2 Amonu 15:19 - O̩TAKADA O̩LA O̩JO̩ 1970

¹⁹ Taku Pul, onu Asiria, lewa kobʼane̩ le̩; taku Me̩nahe̩m mʼajifa tale̩nt icham nyʼo̩gwo̩ko̩ ko ñwu Pul, todu kʼi mud e̩ne̩ ubi-wñ kʼo̩fe̩ le̩ ki lonyane̩ ef o̩wo̩-wñ.

2 Amonu 15:19 ပူးပေါင်းရင်းမြစ်များ

2 Amonu 14:5

Oñ i lewatu, abu kʼo̩da ojane̩ le̩ lonyane̩ o̩wo̩-wñ, ababa le̩ i fʼabuko̩lo̩ ku ma kpa ata-wñ onu le̩, kpa.

2 Amonu 18:16

Iko le̩ He̩ze̩kaya mʼe-ki jʼalugbana unyi Jihofa ko̩da wane̩ kpai akwo o̩la oli ugbogaga-wñ, owñ chʼe-ku He̩ze̩kaya onu Juda ko wenyʼu le̩, oñ i mʼu ko ñw onu Asiria.

Hosiya 10:6

Ma ñʼane̩ nyʼAsiria, ku ma dʼu chʼonu Jare̩b ele. Anyo̩ amu Ifraim, Israe̩l la achanyo̩ tod o̩la kʼowñ onugo lo.

Je̩re̩maya 17:5

Abu ki Jihofa ka de̩ kakini: Ama dʼoji one̩ ki ke̩do̩nʼone̩ kʼi la dʼore̩la chʼo̩wo̩ ugbiti-wñ, kʼe̩do̩-wñ la ana bi Jihofa te̩.

Aizaya 9:1

O̩bulubulu muda ade̩ ñw onobule̩ kʼe̩do̩-wñ kpabie̩ le̩ n. O̩gbo̩gba i je̩ ñw ma che̩de̩te̩ ane̩ Ze̩biulo̩n kpai ane̩ Naftali, ama e̩gba iko otitala i aje̩ ñw o̩na ohimini le̩ ki nʼojima, owñ chʼane̩ ejudaba Jo̩rdan, Galilie-abo uche̩ichi le̩.

2 Amonu 16:8

Tak Ehaz mʼajifa kpai o̩jamalia ku ma li ef unyi Jihofa kpai ef o̩pata unyi onu ko, i la mʼu ko kpe̩ru onu Asiria ele.

2 Amonu 12:18

Taku Jihoash onu Juda mʼe̩wñ ki afo̩ chaka ko kpuche̩ ru Hazae̩l onu Siria, owñ chʼe̩wñ ki afo̩ e-ku Jiho̩shafat kpai Jiho̩ram kpai Ahazaya, amata-wñ ku ma chʼamo̩ma Juda le̩, che ki fo̩ chaka, kpai e̩wñ e-owñ onugu ki afo̩, kpai o̩jamalia du ku ma li ef e̩wñ akoko ef unyi Jihofa, kpai ef unyi onu; taku Hazae̩l kwo bo̩ Je̩rusale̩m te̩.

Hosiya 5:13

E̩gba kʼIfraim fʼo̩ga-wñ li, ku Juda la li agbe e-wñ, tak Ifraim nyʼAsiria, oñ i fʼuche̩ kpe̩rʼonu Jare̩b. I la neke chʼo̩ga-we̩ n i neke kpʼagbe-we̩ n.

2 Amonu 15:18

I laño̩ fʼe̩wñ ki bie̩ne̩ eju Jihofa che; i kwo bʼadure Je̩roboam, o̩ma Nebat, eche te̩ o̩jo̩ du kʼi deju kade n, owñ chʼe-kʼi ne̩ je̩ ñw abo Israe̩l dure le̩.

2 Amonu 15:20

Me̩nahe̩m le nafʼo̩ko̩ le̩ bu ñw amanana ef abo Israe̩l kʼama ki ra, e̩ne̩ne̩ne̩ne̩-ma ne̩ she̩ke̩l ajifa ooje, kʼi ko ñw onu Asiria le̩. Abe̩le̩ tak onu Asiria mudabi oñ i ma kpo̩kpe̩ oj ane̩ o̩mo̩ n.

2 Amonu 15:29

O̩kpanachi Peka onu Israe̩l le̩, Tiglat-pilesa onu Asiria lewa fʼAijo̩n du kpai Ebe̩l-be̩t-maaka kpai Janoa kpai Kede̩sh kpai Hazo̩r kpai Gilead kpai Galili kpai ane̩ Naftali chaka; oñ i fʼabo le̩ mu nyʼAsiria.

Nihe̩maya 9:32

Todule̩, O̩jo̩-wa, e-Inaina, e-ki gbiti, O̩jo̩ ki la abailo, kʼi ade alo kpai ufe̩de̩nyo̩, ihianyi du ki wa bʼawa kpʼamonu-wa kpʼamagboji-wa kpʼamata-ma-wa, kpʼamakache̩-wa kpʼamata-wa, kpʼamone̩-we̩-i du ma, akwʼiko amonu Asiria gbogbo tʼo̩jolu eñini ki de̩ re eju-we̩ n.

Eli Eko̩ DʼO̩jo̩ 83:8

Asiria laño̩ manyʼuma ge̩; ama chʼugbogaga amo̩ma Lo̩t. Sila.

Je̩re̩maya 50:17

Israe̩l chʼe̩wño̩re̩ egini ku ma ne bʼunyi te̩; amidu fʼu ne tinyo̩. Ejo-dudu, onu Asiria mʼu du je̩; oñ fai ubiane̩-i, Ne̩biukadre̩za, onu Babilo̩n, fʼachiku-wñ guche̩.

Izikie̩l 23:5

Oñ iko kʼu ne̩ Ohola le̩ i tʼajo̩ko̩ ale, ibe-wñ kwote̩ ame̩nufe̩do̩-wñ chaka, ibe-wñ tʼugbo abo Asiria kʼane̩-ma te̩ kadʼe-wñ,