2 Amonu 15:25 - O̩TAKADA O̩LA O̩JO̩ 1970

²⁵ Taku Peka o̩ma Re̩malaya, agboji ogu-wñ, fʼalu da nyʼu, oñ i mʼu du kpa Samaria, ef unyi onu onugo onugo, manyʼArgob kpai Arie; aboke̩le̩ Gilead ooje ño̩ jʼugbo-wñ o̩mo̩; i mʼu du kpa, tak i jʼonu koji-wñ.

2 Amonu 15:25 ပူးပေါင်းရင်းမြစ်များ

2 Iko Iko E̩wn 28:6

Todu Pika, o̩ma Re̩malaya, fʼone̩ icham nyʼo̩gwo̩ko̩ o̩gbo̩ me̩fa kpa Juda o̩jo̩ʼkate. O̩chaka-ma chʼamagbiti. Todabu ku ma hi Jihofa, O̩jo̩ amata-ma, tinyo̩.

2 Amonu 15:27

O̩do̩ ooje nyoke meji kʼAzaraya jʼonu Juda Peka o̩ma Re̩malaya chane̩ ejʼonu Israe̩l Samaria. I la je̩ o̩do̩ ogu.

2 Amonu 15:10

Taku Shalum o̩ma Jebe̩sh fʼalu da nyʼu, oñ i fʼu gwo eju amone̩, tak i mʼu du kpa, oñ i jʼonu koji-wñ.

2 Amonu 9:14

Abe̩le̩ Jihiu o̩ma Jiho̩shafat o̩ma Nimshi jʼalu nyu Joram. (Joram la do̩mo̩ ade Ramo̩t-gilead, owñ kpai abo Israe̩l chaka, tode̩gba ku Hazae̩l onu Siria awʼo̩mo̩;

2 Amonu 9:5

Tak e̩gba kʼi lewa, go, amagboji abogu gugu o̩mo; oñ i kakini, U chene̩ uche̩ ku ma kpe̩ mi wʼugbo-we̩, agboji. Taku Jihiu kakini, Owñ chʼugbo e̩ne̩ ef o̩chaka-wa-i? Tak i kakini, Ugbo we̩, uwe̩ agboji.

1 Amonu 16:9

Oñ adu-wñ, Zimri, kʼi chʼagboji ukpe̩reji o̩ko̩ ogu-wñ dʼalu nyʼu. Oñ e̩gba kʼi de̩ Tirza añmʼo̩te̩ ki fʼu mu ef unyi Arza kʼi nʼo̩da unyi onu Tirza.

1 Amonu 16:18

Oñ i lewatu e̩gba ku Zimri li ka ku ma fʼewo le̩ du, i le tʼef unyi onu ejefu. Tak i fʼunyi onu gujo bʼo̩la-wñ oji ma, oñ i leku,

2 Amonu 15:24

I ño̩ fʼe̩wñ ki bie̩ne̩ eju Jihofa che; i kwo bʼadure Je̩ro̩boam o̩ma Nebat eche te̩ n, owñ chʼe-ki ne̩ je̩ ñw abo Israe̩l dure le̩.

2 Amonu 15:26

Oñ o̩la Pe̩kahaya ki bo̩ kpai e̩wñ du kʼi che, go, inabali-wñ che̩ko̩ rʼef o̩takada Iko E̩wñ Amonu Israe̩l le̩.

Aizaya 7:1

Oñ i lewatʼo̩kpanachi Ehaz, o̩ma Jo̩tam kʼi chʼo̩ma Uzaya, onu Juda le̩, ku Re̩zin, onu Siria, kpai Peka, o̩ma Re̩malaya onu Israe̩l, mute̩gu nyi Je̩rusale̩m ku ma kʼogu bʼo̩, ma muda neke dʼu n.