2 Amonu 11:14 - O̩TAKADA O̩LA O̩JO̩ 1970

¹⁴ oñ i go, e̩ la go, onu dago ugbo ebije ikpa ki dago waala o̩mo̩, alu ku ma che le̩, oñ amagboji kpai amafʼo̩kakachi jʼugbo onu; amone̩ ane̩ le̩ du jʼayo̩, oñ ma nʼo̩kakachi ala. Tak Atalaya fʼe̩wñ o̩la-wñ fana, oñ i chane̩ ekpogu kakini, Alo ma da nyu mi-i! Alo ma da nyu mi-i!

2 Amonu 11:14 ပူးပေါင်းရင်းမြစ်များ

2 Iko Iko E̩wn 34:31

Tak onu kwodago uña-wñ, oñ i fʼalo kpe̩ o̩gba Jihofa, ka kʼi alule̩ tu Jihofa ubi kʼi la ade uko̩ uko̩ kʼi te̩ kpʼo̩la ibenu-wñ kpʼe̩wñ uhio̩me̩-wñ, kpʼe̩do̩-wñ kpʼonugo-wñ chaka, todu kʼi che teju o̩la alo ku ma ko̩ nyʼo̩takada-i.

2 Amonu 23:3

Onu la dago kpenyu ebije ekpikpa kʼi dago waala le̩, oñ i fʼalo kpe̩ o̩gba Jihofa, ka kʼi alule̩ tu Jihofa ubi, kʼi la ade uko̩ uko̩ kʼi te̩ kpai o̩la ibenu-wñ kpai e̩wñ uhio̩me̩-wñ kpai e̩do̩-wñ chaka, kpai onugo-wñ chaka, kʼi fʼo̩la alo ku ma ko̩ nyʼef o̩takada le̩ lonyane̩. Oñ amone̩ le̩ du dago jo̩ aje̩nyʼalo le̩.

2 Amonu 9:23

Taku Joram mʼo̩wo̩ rida, oñ i ra, i la ka ñw Ehazaya kakini, Akpaine de̩, O Ehazaya!

Luku 19:37

Oñ abu kʼi ame̩ru awa, ugbo agwo̩ru uwo O̩lif le̩, ugwe̩ko̩ amako̩che̩ le̩ chaka chane̩ e̩yo̩, ma nʼomu lile añwulo̩ O̩jo̩ todu uko̩lo̩ ukpahiu du ku ma li,

Ita, Ita 29:2

E̩gba kʼame̩no̩kpakpa kwotʼo̩gba amone̩ agwoguyo̩; ama e̩gba kʼe̩ne̩bibi fʼo̩da ne̩ amone̩ jʼafifi.

1 Iko Iko E̩wñ 12:40

Abo ku ma me̩ru ma o̩mo̩ gbogbo nyʼIsakar kpai Ze̩biulo̩n kpai Naftali kʼuje̩wñ nʼubi amo̩ke̩ke̩te̩ kpai aminyakulumi kpai amimiulu kpai amokuno̩ wa; omu e̩wñ e̩yo̩ kpai e̩ro o̩gbaikolo ki gbe̩ mʼomune̩ kpai acha acha achiwebe̩te̩ma e̩gbe̩ kpai omi achiwebe̩te̩ma, kpai amokuno̩ kpai ame̩wño̩re̩ egini tabale, todu uyo̩ de̩ Israe̩l me̩.

Abakwane̩ 44:13

Taku ma fʼe̩wñ o̩la-ma fana, e̩ne̩ne̩ne̩ne̩ mʼadu-wñ ko nʼubi o̩ke̩ke̩te̩-wñ, oñ ma mudabi tʼewo le̩.

Abakwane̩ 37:29

Taku Rube̩n mudabi tʼalu o̩fe̩ le̩; go, Jose̩f la dʼef o̩fe̩ n; oñ i fʼukpo-wñ fana.

2 Amonu 11:15

Taku Jiho̩yada, atama, ñwa ñw amagboji one̩ ogume̩lu ogume̩lu ku ma nʼo̩da abogu, oñ i ka ñwu ma kakini, Mʼu du dufu lʼagbagba abo ku ma tala jo-i; oñ e̩ne̩ kʼi tʼo̩ ubi, me̩ nʼo̩kwo̩chageli kpa. Todu atama le̩ kakini, Me̩ ki dʼu kpa ef unyi Jihofa n.

1 Amonu 1:25

Todu eñini-i i mugwo̩ru le, i la fʼamo̩kokuno̩ kpai ame̩la ki yoyo kpai ame̩wño̩re̩ egini kpa e̩kute̩, oñ i fʼamo̩ma onu chaka kpai amagboji abogu kpʼAbayata, atama do̩; e̩ la go, ma jʼo̩gba-wñ aje̩ añmo̩, oñ ma jo̩ akakini, Oji onu Adonija ki gbo kala kala.

2 Amonu 9:13

Taku ma hiane̩ oñ e̩ne̩ne̩ne̩ne̩-ma mʼafe̩-wñ du, oñ ma mʼu ko jʼoji ubo ugbo ku ma te̩gu kʼi gugu oji-wñ, taku ma fʼo̩kakachi fa, kakini, Jihiu chʼonu!