2 Amonu 23:4 - O̩TAKADA O̩LA O̩JO̩ 1970

⁴ Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

2 Amonu 23:4 ပူးပေါင်းရင်းမြစ်များ

2 Amonu 21:7

Tak i mʼojibo Ashe̩ra ku ma gbe̩ le̩, owñ chʼe-kʼowñ che, i dʼe-le̩ dago ef unyi e-ki Jihofa ka ñwu Defid kpai o̩ma-wñ So̩lo̩mo̩n kakini, Ef unyi ki de̩, kpai efu Je̩rusale̩m-i, e-kʼu du kwef o̩lo̩pu o̩lo̩pu Israe̩l chaka o̩mo̩nadʼodu-mi te̩ ogbegbele̩.

2 Amonu 21:3

Todu i dabi ko̩ otete otete e-kʼata-wñ He̩ze̩kaya gulo̩ rinyo̩ le̩; i la ño̩ fʼubo̩ iche̩bo̩ ne dago ñwu Beal, oñ i fʼAshe̩ra che, alu kʼEhab onu Israe̩l le̩ che, i laño̩ dojikane̩ ñw uwewe e̩wñ ojale, i la re̩ ma.

2 Iko Iko E̩wn 33:3

I ño̩ dabi ko̩ otete otete e-ku He̩ze̩kaya ata-wñ kpo̩fo̩ wane̩ le̩; oñ i fʼubo̩ ubo̩ iche̩bo̩ ne todu amiBeal, i la fʼujo̩ ujo̩ oli Ashe̩ra che, oñ i dojikane̩ ñw o̩wo̩ e̩wñ ojale du, i la re̩ ma.

2 Amonu 25:18

Tak agboji abide mu Se̩raya agboji amatama du, kpai Ze̩fanaya ata-ma ekeji kpai amadʼalo̩na me̩ta le̩ ko.

Jo̩n 18:1

Abu ku Jisus fʼe-kide̩ ka owñ kpai amako̩che̩-wñ dufu tʼudaba ukpolo Ke̩dro̩n, ugbo kʼuche̩ de̩, owñ kpai amako̩che̩-wñ mugudu tef uwñ.

Matiu 27:1

Oñ abu kʼo̩jo̩ ñwa, amagboji amatama chaka kpai abogijo amone̩ le̩ fʼojuju nyi nyu Jisus, todu ku ma dʼowñ kpa.

Matiu 26:3

E̩gba le̩ amagboji amatama kpai abogijo amone̩ le̩ jeju jʼanuku agboji amatama kʼodu-wñ ko̩ Kayafas;

Emo̩s 4:4

Me̩ lewa Be̩te̩l ku me̩ jʼada ke; lewa Gilgal kʼada-me̩ ki wewe; me̩ ki kʼe̩wñ iche̩bo̩-me̩ wa odudu o̩jo̩ du, kpʼe̩wñ ukpe̩gwa-me̩ o̩jo̩ e̩ke̩ta o̩jo̩ e̩ke̩ta;

Hosiya 4:15

Dagba kʼuwe̩, O Israe̩l, chaka tʼajo̩ko̩, Juda ki muda fʼudu n. Me̩ ki la te̩gu nyi Gilgal in, me̩ ki la te̩gu nyi Be̩t-afe̩n in, me̩ ki la go̩ kakini, Oji Jihofa n.

Je̩re̩maya 52:24

Tak agboji abide le̩ mu Se̩raya, agboji amatama, kpai Ze̩fanaya, ata-ma ekeji, kpʼamadalona me̩ta le̩, ko;

Je̩re̩maya 7:9

Ame̩ ajoji? ame̩ akpone̩? ame̩ ache̩ño̩ya? ame̩ ago̩ olemi? ame̩ agu otulale jo ñwu Beal? ku me̩ la alule̩ tʼamo̩jo̩ omune̩ kʼame̩ ma ma ma mama ta n ubi?

