2 Amonu 2:15 - O̩TAKADA O̩LA O̩JO̩ 1970

¹⁵ Tak e̩gba kʼamo̩ma amakache̩ ku ma jo̩ Je̩riko ame̩rʼu o̩mo̩ fʼu li, ma kakini, Afu E̩laija tane̩ E̩laisha. Taku ma wa de kpai owñ, oñ ma fʼo̩la-ma te̩kpe̩ wane̩ o̩gba-wñ.

2 Amonu 2:15 ပူးပေါင်းရင်းမြစ်များ

1 Pita 4:14

Iche̩wñ ku ma bʼume̩ ina ef odu Kraisti, me̩ gbede; todabu kʼAfu ojima kpai e-O̩jo̩ tane̩ me̩ añmi me̩.

E̩wñ kʼAme̩nukpuche̩ Che 1:8

Me̩ muda agba ukpahiu e̩gba kʼAfu Kiafo̩ lewa bʼume̩ ma, tak ame̩ achʼame̩nibenu-mi Je̩rusale̩m kpai Judia kpai Samaria chaka kpai gbogbo wʼukade ane̩ ile̩.

2 Abo Ko̩rint 12:9

Tak i ka ñw mi kakini, Ufe̩-de̩nyo̩-mi bʼuwe̩ jo̩; todu ukpahiu-mi mufu kpoji ef e̩gbo. Todule̩ e̩do̩-mi bo̩ tule kʼu buba ef e̩gbo̩-mi, todu kʼukpahiu Kraisti ki chʼunyabo ku ma fa bʼumi oji ma.

Aizaya 59:21

I la chʼe-mi, alo kʼu nakpe̩ kpʼama de̩, Jihofa ka-i: Afu-mi kʼi bʼuwe̩ ma le̩ kpai o̩la-mi kʼu du tʼuwe̩ alu anʼuda alu-we̩ n, kpai alu ugbe̩-we̩ n, kpai alu ugbe̩ ugbe̩-we̩ n, akwʼe̩gba-i tʼogbegbele̩, Jihofa ka-i.

Aizaya 11:2

Tak Afu Jihofa awʼoji-wñ añmi, owñ chʼAfu ibe kpʼe-e̩wñ emʼoji-wñ, Afu ohio̩la kpai e-ukpahiu, Afu e̩wñ ema kpai e-ailo Jihofa era.

2 Amonu 4:37

Tak i nyʼejefu, oñ i lewane̩ e̩re̩-wñ, oñ i dojikane̩; tak i mʼo̩ma-wñ e̩ne̩ke̩le̩ du, oñ i ledufu.

2 Amonu 2:19

Tak aboke̩le̩ ewo le̩ ka ñw E̩laisha kakini, Go, o̩ko̩ a agbabʼe̩, ugbo kʼewo-i jo̩ chʼuto̩ tabale, alu kʼodu-mi cheli, omi-wñ muda bie̩ne̩. Ane̩-wñ la aje̩ ñwu ma kʼo̩ma rinyo̩.

2 Amonu 2:7

Tak aboke̩le̩ ooje, ef amo̩ma amakache̩, le tekejo̩ akpejuru ma o̩najiji; oñ ama meji dago eti Jo̩rdan.

Jo̩shua 4:14

O̩jo̩ le̩ Jihofa je̩ ñwu Jo̩shua mud e̩ne̩ lile eju abo Israe̩l chaka; taku ma railo owñ, alu ku ma railo Mose̩s, gbogbo mʼo̩jo̩ uku-wñ.

Jo̩shua 3:7

Taki Jihofa ka ñwu Jo̩shua kakini, Eñini-i nachane̩ eje̩ ñw e̩ nana eju abo Israe̩l chaka, kʼama ki ma ka kʼalu kʼu dʼugbo Mose̩s, alu le̩ nadʼugbo we̩ ge̩.

Ekaluka 27:20

Tak uwe̩ ki bʼojima e-we̩ nʼowñ oji, kʼabo o̩gbadu abo Israe̩l chaka ki gbʼo̩la-wñ gbo̩.

1 Amonu 19:16

Tak uwe̩ abʼekpo tu Jihiu, o̩ma Nishi, oji kʼi jʼonu Israe̩l, kpai E̩laisha, o̩ma Shafat Ebe̩lmehola, uwe̩ abʼekpo tʼo̩ oji kʼi mud akache̩ koji we̩.

1 Samiue̩l 10:5

Ubile̩ tak uwe̩ awʼugbo uwo e-O̩jo̩, ugbo kʼamisoja abo Filistia uche̩ʼka jo̩ le̩. Oñ e̩gba kʼe̩ lewa ewo o̩mo̩, uwe̩ ade kpʼuche̩ amakache̩ʼka ku ma agwo̩ru kwo̩j otete le̩ awa, ubo̩ kpʼeicha kpʼalige̩ta kpʼumolo ajʼo̩gba-ma; ma la anʼache̩ aka.

1 Amonu 20:35

Tak e̩ne̩ʼka ef amo̩ma amakache ka ñw ekeji-wñ lʼugbo o̩la Jihofa kakini, Fʼumi gwo, agba! E̩ne̩ le̩ muda ko̩ egwʼo.

2 Amonu 5:22

Tak i ka ñw u kakini, O̩lafia i che. Odu-mi kpe̩ mi wa kakini, Go, faifai abokolobia meji ku ma chʼamo̩ma amakache̩ kwʼoj ane̩ uwo e-Ifraim wʼugbo mi; agba, e̩ mʼitale̩nt ajifaʼka du ñwu ma, kpai e̩wñ o̩la anyimuda meji ge̩.

2 Amonu 9:1

Tak E̩laisha akache̩ fʼo̩ma akache̩ʼka do̩ wa, oñ i ka ñw u kakini, Fʼukpo-we̩ jʼago kʼe̩ mʼuli ekpo-i du nʼewo kʼe̩ nyi Ramo̩t-gilead.

Emo̩s 7:14

Tak Emo̩s dohi ñw Amazaya kakini, Omi chʼakache̩ no, u la chʼo̩ma akache̩ n; chai adejute̩ ame̩wño̩re̩ u che kpʼe̩ne̩ ki adejute̩ oli sikamo̩r,