2 Amonu 15:29 - O̩TAKADA O̩LA O̩JO̩ 1970

²⁹ O̩kpanachi Peka onu Israe̩l le̩, Tiglat-pilesa onu Asiria lewa fʼAijo̩n du kpai Ebe̩l-be̩t-maaka kpai Janoa kpai Kede̩sh kpai Hazo̩r kpai Gilead kpai Galili kpai ane̩ Naftali chaka; oñ i fʼabo le̩ mu nyʼAsiria.

2 Amonu 15:29 ပူးပေါင်းရင်းမြစ်များ

1 Iko Iko E̩wñ 5:26

Tak O̩jo̩ e-Israe̩l du e̩do̩ Pul onu Asiria kpai e̩do̩ Tilgat-pilnesa kwane̩, oñ i mu ma ño̩ le; owñ chʼabo Rube̩n kpai abo Gad kpai ukpe̩reji abo o̩lo̩pu Manasa; oñ i mu ma ko wa Hela kpai Hebor kpai Heara kpai wʼo̩la ohimini Gozan gbogbo tʼeñini.

2 Amonu 17:6

O̩do̩ Hoshia e̩ke̩la onu Asiria fu Samaria du, oñ i mʼabo Israe̩l ño̩ le tu Asiria, oñ i mʼuma ko jo̩ Hela, kpai o̩la omi Hebe̩r, owñ chʼaji Gozan le̩, kpai ewo ewo, abo Me̩dia.

2 Amonu 16:7

Todule̩ Ehaz fʼamonuche̩ kpe̩ ru Tiglat-pilesa, onu Asiria, kakini, Omi chʼadu-we̩ kpai o̩ma-we̩, mute̩gu wa kʼe̩ gba mi kwʼo̩wo̩ onu Siria, kpai kwʼo̩wo̩ onu Israe̩l ku ma kwane̩ tʼumi o̩la-i.

1 Amonu 15:20

Taku Be̩n-hedad netirʼEsa onu, oñ i je̩ ñw amonu ogu-wñ kobo̩ ewo ewo Israe̩l. I la fʼIjo̩n kpai Dan kpai Abe̩l-be̩t-maaka kpai Chine̩re̩t manyʼane̩ Naftali chaka du.

Jo̩shua 20:7

Taku ma fu Kede̩sh Galili oj ane̩ uwo Naftali kpai She̩ke̩m oj ane̩ uwo Ifraim kpai Kiriat-arba (owñ cho He̩bro̩n) oj ane̩ uwo Juda date̩.

2 Iko Iko E̩wn 16:4

Taku Be̩n-hedad netiru Esa onu, oñ i fʼamagboji abogu-wñ kpe̩ nyʼakʼogu bʼewo ewo Israe̩l; ma la fʼIjo̩n kpai Dan kpai Ebe̩l-meim gwoda, kpʼewo Naftali du ugbo kʼaka jo̩.

1 Iko Iko E̩wñ 5:6

Bira o̩ma-wñ, e-ki Tilgat-piliesa onu; Asiria mu lelo: owñ chʼidachi abo Rube̩n.

Amakajo̩ 4:2

Taki Jihofa mʼuma ko ta te̩ Jebin onu Renan o̩wo̩, i jʼo̩fe̩-wñ Hazo̩r; onu ogu-wñ che Sisera, kʼi la dodo Haro-she̩t e-abo uche̩ichi le̩.

Jo̩shua 19:37

kpai Kede̩sh, kpai Edrei kpai E̩n-hazo̩r,

Jo̩shua 11:1

Tak i lewatu, e̩gba ki Jebin, onu Hazo̩r, gbʼinabah-wñ, i la fʼone̩ kpe̩ nyʼugbo Jobab onu Madon kpai tugbo onu Shimro̩n kpai tugbo onu Akshaf

Emo̩s 1:13

Abu ki Jihofa aka de̩ kakini: Tod ada me̩ta kʼabo Amo̩n je̩, i-i, tod e̩wñ Je̩ me̩le̩, u ñʼarʼudu ku ma bu ñw u da bʼo̩ te̩ n; todabu kʼama fʼabobule̩ Gilead ku ma defu efu kpana, todu kʼama ki hi alo̩me̩ ane̩-ma wʼubi.

Emo̩s 1:3

Abu ki Jihofa aka de̩ kakini: Tod ada me̩ta ku Damaskus je̩, i-i, tod e̩wñ le̩ me̩le̩, u ñʼarʼudu ku ma bu ñw u da bʼo̩ te̩ n; todabu ku ma nʼe̩wñ ebije ku ma ne̩ gwʼ o̩ka fu Gilead gwu.

Aizaya 7:20

O̩jo̩ kʼa ka-i Ondu anʼabe̩ uloji kʼi faya kwʼejudaba ohimini le̩, owñ chʼonu Asiria, oñ i anʼe̩ lʼoji kpʼedudu gbogbo wa abʼe̩re̩ ma, i la ñʼafʼilagba lie̩ manyʼu.

