2 Amonu 12:7 - O̩TAKADA O̩LA O̩JO̩ 1970

⁷ Tak onu Jihoash fu Jiho̩yada atama do̩ wa, kpʼamatama ki bo̩, oñ i ka ñwu ma kakini, E̩wñ chi ku me̩ ma ñw e̩kpabie̩ unyi le̩ che n? todule̩ ame̩ ki ño̩ gbʼo̩ko̩ kwʼo̩wo̩ abo ku me̩ ma ma le̩ fa-i ge̩ n, me̩ muda mʼu ko wa todu e̩kpabie̩ unyi le̩.

2 Amonu 12:7 ပူးပေါင်းရင်းမြစ်များ

2 Iko Iko E̩wn 24:16

Oñ ma mʼu du ji ef ewo Defid, ugbo amonu, todabu kʼi fʼe̩wñ ki nyo̩ che ane̩ Israe̩l, tʼe-ki che ñw O̩jo̩ tʼe-kʼi che ñw unyi-wñ ge̩.

2 Iko Iko E̩wn 23:1

Tak ef o̩do̩ e̩kebie e̩do̩ gbo ñwu Jiho̩yada, oñ i je̩ ñw amagboji one̩ ogume̩lu ogume̩lu fʼalo kpe̩ kpʼowñ, owñ che Azaraya, o̩ma Je̩roham kpai Ishmae̩l, o̩ma Jihohenan kpʼAzaraya, o̩ma Obe̩d kpai Maaseya, o̩ma Adaya kpai Ilaishafat, o̩ma Zikri.

1 Iko Iko E̩wñ 21:3

Taku Jo̩ab kakini, Jihofa ki je̩ ñw abo-wñ ku ma wewe tʼalu ku ma de̩ abajo̩i le onu ogume̩lu ta; O odu-mi onu, o̩chaka-ma chʼamadu odu-mi-i n? e̩wñ chi kʼodu-mi atene e̩wñ-i? e̩wñ chi kʼi adʼo̩la-wñ chʼe̩wñ ki aje̩ ñw abo Israe̩l dʼO̩jo̩ re ta?

2 Amonu 12:2

Jihoash la fʼe̩wñ ki nyo̩ eju Jihofa che o̩jo̩ du ku Jiho̩yada atama nʼo̩la akʼowñ.

2 Amonu 11:4

Tak o̩do̩ e̩kebie-wñ Jiho̩yada fʼonuche̩ kpe̩ kʼi ko amagboji one̩ ogu-me̩lu ogume̩lu ku ma nʼo̩da abide wa, kpai amonuche̩, oñ i mʼuma ko wʼugbo-wñ ef unyi Jihofa; tak i fʼalo kpe̩ kpai ama, oñ i je̩ ñwu ma go̩ ñw u ef unyi Jihofa le̩, tak i dʼo̩ma onu ña ma.

2 Amonu 12:6

I muda lewatu o̩do̩ ogu nyoke me̩ta ku Jihoash jʼonu, amatama la ñw e̩kpabie̩ unyi le̩ che ta n.

2 Amonu 12:8

Tak amatama je̩ ka kʼama agba o̩ko̩ kwʼo̩wo̩ amo̩ja ge̩ n, i la chʼama añwʼe̩kpabie̩ unyi le̩ che n.

Hagai 1:2

Abu ki Jihofa ki nʼe̩wñ du ka de̩, kakini, Amone̩-i jʼaka kakini, Iko-wñ wa ta n, owñ chʼiko ku ma ako̩ unyi Jihofa.