2 Amonu 16:7 - O̩TAKADA O̩LA O̩JO̩ 1970

⁷ Todule̩ Ehaz fʼamonuche̩ kpe̩ ru Tiglat-pilesa, onu Asiria, kakini, Omi chʼadu-we̩ kpai o̩ma-we̩, mute̩gu wa kʼe̩ gba mi kwʼo̩wo̩ onu Siria, kpai kwʼo̩wo̩ onu Israe̩l ku ma kwane̩ tʼumi o̩la-i.

2 Amonu 16:7 ပူးပေါင်းရင်းမြစ်များ

2 Amonu 15:29

O̩kpanachi Peka onu Israe̩l le̩, Tiglat-pilesa onu Asiria lewa fʼAijo̩n du kpai Ebe̩l-be̩t-maaka kpai Janoa kpai Kede̩sh kpai Hazo̩r kpai Gilead kpai Galili kpai ane̩ Naftali chaka; oñ i fʼabo le̩ mu nyʼAsiria.

Hosiya 14:3

Asiria agba wa n, awa atanʼamanya n; a lañʼaka ñw uko̩lo̩ o̩wo̩-wa ka kʼuwe̩ chʼO̩jo̩-wa ge̩ n. E̩ne̩ ki ma nʼata n ali ejumomi ef uwe̩.

Edinaku 4:17

Eju-wa agbe̩ noj e̩neju ate̩ko-wa e-owai; eju-wa kʼa ko rʼo̩na le̩; a tetaneju abo uche̩ichi ki ma neke jadu wa n.

Je̩re̩maya 17:5

Abu ki Jihofa ka de̩ kakini: Ama dʼoji one̩ ki ke̩do̩nʼone̩ kʼi la dʼore̩la chʼo̩wo̩ ugbiti-wñ, kʼe̩do̩-wñ la ana bi Jihofa te̩.

2 Iko Iko E̩wn 28:20

Taku Tilgat-pilnesa, onu Asiria, lewʼugbo-wñ achʼo o̩bata, i la te̩kʼo n.

2 Iko Iko E̩wn 28:16

Tak iko le̩ Ehaz onu fʼuche̩ kpe̩rʼonu Asiria kʼite̩kʼo.

1 Iko Iko E̩wñ 5:26

Tak O̩jo̩ e-Israe̩l du e̩do̩ Pul onu Asiria kpai e̩do̩ Tilgat-pilnesa kwane̩, oñ i mu ma ño̩ le; owñ chʼabo Rube̩n kpai abo Gad kpai ukpe̩reji abo o̩lo̩pu Manasa; oñ i mu ma ko wa Hela kpai Hebor kpai Heara kpai wʼo̩la ohimini Gozan gbogbo tʼeñini.

1 Amonu 20:4

Tak onu Israe̩l dohi kakini, Alu kʼe̩ ka le̩, odu-mi, onu, abe̩le̩ i de̩: uwe̩ ne̩ mi kpʼe̩wñ du kʼu ne̩.

2 Amonu 18:7

Jihofa la dʼugbo-wñ; ugbo du kʼi dufu nyi, i ara ñw u; oñ i ko̩ onu Asiria, i ño̩ rʼo̩ ge̩ n.

Aizaya 2:6

Todu uwe̩ fʼabo-we̩ hi tinyo̩, owñ chʼabunyi Jeko̩b le̩, todu e̩wñ abo o̩wo̩ olodudu chʼe̩kʼefu-ma todu ama chʼamagʼakpa dab abo Filistia, ma la dʼo̩wo̩ ñw abononojo.

Izikie̩l 16:28

Uwe̩ ño̩ jo̩ko̩ bʼabo Asiria ge̩, todabu ki ma nʼebʼe̩ jo̩ n; ochochi, uwe̩ te̩ta-jo̩ko̩ bʼuma, i la bʼe̩ jo̩ n.

Izikie̩l 23:5

Oñ iko kʼu ne̩ Ohola le̩ i tʼajo̩ko̩ ale, ibe-wñ kwote̩ ame̩nufe̩do̩-wñ chaka, ibe-wñ tʼugbo abo Asiria kʼane̩-ma te̩ kadʼe-wñ,

Izikie̩l 23:12

Ibe-wñ tʼabo Asiria, ama chʼame̩nuto̩gba kpʼabʼo̩da ku ma me̩ru, e̩wñ o̩la-ma mufu, amananya ku ma tanʼanya ale ma che, o̩chaka-ma chʼabokolobia ku ma ñeju ma.

Je̩re̩maya 13:21

E̩gba ku ma kʼabo kʼuwe̩ onugo ko̩ ma ku ma chʼamonuku-we̩ chʼamagboji-we̩, abu uwe̩ aka? I awo̩ we̩ alu ki awo̩ onobule̩ ki achefu n?

Hosiya 7:11

Ifraim la dab ikede, kʼibe-wñ ma jo̩ n, i la nʼibe n, i do̩ abo Ijipti, i la anyʼAsiria.