2 Amonu 24:15 - O̩TAKADA O̩LA O̩JO̩ 1970

¹⁵ I ño̩ mu Jiho̩yachin du le tu Babilo̩n ge̩; kpai iye onu kpai amo̩ya onu kpai amonoji-wñ kpai ame̩nugbiti ane̩ le̩; i fʼuma mu kwo Je̩rusale̩m nyi Babilo̩n.

2 Amonu 24:15 ပူးပေါင်းရင်းမြစ်များ

E̩sta 2:6

ku ma mu du bi Je̩rusale̩m te̩ manyʼame̩namu ku ma ko lo kpai Je̩konaya onu Juda, owñ chʼabo ki Ne̩biukadne̩za, onu Babilo̩n, mʼuma ño̩ le̩.

2 Iko Iko E̩wn 36:10

Tak e̩gba kʼo̩do̩ muda ko Ne̩biukadne̩za onu fʼuche̩ kpe̩ wa ku ma mʼu du wa Babilo̩n, manyʼe̩wñ eku akoko kwef unyi Jihofa. Oñ i dʼo̩maye-wñ Ze̩de̩kaya jʼonu Juda kpai Je̩rusale̩m.

Izikie̩l 17:12

E̩ naka ñw abo unyi ku ma ma gbʼe̩nyo̩ n-i fai, kakini, Ame̩ ma oji e̩wñ-i n? E̩ ka ñwu ma kakini, Go, onu Babilo̩n lewa Je̩rusale̩m, i la fʼonu-wñ kpʼamagboji-wñ mu, oñ i mʼuma ko wa Babilo̩n ugbo-wñ.

2 Amonu 24:8

O̩do̩ Jihoyachin chʼe̩gwe̩jo̩ e̩gba kʼi chane̩ ejʼonu; i la je̩ Je̩rusale̩m ochu me̩ta. Odu iye-wñ la ko Ne̩hushta o̩ma E̩lnetan e-Je̩rusale̩m le̩.

2 Amonu 25:27

Oñ i lewatu o̩do̩ ogue̩gwa nyoke mebie ku ma mu Jiho̩yachin onu Juda, ochu e̩ke̩gweji-wñ, o̩jo̩ ogu nyoke mebie ochu le̩, tak Ifil-me̩rodak, onu Babilo̩n, mʼoji Jiho̩yachin du dago kwʼef unyi uga, todu o̩do̩ le̩ i chane̩ ejʼonu-wñ;

Je̩re̩maya 13:18

E̩ ka ñw onu kpai iye onu kakini: Me̩ ki hi o̩la-me̩ wane̩ du, gugu ane̩pe̩te̩, todu ike̩be̩ e̩gahi-me̩ lewane̩ bʼoji-me̩ te̩ me̩.

Je̩re̩maya 29:2

(Owñ chʼabu ku Je̩konaya, onu, kpai iye onu kpʼamonoji kpʼamagboji Juda kpai Je̩rusale̩m kpʼamacho̩na e̩wñ kpʼamagwalo̩ kwo bi Je̩rusale̩m te̩ me̩.)

Izikie̩l 17:13

Tak i mʼugbe̩ onu oka du, oñ i fʼalo kpe̩ kpʼowñ. I laño̩ fʼe̩bo̩ ñmo̩ kpʼowñ. I mʼamagbiti ane̩ le̩ ko le,

Izikie̩l 19:9

Taku ma dʼo̩bo̩go̩li ta tʼelika iñmo̩-wñ adʼu tef akpati ebije, oñ ma mʼu du wa ñw onu Babilo̩n; ma mʼu du wʼef aku, kʼama ki we egbo̩ ukwa-wñ oj uwo uwo Israe̩l.

Danie̩l 1:3

Tak onu ko̩la ñw Ashpe̩naz kʼi chʼe̩ne̩ ki tʼo̩gba amonoji-wñ kʼi kʼabimo̩to̩ Israe̩l iche̩ka wa, owñ chʼamo̩ma onu kpai abo ku ma bi lʼeju O̩jo̩ iche̩ka.

2 Amonu 20:18

Ma la ako amo̩ma-we̩ e̩ne̩ke̩le̩ ku ma akwʼef uta-we̩ dufu, e-kʼuwe̩ abi, alo ge̩; tak ama amud amonoji ef unyi onu Babilo̩n le̩.

2 Amonu 25:12

Agboji abide le̩ muda tʼabo ku ma chʼe̩nubie̩ tule ane̩ o̩mo̩ no̩ kʼama ki chʼamaluche̩ achiwebe̩te̩ma kpai uche̩ kibo̩.

2 Amonu 25:21

Tak onu Babilo̩n ko ma kpa, i la fʼuma kpa ku Ribla oj ane̩ Hemat. Abe̩le̩ ma mu abo Juda, oñ ma mʼuma ño̩ lelo bʼoj ane̩-ma te̩.

1 Iko Iko E̩wñ 9:1

Abe̩le̩ ma fʼabo Israe̩l du ko̩ nyʼo̩takada o̩lo̩pu o̩lo̩pu; e̩ la go, ma che̩ko̩ nyʼibuku amonu Israe̩l; ma la mu Juda ño̩ nyi Babilo̩n todu ada ku ma je̩.

E̩sta 2:5

Oñ e̩ne̩Juʼka kʼodu-wñ ko̩ Mo̩rde̩kai dʼef unyi onu ku ma do̩ ko̩ Shushan le̩, owñ le̩ chʼo̩ma Jair kʼi chʼo̩ma Shimei, o̩ma Kish e̩ne̩ o̩lo̩pu Be̩njamin oka,

Je̩re̩maya 52:28

Abo ku Ne̩biukadre̩za ko nyʼef amu le̩ de̩: o̩do̩ e̩kebie-wñ amaju chʼicham nyʼo̩gwo̩ko̩ ugbo me̩ta nyʼo̩gbo̩lo̩ nyoke meta.

Izikie̩l 17:3

kʼe̩ kakini, Abu kʼOndu Jihofa ka de̩ kakini, O̩re̩ lile kʼi nʼika lile, kʼiwe̩ ika-wñ jiji, kʼedudu-wñ che nana, kʼina o̩la-wñ chʼojoji, ojoji, lewa Le̩bano̩n, oñ i mʼoji sida du;