2 Amonu 11:19 - O̩TAKADA O̩LA O̩JO̩ 1970

¹⁹ Oñ i mʼamagboji one̩ ogume̩lu ogume̩lu kpʼabo ku ma dide kpʼamonuche̩, kpai amone̩ ane̩ le̩ chaka ko; tak abo le̩ dʼonu gwo̩ru kwugbo unyi Jihofa wa, oñ ma le o̩na alaku adide tʼunyi onu. Tak i kwogugu oj ede amonu.

2 Amonu 11:19 ပူးပေါင်းရင်းမြစ်များ

Matiu 25:31

Abe̩le̩ e̩gba du kʼO̩ma One̩ lewa ef ojima-wñ kpai amonuche̩-wñ du ubi-wñ, e̩gba le̩ i agugu oj ede ojima-wñ.

Matiu 19:28

Oñ Jisus ka ñwu ma kakini, Ami, naka ñwu me̩, ka kʼame̩ ku me̩ te̩tatʼumi ubi-i, iko ku ma nyʼe̩wñ du etito̩, e̩gba kʼO̩ma One̩ gugu oj ede ojima-wñ, ame̩ onugo agugu oj ede me̩gweji akajo̩ o̩lo̩pu Israe̩l me̩gweji.

Je̩re̩maya 22:30

Abu ki Jihofa aka de̩ kakini: Me̩ ki fʼodu e̩ne̩-i ko̩ ka kʼi anʼo̩ma n, owñ chʼe̩ne̩ kʼe̩wñ ma ara ñw u n gbogbo mʼo̩jo̩ uku-wñ; todu i ara ñw e̩ne̩ du ki dʼef ugbe̩-wñ kʼi gugu oj ede Defid kʼi ñʼajʼonu Juda ge̩ n.

Je̩re̩maya 22:4

Todu iche̩wñ kʼame̩ che teju o̩la-i ochochi, mak amonu ku ma gugu oj ede Defid atʼef o̩ko̩ane̩ kʼanya afo̩, kpʼabo ku ma tanʼanya, tʼama, tʼamadu-ma, tʼamone̩-ma, agudu wʼalaku, alaku unyi-i.

Je̩re̩maya 17:25

mak amonu ku ma agugu oj ede Defid, ku ma atʼo̩ko̩ ane̩ kpai eta nʼanya, tʼama tʼamagboji-ma, tʼaboke̩le̩ Juda kpʼabo ku ma dodo Je̩rusale̩m, agudu wʼalaku alaku ewo-i; oñ amone̩ adodo ewo-i ogbegbele̩.

2 Iko Iko E̩wn 23:19

Oñ i kʼamade alo̩na jo̩ alaku alaku unyi Jihofa, kʼe̩ne̩ du ki ma fe̩ n ree, kʼi we egudu wa.

2 Iko Iko E̩wn 23:5

ukpe̩re̩ta-me̩ la ajo̩ unyi onu; oñ ukpe̩re̩ta ajo̩ alaku e̩rane̩-wñ; oñ amone̩ du la ajʼologbo ologbo unyi Jihofa.

1 Iko Iko E̩wñ 29:23

Taku So̩lo̩mo̩n kwogugu oj ede Jihofa kʼi chʼonu koji Defid, ata-wñ, i la ra ñw u. Abo Israe̩l du la gbʼo̩la-wñ gbo̩.

1 Amonu 1:13

E̩ lo kʼe̩ nyʼejefu ugbo onu Defid, kʼe̩ la ka ñw u kakini, Odu-mi, O onu, i chʼuwe̩ go̩ ñw adu-we̩ onobule̩-i, kakini, So̩lo̩mo̩n o̩ma-we̩ ajʼonu koji mi chuu, kʼowñ la agugu oj ede-mi n? Mak e̩wñ chi kʼAdonija ajʼonu-i ge̩?

Abakwane̩ 37:36

Oñ abo Midian le̩ mʼowñ du le tʼane̩ Ijipti ata ñwu Po̩tife̩r, onoji Fero, kʼi chʼagboji amaganyi-wñ.

2 Iko Iko E̩wn 23:20

Tak i mʼamagboji one̩ ogume̩lu ogume̩lu, kpʼa-me̩nojima kpʼame̩nuto̩gba amone̩ le̩ kpʼamone̩ du oj ane̩ le̩ ko, oñ ma dʼonu gwo̩ru kwʼunyi Jihofa wa: taku ma le alaku e-ate̩ wʼunyi onu, oñ ma mʼonu du gugu oj ede o̩fe̩ ojane̩ le̩.

1 Amonu 14:27

Taku Reho̩boam fʼugbe̩yo̩ ebije-ikpa che koji-wñ oñ i mʼu ko nyʼamagboji abide o̩wo̩, owñ chʼabo ku ma de alugbo̩na unyi onu.