Aizaya 1:7

Ane̩-me̩ chʼakpokpo te̩, ma fʼewo ewo-me̩ gujo rinyo̩; i chʼe-ane̩-me̩ abo o̩wo̩ ejaduña jʼaje̩ eju-me̩; i chʼakpokpo te̩ dabe̩ne̩ kʼabo o̩wo̩ ejaduña kpʼo̩ fo̩.

2 Amonu 17:23

gbogbo taku Jihofa mʼabo Israe̩l ño̩ bʼeju-wñ te̩ alu kʼi ka lʼalu amadu-wñ amakache̩ le̩ chaka. Abe̩le̩ ma mʼabo Israe̩l ko bʼoj ane̩-ma onugo te̩ nyʼAsiria gbogbo tʼojolu eñini.

1 Amonu 9:11

Abu ki Hairam, onu Taya, la ko oli sida kpai oli fir ñwu So̩lo̩mo̩n manyu o̩jamalia, alu du kʼi tene, e̩gba kʼo̩do̩ le̩ muda So̩lo̩mo̩n la kʼewo ogu ki jʼoj ane̩ Galili ñwu Hairam.

Jo̩shua 16:6

tak alo̩me̩-wñ akwo o̩mo̩ rʼo̩wo̩ olane̩ anyi Mikmatat o̩wo̩ o̩pata ate̩; tak alo̩me̩-wñ arida tʼo̩wo̩ olodudu wa Taanat-shailo, oñ i alale o̩mo̩ o̩wo̩ olodudu anyi Janoa,

Jo̩shua 12:19

onu Mado̩n chʼoka; onu He̩zo̩r chʼoka;

Jo̩shua 11:13

Abo Israe̩l muda gu ewo okate ki dago oji otete ugbo ku ma ko unyi igbele, jo n, chai Hezo̩r kate; e-le̩ Jo̩shua fugujo.

Jo̩shua 11:10

Taku Jo̩shua mudabi tʼubi iko le̩, oñ i fu Hezo̩r du, i la nʼugbada kpa onu-wñ; todu Hezo̩r le̩ chʼoji ojane̩ ojane̩ o̩mo̩ chaka akwoubi.

O̩lo̩da Eduwa Onukeji 28:25

Jihofa adʼuwe̩ te̩ ñw ame̩nebi-we̩ ku ma gwʼuwe̩ dajane̩ rʼo̩gba-ma; uwe̩ adufu lʼo̩naʼka aledo ma, tak uwe̩ ara lʼo̩na mebie rʼo̩gba-ma; ma anʼuwe̩ tʼemi tʼemi ojane̩ ojane̩ amonu du ile̩-i.

O̩lo̩da Eduwa Onukeji 3:15

U la mu Gilead du ñwu Machir.

Ekaluka 32:40

Mose̩s la du Gilead ñwu Makir o̩ma Manasa; oñ i fʼodo do o̩mo̩.

Ekaluka 32:1

Abo Rube̩n kpai abo Gad la nʼame̩wñukpa wewe tabale; oñ ma fʼane̩ Jeza kpai ane̩ Gilead li, e̩ go, ugbo le̩ chʼugbo ki nyo̩ ñw ame̩wñukpa.

Abo Lifai 26:32

Naño̩ che kʼane̩ le̩ kʼi mud alache̩ te̩; kʼi mud e̩wñ aye ñw ame̩ne̩bi-me̩ ku ma adodo o̩mo̩.

1 Amonu 14:15

Todu Jihofa agwo abo Israe̩l alu kʼomi ohimini ami elikpo ejo, i la agu abo Israe̩l du rinyo̩ bʼojane̩ ki nyo̩ kʼi du ñw amata-ma te̩, oñ i akpa ma tuka rʼej udaba ohimini todabu ku ma fʼAshe̩rim-ma che ku ma bi Jihofa eju.

2 Amonu 15:19

Taku Pul, onu Asiria, lewa kobʼane̩ le̩; taku Me̩nahe̩m mʼajifa tale̩nt icham nyʼo̩gwo̩ko̩ ko ñwu Pul, todu kʼi mud e̩ne̩ ubi-wñ kʼo̩fe̩ le̩ ki lonyane̩ ef o̩wo̩-wñ.

2 Amonu 15:28

I laño̩ fʼe̩wñ ki bie̩ne̩ eju Jihofa che; i kwo bʼadure Je̩ro̩boam o̩ma Nebat eche te̩ n, owñ chʼe-kʼi ne̩ je̩ ñw abo Israe̩l dure le̩.

2 Amonu 15:30

Taku Hoshia, o̩ma Ela, fʼalo da nyu Peka o̩ma Re̩malaya, oñ i mʼu du kpa tʼane̩, tak i jʼonu koji-wñ o̩do̩ Jotam o̩ma Uzaya e̩kogu.

