̩ma one̩, abo ku ma dodo egbili e̩lanyi kpʼokuta oj ane̩ Israe̩l le̩ aka kakini, Ebraham chʼe̩ne̩ʼkate, owñ la mʼane̩-i gba e̩wñ ogu; awa muda awe we; ma la mʼane̩-i du ñw a chʼe̩wñ ogu-wa.

Je̩re̩maya 52:16

Ne̩biuzaradan, agboji abide muda tʼabo iche̩ka ku ma chʼame̩nubie̩ tule no̩ ubi ku ma dejute̩ uche̩ achiwebe̩te̩ma kpʼe̩wñ uche̩ ki bo̩.

Je̩re̩maya 39:10

Ne̩biuzaradan agboji abide le̩, muda tʼame̩nubie̩ ef amone̩ le̩ ku ma ma nʼe̩wñ du n no̩ jʼoj ane̩ Juda. I laño̩ mʼuche̩ achiwebe̩te̩ma kpʼane̩ uche̩ ko ñwu ma iko le̩ ge̩.

2 Amonu 24:15

I ño̩ mu Jiho̩yachin du le tu Babilo̩n ge̩; kpai iye onu kpai amo̩ya onu kpai amonoji-wñ kpai ame̩nugbiti ane̩ le̩; i fʼuma mu kwo Je̩rusale̩m nyi Babilo̩n.

2 Amonu 24:16

Oñ ame̩nugbiti chaka, owñ chʼone̩ icham nyʼo̩gwo̩ko̩ mebie, kpai abo ku ma chʼo̩ka e̩wñ eche kpai amagwalo̩ icham nyʼo̩gwo̩ko̩, o̩chaka-ma chenʼukpahiu, ma la bʼogu eja jo̩, abo e-le̩ onu Babilo̩n ko chʼame̩namu lo tu Babilo̩n.

2 Iko Iko E̩wn 24:14

Tak e̩gba ku ma fʼu che kpa, ma kʼe̩bo̩bo̩ o̩ko̩ wa jo̩ o̩gba onu kpai Jiho̩yada, oñ ma du kwef e-le̩ che e̩wñ eku tod unyi Jihofa, owñ chʼe̩wñ eku ku ma ane̩ che e̩wñ ku ma dʼu nʼe̩wñ wa ñw O̩jo̩, tʼuko̩de̩, kpʼe̩wñ eku o̩jamalia kpʼajifa. Ma laño̩ nʼe̩wñ iche̩bo̩ e̩gujo wa che ef unyi Jihofa o̩ko̩ko̩lo̩ o̩jo̩ udeju Jiho̩yada du.

Nihe̩maya 1:2

Hanani, o̩maye-miʼka, lewa, owñ kpai aboke̩le̩ Juda iche̩ka; tak u tʼuma ene o̩la amaJu ku ma mufu tane̩, owñ chʼame̩namu ki bo̩ le̩, kpai o̩la Je̩rusale̩m.

Aizaya 24:6

Todule̩ oñ ama ku ma na le̩ mʼane̩-i ko mi, oñ ma li ka kʼabo ku ma dodo oji-wñ fʼabi je̩; todule̩ ma fʼabo ku ma dodo ane̩-i gujo, one̩ la bo̩ ree.