2 Amonu 22:4 - O̩TAKADA O̩LA O̩JO̩ 1970

⁴ Mute̩gu nyʼugbo Hilkaya, agboji amata-ma le̩, kʼowñ ki kaluka o̩ko̩ ku ma ko wʼef unyi Jihofa, owñ chʼe-kʼamadalo̩na gba ugbo amone̩-i;

2 Amonu 22:4 ပူးပေါင်းရင်းမြစ်များ

2 Amonu 12:4

Taku Jihoash ka ñw amatama kakini, O̩ko̩ e̩wñ ki afo̩ ku ma ko wʼef unyi Jihofa chaka, owñ chʼo̩ko̩ ku ma ne̩ la e̩wñ iko le̩, e̩ne̩ne̩ne̩ne̩ kʼi nʼo̩ko̩ alu kʼabo-wñ de̩ eju-wñ, kpai o̩ko̩ ki dʼe̩ne̩ du e̩do̩ kʼi ko wʼef unyi Jihofa-i,

Eli Eko̩ DʼO̩jo̩ 84:10

Todu edʼef ologbo-we̩ o̩jo̩ʼkate nyo̩ tʼo̩jo̩ icham nyʼo̩gwo̩ko̩ ki bo̩ le. Ede alo̩na unyi O̩jo̩-mi nyo̩ mi eju tʼe̩gugu ef unyabo ugbo ku ma che e̩wñ ebita le.

Nihe̩maya 11:19

Oñ amadalo̩na che: Akub kpai Talmo̩n kpai amo̩maye-ma ku ma dide alaku chʼone̩ o̩gbo̩lo̩ me̩jo̩ nyoke me̩gweji.

2 Iko Iko E̩wn 8:14

Oñ i fʼuche̩ uche̩ amatama kpe̩ jo̩ tod uko̩lo̩-ma alu ku Defid ata-wñ fʼuko̩-wñ te̩, kpʼabo Lifai ef e̩wñ ide e-ma ku ma je̩nyu O̩jo̩ ku ma ño̩ che e̩wñ eju amatama alu kʼi dʼukpe̩ ku ma che o̩jo̩ñwa o̩jo̩ñwa; i ño̩ fʼamadalo̩na date̩ uche̩ uche̩ alo̩na okoke du; todu alu ku Defid, e̩ne̩ O̩jo̩ le̩, ñwa ñwu ma de̩.

1 Iko Iko E̩wñ 9:19

Oñ Shalum o̩ma Ko̩re̩, o̩ma Ibaisaf, o̩ma Ko̩ra kpʼamo̩maye-wñ ef abo unyi ata-wñ. Abo Ko̩ra le̩ la nʼo̩da uko̩lo̩ e̩wñ eche ñw O̩jo̩ ku ma dide o̩na o̩na unyabo; alu kʼamata-ma te̩te̩nʼo̩da uru Jihofa ku ma de alo̩na-wñ.

1 Iko Iko E̩wñ 9:11

kpʼAzaraya o̩ma Hilkaya, o̩ma Me̩shulam, o̩ma Zedo̩k o̩ma Me̩rayo̩t o̩ma Ahaitub kʼi chʼe̩nuto̩gba unyi o̩jo̩;

1 Iko Iko E̩wñ 6:13

Shalum la bi Hilkaya; oñ Hilkaya bi Azaraya;

2 Amonu 18:18

Tak abu ku ma nʼomu dala do̩ onu, E̩layakim o̩ma Hilkaya, kʼi nʼo̩da abo unyi onu, kpai She̩bna, ako̩takada, kpai Joa o̩ma Esaf, ako̩takada inabali e̩wñ onu, dufu wa ugbo ma.

2 Amonu 12:5

je̩ ñw amatama ki mʼe-le̩ ko, e̩ne̩ne̩ne̩ne̩ kʼi nagba kwugbo abo kʼi ma ma; tak ama ki nʼe̩ ñw e̩kpabie̩ unyi-i che, ugbo du ku ma li e̩kpabie̩-wñ.