2 Amonu 13:6 - O̩TAKADA O̩LA O̩JO̩ 1970

⁶ I chaka dʼabe̩le̩ ma kwo bʼadure abo unyi Je̩ro̩boam te̩ n, owñ chʼe-kʼi ne̩ je̩ ñw abo Israe̩l dure le̩, chai elule̩ ma kwolule̩ ef uwñ; Ashe̩ra laño̩ bo̩ Samaria ta.)

2 Amonu 13:6 ပူးပေါင်းရင်းမြစ်များ

1 Amonu 16:33

Oñ i fʼAshe̩ra che; Ehab ño̩ chʼe̩wñ tʼe-i le kʼi nyi Jihofa O̩jo̩ Israe̩l uwe̩do̩ tʼamonu Israe̩l du ku ma je̩ akwoubi le.

2 Amonu 13:2

I ño̩ che e̩wñ ki bie̩ne̩ eju Jihofa, oñ i tʼadure Je̩ro̩boam, o̩ma Nebat, ubi; owñ chʼe-kʼi ne̩ je̩ ñw abo Israe̩l dure le̩; i kwo bʼe-le̩ te̩ n.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

2 Amonu 18:4

I fʼotete otete le̩ gbe̩ rinyo̩, i la fʼojibo ojibo gulo̩ rinyo̩, i ño̩ fʼAshe̩ra lo̩ wane̩; tak i fʼejo ebije ekpikpa ki Mose̩s che le̩ guche̩ ye̩ge̩ye̩ge̩; todu gbogbo wʼiko le̩ amo̩ma Israe̩l tetagu otulale jo ñw u; oñ i dʼodu-wñ ko̩ Ne̩hushatan.

2 Amonu 17:16

Ma la hi uko̩ du ki Jihofa O̩jo̩-ma te̩ ñwu ma tinyo̩, oñ ma fʼojibo da ñw o̩la-ma, owñ chʼamo̩ma okuno̩ meji, ma la fʼAshe̩ra che, oñ ma dojikane̩ ñw o̩wo̩ e̩wñ ojale, ma la re̩ Beal.

2 Amonu 10:29

I chaka dʼabe̩le̩, ugbo e̩wñ adure e-Je̩ro̩boam, o̩ma Nebat le̩, owñ chʼe-kʼi ne̩ je̩ ñw abo Israe̩l dure, Jihiu la kwo bʼe-le̩ te̩ n, owñ chʼamo̩ma okuno̩ e-o̩jamalia ku ma jo̩ Be̩te̩l kpʼe-ki jo̩ Dan,

1 Amonu 16:26

Todu i lule̩ likpa ki Je̩ro̩boam o̩ma Nebat le chaka, kpai ef adure-wñ du e-kʼi ne̩ je̩ ñw abo Israe̩l dure, kʼama ki nʼe̩wñ ibe̩te̩-ma nyi Jihofa, O̩jo̩ Israe̩l, uwe̩do̩.

1 Amonu 15:3

I ño̩ lule̩ ef e̩wñ adure du kʼata-wñ che akwoubi; e̩do̩-wñ la de̩ jalii ugbo Jihofa O̩jo̩-wñ alu kʼe̩do̩ Defid ata-wñ de̩ n.

O̩lo̩da Eduwa Onukeji 7:5

Ama abu kʼame̩ ache ama de̩: ame̩ ki gu ubo̩ iche̩bo̩-ma lo̩, ku me̩ la kpʼojibo-ma fo̩, me̩ ki fʼAshe̩rim-ma lo̩ rinyo̩, ku me̩ nʼuna gu ojibo-ma ku ma gbe̩ jo̩.

1 Amonu 14:16

I la atʼabo Israe̩l no̩ tinyo̩ tod adure adure Je̩ro̩boam, owñ chʼe-kʼowñ onugo che kpai e-kʼi ño̩ je ñw abo Israe̩l che ge̩.

2 Amonu 13:11

I la nʼe̩wñ ki bie̩ne̩ eju Jihofa ache; i kwo bʼadure Je̩ro̩boam, o̩ma Nebat, du te̩ n, owñ chʼe-kʼi ne̩ je̩ ñw abo Israe̩l dure; i la talule̩ ef uwñ.

2 Amonu 21:3

Todu i dabi ko̩ otete otete e-kʼata-wñ He̩ze̩kaya gulo̩ rinyo̩ le̩; i la ño̩ fʼubo̩ iche̩bo̩ ne dago ñwu Beal, oñ i fʼAshe̩ra che, alu kʼEhab onu Israe̩l le̩ che, i laño̩ dojikane̩ ñw uwewe e̩wñ ojale, i la re̩ ma.

Aizaya 26:10

Dagba ma chaka lʼe̩ne̩bibi eju i ako̩che̩ e̩wñ o̩kpakpa n; ojane̩ o̩kpakpa le̩, i achʼuji-wñ kpo̩, i agegʼinaina Jihofa n.