2 Amonu 23:3 - O̩TAKADA O̩LA O̩JO̩ 1970

³ Onu la dago kpenyu ebije ekpikpa kʼi dago waala le̩, oñ i fʼalo kpe̩ o̩gba Jihofa, ka kʼi alule̩ tu Jihofa ubi, kʼi la ade uko̩ uko̩ kʼi te̩ kpai o̩la ibenu-wñ kpai e̩wñ uhio̩me̩-wñ kpai e̩do̩-wñ chaka, kpai onugo-wñ chaka, kʼi fʼo̩la alo ku ma ko̩ nyʼef o̩takada le̩ lonyane̩. Oñ amone̩ le̩ du dago jo̩ aje̩nyʼalo le̩.

2 Amonu 23:3 ပူးပေါင်းရင်းမြစ်များ

2 Amonu 11:14

oñ i go, e̩ la go, onu dago ugbo ebije ikpa ki dago waala o̩mo̩, alu ku ma che le̩, oñ amagboji kpai amafʼo̩kakachi jʼugbo onu; amone̩ ane̩ le̩ du jʼayo̩, oñ ma nʼo̩kakachi ala. Tak Atalaya fʼe̩wñ o̩la-wñ fana, oñ i chane̩ ekpogu kakini, Alo ma da nyu mi-i! Alo ma da nyu mi-i!

2 Amonu 11:17

Taku Jiho̩yada fʼalo kpe̩ agbagba Jihofa kpʼonu kpʼamone̩ le̩, kʼama ki chʼamone̩ Jihofa; kpʼagbagba onu kpʼamone̩ le̩ ge̩.

O̩lo̩da Eduwa Onukeji 13:4

Ame̩ ki lule̩ tu Jihofa O̩jo̩-me̩ ubi, ku me̩ la railo owñ, ku me̩ de uko̩ uko̩-wñ ku me̩ ki la gba omu-wñ gbo̩, me̩ rʼo̩ ku me̩ la jimʼo̩.

Abo Hibru 13:20

Oñ O̩jo̩ e-ure̩do̩, e-ki mʼAdidala elile le̩ du dabi wa kwef abo ki ku ef e̩bie̩ alo ogbegbele̩, owñ chʼOndu-wa Jisus.

Abo Hibru 12:24

kpʼugbo Jisusi ki chʼe̩nagbagba alo e-etito̩ kpʼugbo e̩bie̩ ku ma tafio̩ ki ako̩la e̩wñ tʼe-kʼe-Ebe̩l ka le.

Je̩re̩maya 50:5

Ma afeju-ma kparʼo̩wo̩ Zayo̩n atene, kakini, Me̩ lewa, kʼa kʼo̩la-wa dama kpai Jihofa ef alo ogbegbele̩ ki ma nʼegbenyo̩ ge̩ n.

Je̩re̩maya 4:2

Kʼuwe̩ ago̩ lʼo̩na ochochi kpai o̩na oji ajo̩ o̩kpakpa, kpʼo̩kpakpa, kakini, Oji Jihofa; tak abo uche̩ichi uche̩ichi akadua ñw o̩la-ma ef uwñ, oñ ef uwñ uje̩nyu-ma ade̩.

Ako̩la ñw Ujeju 8:2

U kakini, Fʼe̩wñ kʼonu ñwa de, e-le̩ chʼutodu O̩jo̩ kʼe̩ go̩;

Nihe̩maya 9:38

I chaka dʼabe̩le̩ du, alo ogbolo oñ a akpe̩-i, a la akʼo nyʼo̩takada; oñ amagboji-wa, kpʼabo Lifai-wa kpai amatama-wa jo̩ abu kʼa hiʼuko̩-i.

E̩zra 10:3

Todule̩ a ki kpilo kpai O̩jo̩-wa ta, kʼa kʼamo̩ya le̩ jʼane̩ kpai amo̩ma-ma du ku ma bi ñw a, teju alu kʼalu odu-mi kpai abo kʼo̩la-ma aga todu uko̩ O̩jo̩-wa adʼibe ñw a; a ki che teju alu kʼuko̩-o̩la ka.

2 Iko Iko E̩wn 29:10

Oñ i dʼe̩do̩-mi kʼu kpʼalo kpai Jihofa, O̩jo̩ e-Israe̩l, kʼuwe̩do̩-wñ ki kpuna-i ki rida bʼuwa te̩.

2 Iko Iko E̩wn 23:16

Taku Jiho̩yada kpʼalo, owñ kpʼamone̩ le̩ chaka kpʼonu, kʼama ki chʼamone̩ Jihofa.

2 Iko Iko E̩wn 23:13

tak i go, e̩ la go, onu dago ugbo oli-wñ ki dago waala ame̩rʼalo̩na, oñ amagboji kpʼamafʼo̩kakachi jʼugbo onu; amone̩ ane̩ le̩ du jʼayo̩, ma la nʼo̩kakachi afa; amakeli laño̩ jʼo̩mo̩ anu e̩wñ iya-ma, kpai abo ku ma ko ma eli uje̩nyu eko̩. Tak Atalaya fʼukpo-wñ fana, oñ i kakini, Alu ma danyʼumi-i! alu ma danyʼumi-i!

