2 Amonu 16:11 - O̩TAKADA O̩LA O̩JO̩ 1970

¹¹ Tak Uraija atama fʼubo̩ iche̩bo̩ ne teju alu du kʼonu Ehaz kpuche̩rʼu kwo Damaskus le̩, alu le̩ Uraija atama fʼu che anede ewa onu Ehaz kʼi akwo Damaskus wa.

2 Amonu 16:11 ပူးပေါင်းရင်းမြစ်များ

Abo Galatia 1:10

Todu one̩ nache kʼu gbʼo̩ ibe-i? abe̩kʼO̩jo̩? abe̩k one̩ nafeju kʼu nyo̩ eju? I ma chʼone̩ u che kʼu nyʼo̩ eju ta, u ma chʼadu Kraisti n.

Hosiya 5:11

Ma fʼIfraim che o̩lachi, ma fʼu demane̩ ef ajo̩, todabu kʼelule̩ tʼikpa alu kʼone̩ ñwa te̩ bʼowñ jo̩.

Hosiya 4:6

Abo-mi mukpabie̩ tod e̩wñ ema ku ma ma ne̩ n; todabu kʼuwe̩ ko̩ e̩wñ ema, omi ñʼakʼuwe̩, kʼuwe̩ ki ño̩ chʼatama ñw mi ge̩ n. Abu kʼuwe̩ gbenyo̩ uko̩-o̩la O̩jo̩-we̩, omi ñʼagbenyo̩ amo̩ma-we̩ ge̩.

Danie̩l 3:7

Todule̩, iko le̩, e̩gba kʼamone̩ chaka gbo̩ uko̩la bijila kpʼo̩kpana kpʼumolo kpʼokugulu kpʼugwoje kpʼe̩wñ iya ojoji du, amone̩ uche̩uche̩ kpai ichi ichi du lewane̩ adojikane̩ ñw ojibo o̩jamalia ki Ne̩biukadne̩za onu du dago o̩mo̩.

Izikie̩l 22:26

Amatama-wñ fʼuko̩-o̩la-mi chʼakpulu, ma la fʼe̩wñ-mi kiafo̩ daji; ma fʼe̩wñ kiafo̩ kpʼe̩wñ o̩ja kpe̩ru ojoji n, ma la kʼone̩ alu kʼojoji e̩wñ ki chʼiwa kpʼe̩wñ ki fe̩ de̩ n, oñ ma mʼeju-ma du maja ñw o̩jo̩ uñmi-mi, ma la dʼumi te̩ ubi abie̩.

Je̩re̩maya 23:11

Tʼakache̩, tʼatama ejeji-ma akpe̩do̩rʼO̩jo̩ n; ichaka chʼef unyi-mi u fʼe̩wñ bibi-ma li, Jihofa aka-i.

Aizaya 8:2

Tak u kʼame̩nibenu meji ku ma chubi mi wa gba mi ibenu, owñ chʼUraya, atama, kpai Ze̩karaya, o̩ma Je̩be̩re̩kaya,

2 Amonu 16:10

Tak onu Ehaz nyi Damaskus kʼi fejudo Tiglat-pilesa onu Asiria, oñ i fʼubo̩ iche̩bo̩ kʼi de̩ Damaskus li. Tak onu Ehaz fʼalu kʼi de̩ ñwa oñ i mʼu du kpuche̩ ru Uraija atama, kpai alu kʼuwo̩li-wñ de̩, teju alu ku ma chuko̩lo̩-wñ.

2 Amonu 16:12

Tak e̩gba kʼonu kwo Damaskus wa, onu fʼubo̩ iche̩bo̩ le̩ li, oñ onu te̩me̩ru ubo̩ iche̩bo̩ le̩, i la fʼiche̩bo̩ che oji-wñ.

2 Amonu 16:14

Tak i mʼubo̩ iche̩bo̩ ebije ekpikpa kʼi dʼo̩gba Jihofa le̩ du kwʼo̩gba unyi le̩, wa, owñ chʼekwʼagbagba ubo̩ iche̩bo̩ e-wñ kpai unyi Jihofa, oñ i mʼu du gugu o̩wo̩ o̩pata ate̩ ubo̩ iche̩bo̩ e-wñ le̩.

2 Amonu 16:16

Abe̩le̩ Uraija atama che teju alu du kʼonu Ehaz ñwa ñw u.

2 Amonu 21:4

I ño̩ fʼubo̩ iche̩bo̩ ne jo̩ ef unyi Jihofa, owñ chʼugbo ki Jihofa kʼo̩la-wñ kakini, Je̩rusale̩m oñ omi adʼodu-mi te̩.

2 Amonu 21:7

Tak i mʼojibo Ashe̩ra ku ma gbe̩ le̩, owñ chʼe-kʼowñ che, i dʼe-le̩ dago ef unyi e-ki Jihofa ka ñwu Defid kpai o̩ma-wñ So̩lo̩mo̩n kakini, Ef unyi ki de̩, kpai efu Je̩rusale̩m-i, e-kʼu du kwef o̩lo̩pu o̩lo̩pu Israe̩l chaka o̩mo̩nadʼodu-mi te̩ ogbegbele̩.

2 Iko Iko E̩wn 33:4

Tak i fʼubo̩ ubo̩ iche̩bo̩ ne̩ ef unyi Jihofa, ugbo ki Jihofa kakini, Odu-mi la ade̩ Je̩rusale̩m ogbegbele̩.