2 Amonu 12:10 - O̩TAKADA O̩LA O̩JO̩ 1970

¹⁰ Abe̩le̩, e̩gba ku ma li kʼo̩ko̩ chenana ef akpati le̩, tak ako̩takada onu kpai agboji amatama mute̩gu wa, oñ ma fʼo̩ko̩ ku ma li ef unyi Jihofa le̩ kaluka nyʼef akpulu, akpulu.

2 Amonu 12:10 ပူးပေါင်းရင်းမြစ်များ

2 Samiue̩l 8:17

Zedo̩ko̩ma Ahitub kpai Ahime̩le̩k o̩ma Abayata la chʼamatama; Se̩raya chʼadejutʼo̩takada;

2 Amonu 22:12

Tak onu ñwa ñwu Hilkaya, atama, kpai Ahaikam, o̩ma Shefan, kpai Akbo̩r, o̩ma Maikaya, kpai Shefan, ako̩takada, kpai Aseya, e̩nuko̩lo̩ onu le̩, kakini,

2 Amonu 19:2

Tak i fʼE̩layakim, kʼi nʼo̩da abunyi-wñ le̩ kpai She̩bna ako̩takada kpʼabogijo ef amatama, kpe̩rʼAizaya akache̩ kʼi chʼo̩ma Emo̩z, e̩gbanukpo la bʼo̩la-ma ma.

2 Amonu 5:23

Taku Neaman kakini, I ki nyʼuwe̩ eju kʼe̩ gbʼitale̩nt meji. Oñ i kutʼo̩, tak i mʼajifa itale̩nt meji ji nyʼakpulu meji, manyʼe̩wñ o̩la anyimuda meji, oñ i mʼu ko nʼamadu-wñ meji ika; tak ama nʼe̩ tʼo̩gba-wñ alo̩.

2 Samiue̩l 20:25

Shefa la chʼako̩takada; Zedo̩k kpai Abayata chʼamatama;

2 Amonu 12:11

Taku ma mʼo̩ko̩ ku ma ñwa le̩ ko nyʼef o̩wo̩ abo ku ma che uko̩lo̩ le̩, owñ chʼabo ku ma fejute̩ unyi Jihofa: tak ama le̩ mʼu ko dufu ñw amikapita kpʼamakunyi ku ma che uko̩lo̩ unyi Jihofa,

2 Iko Iko E̩wn 24:11

Abe̩le̩ i la de̩, ka kʼe̩gba du kʼabo Lifai dʼakpati wʼugbo abo onu, ku ma li ka kʼo̩ko̩ nana jʼefu-wñ, ako̩takada onu kpʼabo ku ma che e̩wñ ñw agboji amatama ki chʼoji mʼe̩wñ ki jʼefu-wñ ko, taku ma ño̩ dʼakpati le̩ dabi tʼe̩gu-wñ. Abe̩le̩ ma che o̩jo̩ du. Ma la kʼo̩ko̩ wa jo̩ ololo ololo.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

1 Iko Iko E̩wñ 9:19

Oñ Shalum o̩ma Ko̩re̩, o̩ma Ibaisaf, o̩ma Ko̩ra kpʼamo̩maye-wñ ef abo unyi ata-wñ. Abo Ko̩ra le̩ la nʼo̩da uko̩lo̩ e̩wñ eche ñw O̩jo̩ ku ma dide o̩na o̩na unyabo; alu kʼamata-ma te̩te̩nʼo̩da uru Jihofa ku ma de alo̩na-wñ.

E̩zra 3:7

Ma ño̩ kʼo̩ko̩ ñw abo ku ma ne kpai abo ku ma fʼoli; kpʼuje̩wñ kpai omi kpai ekpo ñw abo Saido̩n kpai abo̩ Taya, todu ku ma ko oli sidar kwʼoko Le̩bano̩n wʼo̩la ohimini Jo̩pa, alu ki Sairo̩s, onu Pe̩rsia le̩, bu ñwu ma.