2 Amonu 16:9 - O̩TAKADA O̩LA O̩JO̩ 1970

⁹ Oñ onu Asiria netirʼu; tak onu Asiria mute̩gu akogubo̩ Damaskus oñ i fʼu du, tak i fʼuma mu nyi Kir, i la fu Re̩zin kpa.

2 Amonu 16:9 ပူးပေါင်းရင်းမြစ်များ

Emo̩s 9:7

Ame̩ dab amo̩ma abo Itio̩pia ñw omi n? O ame̩ abo Israe̩l? Jihofa ka-i. Omi kʼabo Israe̩l kwʼojane̩ Ijipti wa n? kpʼabo Filistia kwo Kafto̩r wa n? kpʼabo Siria kwo Kir wa n?

Aizaya 22:6

Elam la ne̩ ahiagba-wñ manyʼokogu kʼone̩ che̩ko̩ uwñ kpai amanʼanya, Kir la roʼe̩wñ ko bʼeju ugbe̩yo̩ te̩ me̩.

Aizaya 9:11

Todule̩ Jihofa akʼame̩no̩la Re̩zin kwane̩ akobʼo̩, i la akʼo̩wo̩ nyʼame̩nebi-wñ efu.

Aizaya 7:16

Todu o̩gba tak imo̩to̩ le̩ ma kʼi ko̩ e̩bie̩ne̩ kʼi mʼe̩nyo̩ du, ma ahi ane̩ kʼamonu-wñ meji kʼuwe̩ o̩la-i tinyo̩.

2 Iko Iko E̩wn 28:21

Todu Ehaz mʼe̩wñ ko kwef unyi Jihofa kpai kwef unyi onu kpai kwʼo̩wo̩ amagboji, oñ i mʼu ko ñw onu Asiria; i muda te̩kʼowñ n kpo̩.

2 Iko Iko E̩wn 28:5

Todule̩ Jihofa, O̩jo̩-wñ, mʼowñ du tef o̩wo̩ onu Siria; taku ma fʼu gwo, oñ ma fʼo̩wo̩ abo-wñ lilemu lelo̩; ma la mʼuma ko wa Damaskus. Ma laño̩ mʼowñ du tef o̩wo̩ onu Israe̩l oñ i nʼuku lile kpa ma.

Aizaya 10:9

Kalno dabu Karkemish in? Hamat dabu Arpad in? Samaria dabu Damaskus in?

Aizaya 17:1

O̩la Damaskus de̩. Go, ma mʼugugu ewo du bi Damaskus te̩ me̩, i la adʼugbudu alache̩ te̩.

Aizaya 37:18

Ochochi, Jihofa, amonu Asiria fʼojane̩ ojane̩ du chihi rinyo̩ kpai ane̩ ane̩-ma.

2 Iko Iko E̩wn 16:4

Taku Be̩n-hedad netiru Esa onu, oñ i fʼamagboji abogu-wñ kpe̩ nyʼakʼogu bʼewo ewo Israe̩l; ma la fʼIjo̩n kpai Dan kpai Ebe̩l-meim gwoda, kpʼewo Naftali du ugbo kʼaka jo̩.

Aizaya 9:10

Otubeli-wñ mugulo̩ wane̩ me̩, a muda anʼokuta ku ma da ne; ma fu sikamo̩r lo̩ wane̩ a muda ane sida koji-wñ.