O̩lo̩da Eduwa Onukeji 29:1

E-le̩ chʼo̩la alo ki Jihofa ñwa ñwu Mose̩s kʼi kpe̩ kpai amo̩ma Israe̩l ane̩ Moab, manyʼalo e-kʼi kpe̩ kpai ama Ho̩re̩b le̩.

O̩lo̩da Eduwa Onukeji 11:13

Oñ i awatu, iche̩wñ kʼame̩ anyʼuko̩ uko̩ kʼomi añwa ñwu me̩ eñini-i eti o̩gbali, ku me̩ fe̩do̩ Jihofa O̩jo̩-me̩, ku me̩ la rʼo̩ kpai e̩do̩-me̩ chaka kpai onugo-me̩ chaka,

O̩lo̩da Eduwa Onukeji 10:12

I la chʼifai, Israe̩l, e̩wñ Jihofa O̩jo̩-we̩ atene ugbo we̩ kʼi ma chʼailo Jihofa O̩jo̩-we̩ era n? kpai elule̩ ej o̩na-wñ du kpai efe̩do̩-wñ kpai enʼe̩do̩-we̩ chaka kpai onugo-we̩ chaka che e̩wñ ñwu Jihofa O̩jo̩-we̩,

O̩lo̩da Eduwa Onukeji 8:19

Oñ i awatu, i la che̩wñ kʼuwe̩ agba Jihofa O̩jo̩-we̩ nyo̩, kʼe̩ la lule̩ tʼamo̩jo̩ omune̩ ubi, kʼe̩ re̩ ma, kʼe̩ la dojikane̩ ñwu ma, nagbʼibenu nyʼume̩ eñini kide̩ kakini, Elenyo̩ ame̩ alenyo̩ pioo.

O̩lo̩da Eduwa Onukeji 6:5

uwe̩ ki la fe̩do̩ Jihofa O̩jo̩-we̩ kpai ef e̩do̩-we̩ du kpai ef onugo-we̩ du kpai ukpahiu-we̩ chaka.

O̩lo̩da Eduwa Onukeji 6:1

Uko̩ le̩ kpai uhio̩me̩ kpai oji ajo̩ e-ki Jihofa O̩jo̩-me̩ ñwa ñwu mi kʼu ko̩ me̩ jo̩-i, kʼame̩ ki che tʼeju-wñ oj ane̩ ugbo ku me̩ adaba nyi ku me̩ ne̩ le̩;

O̩lo̩da Eduwa Onukeji 4:45

abo-i chʼo̩la ibenu kpai uhio̩me̩ kpai oji ajo̩ e-ki Mose̩s ka jane̩ ñw amo̩ma Israe̩l e̩gba ku ma kwʼ Ijipti dufu wa

Akwodufu 24:3

Taku Mose̩s lewa dʼo̩la Jihofa le̩ chaka ka ñw amone̩ le̩ kpai oji ajo̩-wñ kʼi kojo̩ chaka; tak amone̩ le̩ chaka dohi alukate, ma kakini, O̩la du ku Jihofa ka le̩ awa ache.

Je̩re̩maya 34:8

O̩la ki kwʼugbo Jihofa lewʼugbo Je̩re̩maya le̩ de̩, owñ chʼabu ku Ze̩de̩kaya, onu, kpʼalo kpʼamone̩ ku ma jo̩ Je̩rusale̩m chaka ku ma adʼomi nʼo̩la-mi kpogo ñwu ma;

Je̩re̩maya 34:15

Me̩ la rida faifai me̩, oñ me̩ fʼe̩wñ ki chʼo̩kpakpa eju-mi che, owñ chʼe-kʼe̩ne̩ne̩ne̩ne̩ ka ñw ekeji-wñ ka kʼomi nʼo̩la-mi; me̩ la fʼalo kpe̩ eju-mi ef unyi ku ma dʼodu-mi mʼo̩ le̩.

2 Iko Iko E̩wn 15:15

Tak abo Juda du yo̩ ego ku ma go le̩; todabu kʼe̩do̩-ma chaka tʼego ku ma go̩ le̩, oñ ma tene owñ kpʼe̩do̩-ma chaka. Ma fʼowñ li, taku Jihofa dʼuñmi ñwu ma ale ma daka.

Nihe̩maya 5:13

U ño̩ fʼo̩wo̩-mi kpai e̩re̩-mi gbanyo̩, oñ u kakini, Abe̩le̩ O̩jo̩ ki nagbʼe̩ne̩ du ki ma che teju o̩la ku me̩ katane̩-i n nyo̩ bʼunyi-wñ kpai uko̩lo̩-wñ te̩; abe̩le̩ ama ki fʼe̩ne̩ le̩ gbanyo̩, kʼi mud e̩ne̩ o̩wo̩ ofo. Tak abo ujeju le̩ chaka kakini, Ami. Oñ ma kwo je̩nyu Jihofa. Amone̩ le̩ la che teju o̩la ku ma katane̩ le̩.

Nihe̩maya 10:1

Oñ abo ku ma fʼu hiuko̩ che Ni-he̩maya igo̩bina, kʼi chʼo̩ma Ha-kaiaya kpai Ze̩de̩kaya