Aizaya 27:9

Todule̩ lugbo e̩wñ-i oñ e̩wñ abʼudu ku Jeko̩b fe̩ ma, e̩ro ki kwugbo adure-wñ eko bʼo̩ te̩ chaka le̩ de̩: owñ chʼe̩gba kʼi ache kʼokuta ubo̩ iche̩bo̩ le̩ chaka ki dab afu ku ma fukpo̩fo̩ nuku nuku, Ashe̩rim kpai ojibo olu ñʼakwane̩ ge̩ n.

2 Iko Iko E̩wn 33:7

Taki mʼojibo kʼi gbe̩ le̩ du dago ef unyi O̩jo̩, owñ chʼe-kʼO̩jo̩ ka ñwu Defid kpai So̩lo̩mo̩n o̩ma-wñ kakini, Ef unyi-i, efu Je̩rusale̩m-i, kʼomi du kwef o̩lo̩pu o̩lo̩pu Israe̩l du, omi adʼodu-mi te̩ ogbegbele̩;

2 Amonu 23:15

Anubi le̩ ge̩ i ño̩ fʼubo̩ iche̩bo̩ ki de̩ Be̩te̩l kpai otete otete e-ki Je̩ro̩boam, o̩ma Ne̩bat, kʼi je̩ ñw abo Israe̩l dure le̩ du dago, owñ chʼubo̩ iche̩bo̩ e-le̩ kpai otete-wñ i fu kpo̩fo̩ rʼane̩; tak i fʼotete-wñ gujo, oñ i fʼu gwʼebutu, i la fʼAshe̩ra le̩ gujo.

2 Amonu 22:4

Mute̩gu nyʼugbo Hilkaya, agboji amata-ma le̩, kʼowñ ki kaluka o̩ko̩ ku ma ko wʼef unyi Jihofa, owñ chʼe-kʼamadalo̩na gba ugbo amone̩-i;

2 Amonu 17:16

Ma la hi uko̩ du ki Jihofa O̩jo̩-ma te̩ ñwu ma tinyo̩, oñ ma fʼojibo da ñw o̩la-ma, owñ chʼamo̩ma okuno̩ meji, ma la fʼAshe̩ra che, oñ ma dojikane̩ ñw o̩wo̩ e̩wñ ojale, ma la re̩ Beal.

1 Amonu 19:18

I chaka adʼabe̩le̩, omi tʼone̩ icham nyʼo̩gwo̩ko̩ ugbo mebie no̩ tane̩ ñw o̩la-mi ef Israe̩l. Owñ chʼokuku du ki ma te̩kpe̩ ñwu Beal in, kpai alu du ki ma akʼo̩ alu n.

1 Amonu 18:40

Tak E̩laija ka ñwu ma kakini, Me̩ fʼamakache̩ Beal mu; e̩ne̩ʼkate ef uma ki fʼume̩ o̩wo̩ n, taku ma fʼuma mu; oñ E̩laija mʼuma ko gwo̩ru nyʼaji Kisho̩n, i la ko ma kpa o̩mo̩.

1 Amonu 18:26

Taku ma mʼo̩kokuno̩ ku ma du ñwu ma le̩ du, oñ ma fʼu kwu, taku ma kwokwado̩ odu Beal akwʼodudu gbogbo wʼe̩gba kʼolu woji; ma kakini, O Beal, dohi ñw a! Omuko̩la du la ka n, i nʼe̩ne̩ du ki dohi n. Taku ma jʼada yo̩yo̩yo̩ alʼubo̩ iche̩bo̩ ku ma che le̩ daka.

1 Amonu 18:19

Todule̩ e̩ nafʼone̩ kpe̩ fai, kʼe̩ la kʼabo Israe̩l du jeju wʼugbo mi uwo Karme̩l, manyʼamakache̩ Beal oli me̩la kpʼamakache̩ Ashe̩ra ulo̩ko̩ ku ma jʼuje̩wñ oj itebulu Je̩ze̩be̩l.

