2 Amonu 10:26 - O̩TAKADA O̩LA O̩JO̩ 1970

²⁶ Taku ma kʼojibo ki dago jʼef unyi Be̩al dufu, ma fʼu gujo.

2 Amonu 10:26 ပူးပေါင်းရင်းမြစ်များ

1 Amonu 14:23

Todu ama ño̩ ko otete otete ñw o̩la-ma, kpai ode ode, kpai Ashe̩rim, oj uwo du ki gbo̩gba, kpai of oli emimi du.

2 Amonu 19:18

ma la kʼamo̩jo̩-ma jʼef una; todu abo le̩ chʼamo̩jo̩ n, chai uko̩lo̩ o̩wo̩ one̩ ofo, oli kpai okuta; i che tod e-le̩ oñ ma fʼuma kpabie̩ rinyo̩.

2 Amonu 3:2

I ño̩ fʼe̩wñ ki bie̩ne̩ eju Jihofa che, i muda che dab ata-wñ kpʼiye-wñ n; todu i mʼojibo Beal kʼata-wñ che le̩ du tinyo̩.

2 Samiue̩l 5:21

Oñ ma tʼojibo ojibo-ma no̩ jʼomo, taku Defid kpʼabo-wñ mʼu ko kwʼo̩mo̩.

1 Amonu 16:32

Tak Ehab fʼubo̩ iche̩bo̩ kpa todu Beal ef unyi Beal e-kʼi ko̩ Samaria.

2 Amonu 11:18

Tak abo ane̩ le̩ chaka le tʼunyi Beal, oñ ma fʼu kpo̩fo̩ wane̩; ma fʼubo̩ iche̩bo̩-wñ kpai ojibo-wñ guche̩ rinyo̩ ye̩ge̩ye̩ge̩, oñ ma du Maian, atama Beal, kpa o̩gba ubo̩ iche̩bo̩ le̩. Tak atama O̩jo̩ fʼabo ku ma anʼo̩da unyi Jihofa chi jo̩.

Aizaya 27:9

Todule̩ lugbo e̩wñ-i oñ e̩wñ abʼudu ku Jeko̩b fe̩ ma, e̩ro ki kwugbo adure-wñ eko bʼo̩ te̩ chaka le̩ de̩: owñ chʼe̩gba kʼi ache kʼokuta ubo̩ iche̩bo̩ le̩ chaka ki dab afu ku ma fukpo̩fo̩ nuku nuku, Ashe̩rim kpai ojibo olu ñʼakwane̩ ge̩ n.

O̩lo̩da Eduwa Onukeji 7:5

Ama abu kʼame̩ ache ama de̩: ame̩ ki gu ubo̩ iche̩bo̩-ma lo̩, ku me̩ la kpʼojibo-ma fo̩, me̩ ki fʼAshe̩rim-ma lo̩ rinyo̩, ku me̩ nʼuna gu ojibo-ma ku ma gbe̩ jo̩.

1 Amonu 15:13

Tak i ño̩ bʼiye-wñ Maaka gbʼo̩da iye onu, todabu kʼi fʼojibo ihie̩ne̩ʼka che ñw Ashe̩ra. Esa la fʼe̩wñ ihie̩ne̩-wñ lo̩ wane̩, oñ i fu gujo eti aji Kidro̩n.

2 Amonu 18:4

I fʼotete otete le̩ gbe̩ rinyo̩, i la fʼojibo ojibo gulo̩ rinyo̩, i ño̩ fʼAshe̩ra lo̩ wane̩; tak i fʼejo ebije ekpikpa ki Mose̩s che le̩ guche̩ ye̩ge̩ye̩ge̩; todu gbogbo wʼiko le̩ amo̩ma Israe̩l tetagu otulale jo ñw u; oñ i dʼodu-wñ ko̩ Ne̩hushatan.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

2 Amonu 23:6

Tak i mʼAshe̩ra du kwʼef unyi Jihofa dufu nyʼej ubi Je̩rusale̩m tʼo̩la aji Kidro̩n, oñ i fʼu gujo rinyo̩ o̩la aji Kidro̩n le̩, tak i fʼu gwu ebutu, oñ i fʼebutu-wñ kwu abʼojinoji ojinoji ame̩no̩talaka ma.

2 Amonu 23:12

Oñ onu fʼubo̩ iche̩bo̩ ki jʼojokunyi Ehaz o̩wo̩ ate̩ le̩, owñ chʼe-kʼamonu Juda che te̩, kpai ubo̩ iche̩bo̩ ki Manasa che ef ologbo kpʼanuku unyi Jihofa kpo̩fo̩ rinyo̩ i la mʼebutu-wñ ko ra kwʼo̩mo̩, oñ i fʼu kwu nyʼef aji Kidro̩n.

1 Iko Iko E̩wñ 14:12

Oñ ma hi amo̩jo̩-ma tinyo̩ jʼo̩mo̩, taku Defid ñwa ñwu ma, oñ ma nʼuna gʼuma jo rinyo̩.

2 Iko Iko E̩wn 34:7

I la fʼubo̩ ubo̩ iche̩bo̩ kpo̩fo̩ wane̩, oñ i fʼAshe̩rim-ma kpʼojibo ojibo ku ma gbe̩ le̩ gwu ebutu; i la fʼojibo ojibo olu ugbo du ojane̩ Israe̩l lo̩ wane̩, tak i mudabi wa Je̩rusale̩m.