2 Amonu 20:14 - O̩TAKADA O̩LA O̩JO̩ 1970

¹⁴ Tak Aizaya, akache̩, lewʼugbo He̩ze̩kaya, onu, oñ i ka ñw u kakini, Ab abo le̩ ka ñw e̩? Ugbo ma la kwo wʼugbo-we̩ ta? Taku He̩ze̩kaya kakini, Ma kwʼane̩ o̩najiji, owñ che Babilo̩n ma kwo wa.

2 Amonu 20:14 ပူးပေါင်းရင်းမြစ်များ

Aizaya 13:5

Ma kwʼoj ane̩ o̩najiji wa, ma kwʼukade efojale, e-otitala, owñ che Jihofa kpai ido̩na e̩do̩ e̩kpa-wñ, kʼi fʼo̩gbo̩ ane̩-i du kpabie̩.

Ita, Ita 25:12

Dab ako̩ eti o̩jamalia kpai e̩wñ ijaga o̩jamalia hiolo abe̩le̩ e̩ne̩ ki adʼo̩la bi one̩ ibe ibe de̩ ugbo eti ki agbʼo̩la.

Eli Eko̩ DʼO̩jo̩ 141:5

E̩no̩kpakpa ki gwo mi, ufe̩de̩nyo̩ i che, i ki dʼo̩la bi mi, ekpo o̩me̩me̩le̩ ku ma ba tʼoji e-kʼoji-mi ma ako̩ n de̩; dagba ma jʼef e̩bie̩ne̩-ma aduwa-mi achi n.

Jo̩shua 9:9

Ma ka ñw u kakini, Ane̩ ki dʼo̩najiji oñ amadu-we̩ kwo wa-i, todu odu Jihofa O̩jo̩-we̩; todu a gbo̩ uwohi-wñ, kpai e̩wñ du kʼi che Ijipti,

Jo̩shua 9:6

Taku ma nyʼuru Gilgal ugbo Jo̩shua, oñ ma ka ñw u kpai aboke̩le̩ Israe̩l kakini, A kwʼane̩ o̩najiji wa; todule̩ me̩ kpʼalo kpai awa ke.

O̩lo̩da Eduwa Onukeji 28:49

Jihofa ako abo uche̩ichi kwʼo̩najiji wa ako bʼuwe̩, ma akwʼukpoji ile̩ wa dabe̩ne̩ kʼore̩ ki awu, owñ chʼabo uche̩ichi kʼe̩ ma gbo̩ ichi-ma n;

2 Amonu 20:13

Taku He̩ze̩kaya netirʼuma, oñ i dʼunyi e̩wñ akoko-wñ ña ma chaka, ajifa-wñ kpai o̩jamalia-wñ kpai e̩wñ ido̩ro̩ kpai ekpo kʼaja-wñ kpuna, kpai unyi e̩wñ ido̩na ogu-wñ kpai e̩wñ du ku ma li ef e̩wñ akoko-wñ. I nʼe̩wñ ki bo̩ unyi-wñ kpai ugbo du kʼo̩da-wñ te̩ kade, kʼi ma du ña ma n in.

2 Amonu 20:15

Tak i kakini, E̩wñ ma li ef unyi-we̩? Oñ He̩ze̩kaya dohi kakini, Ma fʼe̩wñ du ki dʼef unyi-mi li; e̩wñ du bo̩ ef e̩wñ akoko-mi kʼomi ma du ña ma ni n.

Izikie̩l 23:23

owñ chʼabo Babilo̩n kpʼabo Kaldia chaka, Pekod kpai Shoa kpai Koa, kpʼabo Asiria du manyʼuma, abokolobia ku ma ñeju ma ma che, ame̩nuto̩gba kpʼabʼo̩da, o̩chaka ma che, amagboji kpʼame̩nuwohi ma che, o̩chaka-ma tanʼamanya ale.

Ekaluka 22:9

Tak O̩jo̩ lewa ugbo Belam, oñ i kakini, Aboke̩le̩ ku ma jʼugbo-we̩-i chʼe̩ne̩?