1 Amonu 16:31

Oñ i lewatu, dabe̩ne̩ kʼelule̩ ef adure Jeroboam o̩ma Nebat, chʼe̩wñ fuye̩ eju-wñ, i ño̩ fʼu Je̩zebel O̩ma E̩tbeal onu Saido̩n, ne̩ chʼo̩ya, tak i re̩ Beal, i laño̩ dojikane̩ ñw u.

1 Amonu 12:29

Tak i mʼoka-wñ du dago Be̩te̩l, oñ i dʼekeji-wñ dago Dan.

2 Samiue̩l 15:23

Tak abʼane̩ o̩mo̩ chaka nʼomu lile araku, amone̩ le̩ chaka la daba. Onu onugo ño̩ mudaba aji Kidro̩n, tak amone̩ le̩ chaka mudaba ale rʼo̩wo̩ o̩na aje̩tachi.

Amakajo̩ 2:13

Ma hiu Jihofa tinyo̩, oñ ma kwoche amiBeal kpai Ashtaro̩t.

2 Amonu 21:5

I laño̩ fʼubo̩ iche̩bo̩ ne jo̩ ef ologbo kpʼanuku unyi Jihofa le̩ todu uwewe e̩wñ ojale chaka.

2 Amonu 23:12

Oñ onu fʼubo̩ iche̩bo̩ ki jʼojokunyi Ehaz o̩wo̩ ate̩ le̩, owñ chʼe-kʼamonu Juda che te̩, kpai ubo̩ iche̩bo̩ ki Manasa che ef ologbo kpʼanuku unyi Jihofa kpo̩fo̩ rinyo̩ i la mʼebutu-wñ ko ra kwʼo̩mo̩, oñ i fʼu kwu nyʼef aji Kidro̩n.

Izikie̩l 8:6

Tak i ka ñwu mi kakini, O̩ma one̩, e̩ li e̩wñ ku ma jʼache? Owñ chʼe̩wñ ihie̩ne̩ inaina kʼabʼunyi Israe̩l jʼemiache? Ku ma je̩ ñw umi kwo bʼuña-mi kiafo̩ te̩ tʼo̩najiji? Uwe̩ muda ñʼali e̩wñ ihie̩ne̩ ki tʼe-i le ta.

1 Amonu 15:13

Tak i ño̩ bʼiye-wñ Maaka gbʼo̩da iye onu, todabu kʼi fʼojibo ihie̩ne̩ʼka che ñw Ashe̩ra. Esa la fʼe̩wñ ihie̩ne̩-wñ lo̩ wane̩, oñ i fu gujo eti aji Kidro̩n.

2 Amonu 10:26

Taku ma kʼojibo ki dago jʼef unyi Be̩al dufu, ma fʼu gujo.

2 Amonu 12:10

Abe̩le̩, e̩gba ku ma li kʼo̩ko̩ chenana ef akpati le̩, tak ako̩takada onu kpai agboji amatama mute̩gu wa, oñ ma fʼo̩ko̩ ku ma li ef unyi Jihofa le̩ kaluka nyʼef akpulu, akpulu.

2 Iko Iko E̩wn 15:16

I ño̩ du Maaka, iye Esa onu le̩, tane̩ bʼugugu iye onu te̩, todabu kʼi fʼojibo ihie̩ne̩ che todu Ashe̩ra; Esa la fʼojibo-wñ le̩ lo̩ wane̩, i fʼu kwu ebutu, tak i fʼu gujo ef o̩go̩ Kidro̩n.

Ze̩fanaya 1:4

Nanʼo̩wo̩-mi dala ab iJuda kpʼabʼabo ku ma dodo Je̩rusale̩m ma chaka; u ñʼakʼabʼe̩bo̩bo̩ Beal da bʼugbo-i te̩ kpʼodu amiChe̩mar manyʼamatama-ma;