2 Amonu 23:12 - O̩TAKADA O̩LA O̩JO̩ 1970

¹² Oñ onu fʼubo̩ iche̩bo̩ ki jʼojokunyi Ehaz o̩wo̩ ate̩ le̩, owñ chʼe-kʼamonu Juda che te̩, kpai ubo̩ iche̩bo̩ ki Manasa che ef ologbo kpʼanuku unyi Jihofa kpo̩fo̩ rinyo̩ i la mʼebutu-wñ ko ra kwʼo̩mo̩, oñ i fʼu kwu nyʼef aji Kidro̩n.

2 Amonu 23:12 ပူးပေါင်းရင်းမြစ်များ

Ze̩fanaya 1:5

kpʼabo ku ma dojikane̩ ñw uwewe e̩wñ ojale ojokunyi; kpʼabo ku ma dojikane̩ ñw Jihofa ku ma ño̩ gʼo̩, ku ma laño̩ fu Malkam go̩ ge̩;

Je̩re̩maya 19:13

Oñ unyi unyi Je̩rusale̩m, kpʼunyi unyi amonu Juda ku ma fʼu daji le̩ adab uña Tofe̩t, owñ chʼunyi du ku ma gu otulale jo ñw uwewe e̩wñ ojale, ku ma la dʼomi iche̩bo̩ danyu ñw amo̩jo̩ omune̩ ojokunyi-wñ.

2 Amonu 21:5

I laño̩ fʼubo̩ iche̩bo̩ ne jo̩ ef ologbo kpʼanuku unyi Jihofa le̩ todu uwewe e̩wñ ojale chaka.

2 Iko Iko E̩wn 33:5

Oñ i fʼubo̩ ubo̩ iche̩bo̩ ne tod o̩wo̩ e̩wñ ojale du ef ologbo unyi Jihofa meji le̩.

2 Iko Iko E̩wn 33:15

I la mʼamo̩jo̩ abononojo kpai ode ode ko kwef unyi Jihofa, kpʼubo̩ iche̩bo̩ du kʼi ne oj uwo unyi Jihofa kpai efu Je̩rusale̩m oñ i mʼu ko arinyo̩ bʼef ewo le̩ te̩.

2 Amonu 23:6

Tak i mʼAshe̩ra du kwʼef unyi Jihofa dufu nyʼej ubi Je̩rusale̩m tʼo̩la aji Kidro̩n, oñ i fʼu gujo rinyo̩ o̩la aji Kidro̩n le̩, tak i fʼu gwu ebutu, oñ i fʼebutu-wñ kwu abʼojinoji ojinoji ame̩no̩talaka ma.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

O̩lo̩da Eduwa Onukeji 22:8

E̩gba kʼe̩ fʼunyi etito̩ ko̩, mak uwe̩ ki fʼo̩gba bu nyʼo̩pata ojokunyi-wñ daka, tode̩gba kʼone̩ ñwa kwʼo̩mo̩ wane̩, kʼe̩ we efʼudu e̩bie̩ fa abʼunyi-we̩ ma.

Je̩re̩maya 31:40

Tak o̩gbo̩ o̩go̩ ugbo kʼoku one̩ kpai elulu-wñ jo̩ le̩ kpai oko oko du gbogbo wʼaji Kidro̩n, wʼagbade alaku Anya kʼi dʼo̩wo̩ olodudu le̩ afo̩ todu Jihofa; ma ñʼachi rinyo̩ n, ma lañʼagulo̩ ogbegbele̩ ge̩ n.

1 Amonu 15:13

Tak i ño̩ bʼiye-wñ Maaka gbʼo̩da iye onu, todabu kʼi fʼojibo ihie̩ne̩ʼka che ñw Ashe̩ra. Esa la fʼe̩wñ ihie̩ne̩-wñ lo̩ wane̩, oñ i fu gujo eti aji Kidro̩n.

2 Amonu 10:26

Taku ma kʼojibo ki dago jʼef unyi Be̩al dufu, ma fʼu gujo.

2 Amonu 21:4

I ño̩ fʼubo̩ iche̩bo̩ ne jo̩ ef unyi Jihofa, owñ chʼugbo ki Jihofa kʼo̩la-wñ kakini, Je̩rusale̩m oñ omi adʼodu-mi te̩.

2 Iko Iko E̩wn 15:16

I ño̩ du Maaka, iye Esa onu le̩, tane̩ bʼugugu iye onu te̩, todabu kʼi fʼojibo ihie̩ne̩ che todu Ashe̩ra; Esa la fʼojibo-wñ le̩ lo̩ wane̩, i fʼu kwu ebutu, tak i fʼu gujo ef o̩go̩ Kidro̩n.

Ze̩fanaya 1:4

Nanʼo̩wo̩-mi dala ab iJuda kpʼabʼabo ku ma dodo Je̩rusale̩m ma chaka; u ñʼakʼabʼe̩bo̩bo̩ Beal da bʼugbo-i te̩ kpʼodu amiChe̩mar manyʼamatama-ma;