2 Amonu 11:15 - O̩TAKADA O̩LA O̩JO̩ 1970

¹⁵ Taku Jiho̩yada, atama, ñwa ñw amagboji one̩ ogume̩lu ogume̩lu ku ma nʼo̩da abogu, oñ i ka ñwu ma kakini, Mʼu du dufu lʼagbagba abo ku ma tala jo-i; oñ e̩ne̩ kʼi tʼo̩ ubi, me̩ nʼo̩kwo̩chageli kpa. Todu atama le̩ kakini, Me̩ ki dʼu kpa ef unyi Jihofa n.

2 Amonu 11:15 ပူးပေါင်းရင်းမြစ်များ

Izikie̩l 21:14

Todule̩ uwe̩, o̩ma one̩, kache̩ ke, kʼe̩ la gwʼo̩wo̩; je̩ ñw o̩kwo̩chageli le̩ ki wan? onu meji, i-i, i ki chʼonu me̩ta, o̩kwo̩chageli abo ki ku de̩; o̩kwo̩chageli ki akpʼone̩ wewe ki lʼu ma daka le̩ de̩.

Izikie̩l 9:7

Tak i ka ñwu ma kakini, Me̩ fʼunyi-i daji, ku me̩ kʼabo ku me̩ kpa jʼologbo-i kʼi ko̩. Me̩ lo ke̩. Oñ ma ledufu akpʼone̩ ef ewo le̩.

2 Iko Iko E̩wn 23:14

Taku Jiho̩yada kʼamagboji one̩ o̩gume̩lu ogume̩lu ku ma nʼo̩da abogu dufu, oñ ika ñwu ma kakini, Me̩ mʼu du kwʼugbo ku ma tala jo̩ le̩ dufu; oñ e̩ne̩ du kʼi atʼo̩ ubi, ma anʼo̩kwo̩chageli kpa; todu atama le̩ kakini, Me̩ ki kpa ef unyi Jihofa-i n.

2 Iko Iko E̩wn 23:9

Taku Jiho̩yada kʼo̩kwo̩ kpai ugbe̩yo̩ kpʼe̩wñ ube̩do̩ma ki Defid onu ne̩ ki jʼef unyi O̩jo̩ ñw amagboji one̩ ogume̩lu ogume̩lu.

2 Amonu 11:4

Tak o̩do̩ e̩kebie-wñ Jiho̩yada fʼonuche̩ kpe̩ kʼi ko amagboji one̩ ogu-me̩lu ogume̩lu ku ma nʼo̩da abide wa, kpai amonuche̩, oñ i mʼuma ko wʼugbo-wñ ef unyi Jihofa; tak i fʼalo kpe̩ kpai ama, oñ i je̩ ñwu ma go̩ ñw u ef unyi Jihofa le̩, tak i dʼo̩ma onu ña ma.

E̩wñ kʼAme̩nukpuche̩ Che 21:30

Tak ogbo̩ ewo le̩ du mudogo. Oñ amone̩ mute̩gidi jʼugboʼkate, oñ abu ku ma gwo̩nyu Po̩l, ma fʼowñ fa wʼo̩do̩da unyi O̩jo̩, tak ababale̩ ma fʼo̩na-wñ re.

2 Amonu 11:14

oñ i go, e̩ la go, onu dago ugbo ebije ikpa ki dago waala o̩mo̩, alu ku ma che le̩, oñ amagboji kpai amafʼo̩kakachi jʼugbo onu; amone̩ ane̩ le̩ du jʼayo̩, oñ ma nʼo̩kakachi ala. Tak Atalaya fʼe̩wñ o̩la-wñ fana, oñ i chane̩ ekpogu kakini, Alo ma da nyu mi-i! Alo ma da nyu mi-i!

2 Amonu 11:16

Abe̩le̩ ma mʼo̩na bite̩ ñw u; oñ i lʼo̩na kʼamanya ale tʼunyi onu; o̩mo̩ le̩ ma la dʼu kpa.

Akwodufu 21:14

I muda che̩wñ kʼone̩ gwejugede gwo̩ko̩ rʼone̩ o̩la kʼi fʼu kpa lef ugbeju, e̩ ki mʼu du bʼubo̩ iche̩bo̩-mi te̩, todu kʼi ku.