2 Amonu 16:10

Tak onu Ehaz nyi Damaskus kʼi fejudo Tiglat-pilesa onu Asiria, oñ i fʼubo̩ iche̩bo̩ kʼi de̩ Damaskus li. Tak onu Ehaz fʼalu kʼi de̩ ñwa oñ i mʼu du kpuche̩ ru Uraija atama, kpai alu kʼuwo̩li-wñ de̩, teju alu ku ma chuko̩lo̩-wñ.

2 Amonu 17:20

Taku Jihofa ko̩ amugbe̩ Israe̩l chaka, oñ i fʼuma chʼukata, i la mʼuma kojʼef o̩wo̩ abo ku ma jʼuma akpa, gbogbo tak i mʼuma ko rinyo̩ bʼeju-wñ te̩.

1 Iko Iko E̩wñ 5:22

Abo kʼuku kpa ma jʼane̩ la wewe, todabu kʼogu le̩ kwʼugbo O̩jo̩. Taku ma dodo o̩mo̩ koji ma gbogbo wʼamu le̩.

Nihe̩maya 9:32

Todule̩, O̩jo̩-wa, e-Inaina, e-ki gbiti, O̩jo̩ ki la abailo, kʼi ade alo kpai ufe̩de̩nyo̩, ihianyi du ki wa bʼawa kpʼamonu-wa kpʼamagboji-wa kpʼamata-ma-wa, kpʼamakache̩-wa kpʼamata-wa, kpʼamone̩-we̩-i du ma, akwʼiko amonu Asiria gbogbo tʼo̩jolu eñini ki de̩ re eju-we̩ n.

Aizaya 37:18

Ochochi, Jihofa, amonu Asiria fʼojane̩ ojane̩ du chihi rinyo̩ kpai ane̩ ane̩-ma.

Jo̩shua 19:35

Ewo ewo ki nʼaku che Zidim kpai Ze̩r kpai Hamat kpai Rakat kpai Chine̩re̩t

Amakajo̩ 18:30

Tak amo̩ma Dan mʼojibo ku ma gbe̩ le̩ du dago ñw o̩la-ma; taku Jo̩natan, o̩ma Ge̩rsho̩n, kʼi chʼo̩ma Mose̩s le̩, kpai amo̩ma-wñ chʼamatama ñw abo o̩lo̩pu Dan gbogbo wa o̩jo̩ kʼabo omune̩ wa gba ane̩ le̩.

2 Amonu 8:11

Tak i mʼeju korʼe̩ne̩ le̩ chii, gbogbo tak i kwocha-nyo̩: tak e̩ne̩ O̩jo̩ le̩ mutʼaku.

2 Amonu 15:20

Me̩nahe̩m le nafʼo̩ko̩ le̩ bu ñw amanana ef abo Israe̩l kʼama ki ra, e̩ne̩ne̩ne̩ne̩-ma ne̩ she̩ke̩l ajifa ooje, kʼi ko ñw onu Asiria le̩. Abe̩le̩ tak onu Asiria mudabi oñ i ma kpo̩kpe̩ oj ane̩ o̩mo̩ n.

2 Amonu 18:11

Tak onu Asiria mʼabo Israe̩l le̩ ño̩ le tʼAsiria, oñ i mʼuma ko jo̩ Hela, kpai o̩la Hebo̩r aji Gozan le̩, kpai ef ewo ewo abo Me̩dia,

2 Amonu 19:11

Go, uwe̩ gbo̩ e̩wñ kʼamonu Asiria che ojane̩ ojane̩ chaka, alu ku ma ko ma jo̩ ñw O̩jo̩ hioko; uwe̩ ñʼafu ge̩?

Aizaya 7:16

Todu o̩gba tak imo̩to̩ le̩ ma kʼi ko̩ e̩bie̩ne̩ kʼi mʼe̩nyo̩ du, ma ahi ane̩ kʼamonu-wñ meji kʼuwe̩ o̩la-i tinyo̩.

Izikie̩l 23:9

Todule̩ omi mʼowñ du tʼef o̩wo̩ abo kʼibe-wñ tʼo̩ le̩, tʼef o̩wo̩ abo Asiria, kʼibe-wñ te̩ ma le̩.

Emo̩s 5:27

todule̩ nako me̩ nyʼef amu ej ano̩mo̩ ñwu Damaskus, Jihofa kʼodu-wñ ko̩ O̩jo̩ ki nʼe̩wñ du aka-i.

Emo̩s 6:14

Todu go, omi akʼabuche̩ichiʼka wa akobʼume̩, O abunyi Israe̩l, Jihofa, O̩jo̩ ki nʼe̩wñ du aka-i; tak abo le̩ akpa me̩ ma akwʼugbo ku ma gudu nyi Hemat le̩ gbogbo wʼukpolo Araba.