2 Amonu 17:4 - O̩TAKADA O̩LA O̩JO̩ 1970

⁴ Tak onu Asiria li ka ku Hoshia adʼalo nyʼowñ; todu i fʼamonuche kpe̩ ru So onu Ijipti, oñ i ma ma ño̩ ko e̩wñ ele wa ñw onu Asiria, alu ki tetache o̩do̩ da o̩do̩ da ge̩ n; todule̩ onu Asiria fʼu dahi, oñ i mʼigbaligba ko nyʼu ago tʼef unyi uga.

2 Amonu 17:4 ပူးပေါင်းရင်းမြစ်များ

2 Iko Iko E̩wn 32:11

He̩ze̩kaya agba me̩ ibe kʼi mʼume̩ ko ñw uku ukpo̩ta kpʼalugbe̩, kakini, Jihofa O̩jo̩-wa agba wa kwef o̩wo̩ onu Asiria n?

2 Amonu 25:7

Ma la fʼamo̩ma Ze̩de̩kaya kpa eju-wñ, taku ma fʼeju Ze̩de̩kaya kpo̩fo̩, oñ ma nʼigbaligba ebije ikpa fʼu ji, oñ ma mʼu du le tu Babilo̩n.

2 Amonu 24:20

Todu lugbo uwe̩do̩ Jihofa e̩wñ le̩ wa Je̩rusale̩m kpai Juda, gbogbo tak i mʼuma ko rinyo̩ bʼeju-wñ te̩ kpa. Ze̩de̩kaya laño̩ ko̩ onu Babilo̩n ge̩.

2 Amonu 24:1

Iko-wñ le̩ Ne̩biukadne̩za onu Babilo̩n mute̩gu wa oñ Jiho̩yakim mud adu-wñ gbogbo o̩do̩ me̩ta; tak i murida oñ i kʼo̩.

2 Amonu 18:21

Fa-i, go, uwe̩ ke̩do̩nʼo̩kpa elikpo kʼi guche̩ le̩, owñ che Ijipti; i la che̩wñ kʼone̩ lo̩nʼo i agwunyʼu o̩wo̩, kʼi achʼo agbe; abe̩le̩ Fero onu Ijipti de̩ ñw abo du ku ma ke̩do̩nʼo.

O̩lo̩da Eduwa Onukeji 28:36

Jihofa adʼuwe̩ kpai onu e-kʼuwe̩ adʼu gugu kʼi nʼuwe̩ wugbo abo uche̩ichi kʼe̩ ma ma ma n, tʼuwe̩ tʼamata-we̩ ma ma n; o̩mo̩ tak uwe̩ are̩ amo̩jo̩ omune̩ kʼi chʼoli kpai okuta.

2 Amonu 17:3

Shalmane̩zer, onu Asiria, mʼogu ko wa bʼo̩; taku Hoshia mud adu-wñ, oñ i kʼe̩wñ ele wa ñw u.

2 Amonu 17:5

Tak onu Asiria mute̩gu nyʼugbo du ane̩ le̩, i la te̩gu nyi Samaria, oñ i kpala nyʼu o̩do̩ me̩ta.

Hosiya 10:4

O̩la ofo ma ka; alo ku ma kpe̩ ma ge̩bo̩ olemi; todule̩ ajo̩ akwane̩ dab egbe ef ikpolo e̩be̩.

Hosiya 13:10

Ugbo onu-we̩ de̩ fa-i kʼi agbʼe̩ ef ewo ewo-we̩ chaka? kpʼamakajo̩-we̩ e-kʼuwe̩ ko̩la ma kakini, Dʼonu kpʼamagboji ñw mi.

Hosiya 8:10

Ochochi, dagba ma chaka faya ef abo uche̩ichi, naya ma jo̩ fa-i. Oñ uwewe-ma chane̩ edabu nʼoj adu onu amagboji le̩.

Hosiya 12:2

Jihofa ño̩ nʼiñwa kʼi aje̩ kpai Juda, i la abʼudu ñw Jeko̩b alu kʼo̩na o̩na-wñ de̩, i adʼakoji ñw u teju alu kʼi ache e̩wñ.