2 Amonu 11:17 - O̩TAKADA O̩LA O̩JO̩ 1970

¹⁷ Taku Jiho̩yada fʼalo kpe̩ agbagba Jihofa kpʼonu kpʼamone̩ le̩, kʼama ki chʼamone̩ Jihofa; kpʼagbagba onu kpʼamone̩ le̩ ge̩.

2 Amonu 11:17 ပူးပေါင်းရင်းမြစ်များ

2 Samiue̩l 5:3

Abe̩le̩ abogijo Israe̩l chaka lewa He̩bro̩n ugbo onu. Taku Defid onu fʼalo che kpai ama He̩bro̩n eju Jihofa; oñ ma fʼekpo ba tu Defid oji kʼi jʼonu Israe̩l.

2 Iko Iko E̩wn 34:31

Tak onu kwodago uña-wñ, oñ i fʼalo kpe̩ o̩gba Jihofa, ka kʼi alule̩ tu Jihofa ubi kʼi la ade uko̩ uko̩ kʼi te̩ kpʼo̩la ibenu-wñ kpʼe̩wñ uhio̩me̩-wñ, kpʼe̩do̩-wñ kpʼonugo-wñ chaka, todu kʼi che teju o̩la alo ku ma ko̩ nyʼo̩takada-i.

Jo̩shua 24:25

Abe̩le̩ Jo̩shua fʼalo kpe̩ kpai amone̩ le̩ o̩jo̩ le̩, oñ i fʼe̩wñ uhio̩me̩ kpai o̩da ajo̩ du te̩ ñwu ma She̩ke̩m.

E̩zra 10:3

Todule̩ a ki kpilo kpai O̩jo̩-wa ta, kʼa kʼamo̩ya le̩ jʼane̩ kpai amo̩ma-ma du ku ma bi ñw a, teju alu kʼalu odu-mi kpai abo kʼo̩la-ma aga todu uko̩ O̩jo̩-wa adʼibe ñw a; a ki che teju alu kʼuko̩-o̩la ka.

2 Iko Iko E̩wn 29:10

Oñ i dʼe̩do̩-mi kʼu kpʼalo kpai Jihofa, O̩jo̩ e-Israe̩l, kʼuwe̩do̩-wñ ki kpuna-i ki rida bʼuwa te̩.

1 Samiue̩l 10:25

Taku Samiue̩l ka ñw amone̩ le̩ alu kʼo̩fe̩ ojane̩ le̩ ade̩, oñ i fʼu ko̩ nyʼef ubuku, oñ i mʼu du te̩ o̩gba Jihofa. Taku Samiue̩l je̩ ñw amone̩ chaka kwʼo̩mo̩ le, e̩ne̩ne̩ne̩ne̩ le tʼunyi-wñ.

2 Abo Ko̩rint 8:5

ma la che teju alu kʼa neju-wñ n, ma muda mʼo̩la-ma ko ñw Ondu kpʼawa alu ki dʼO̩jo̩ e̩do̩ ejodudu.

Nihe̩maya 9:38

I chaka dʼabe̩le̩ du, alo ogbolo oñ a akpe̩-i, a la akʼo nyʼo̩takada; oñ amagboji-wa, kpʼabo Lifai-wa kpai amatama-wa jo̩ abu kʼa hiʼuko̩-i.

2 Iko Iko E̩wn 23:16

Taku Jiho̩yada kpʼalo, owñ kpʼamone̩ le̩ chaka kpʼonu, kʼama ki chʼamone̩ Jihofa.

1 Iko Iko E̩wñ 11:3

Abe̩le̩ abogijo Israe̩l chaka lewa He̩bro̩n ugbo onu Taku Defid fʼalo che kpʼama He̩bro̩n eju Jihofa; oñ ma fʼekpo ba tu Defid oji kʼi jʼonu Israe̩l, alu ku Jihofa ka lʼalu Sumiue̩l le̩.

2 Amonu 11:4

Tak o̩do̩ e̩kebie-wñ Jiho̩yada fʼonuche̩ kpe̩ kʼi ko amagboji one̩ ogu-me̩lu ogume̩lu ku ma nʼo̩da abide wa, kpai amonuche̩, oñ i mʼuma ko wʼugbo-wñ ef unyi Jihofa; tak i fʼalo kpe̩ kpai ama, oñ i je̩ ñwu ma go̩ ñw u ef unyi Jihofa le̩, tak i dʼo̩ma onu ña ma.

2 Amonu 23:3

Onu la dago kpenyu ebije ekpikpa kʼi dago waala le̩, oñ i fʼalo kpe̩ o̩gba Jihofa, ka kʼi alule̩ tu Jihofa ubi, kʼi la ade uko̩ uko̩ kʼi te̩ kpai o̩la ibenu-wñ kpai e̩wñ uhio̩me̩-wñ kpai e̩do̩-wñ chaka, kpai onugo-wñ chaka, kʼi fʼo̩la alo ku ma ko̩ nyʼef o̩takada le̩ lonyane̩. Oñ amone̩ le̩ du dago jo̩ aje̩nyʼalo le̩.

Je̩re̩maya 34:8

O̩la ki kwʼugbo Jihofa lewʼugbo Je̩re̩maya le̩ de̩, owñ chʼabu ku Ze̩de̩kaya, onu, kpʼalo kpʼamone̩ ku ma jo̩ Je̩rusale̩m chaka ku ma adʼomi nʼo̩la-mi kpogo ñwu ma;